ਵਾਸ਼ਿੰਗਟਨ,  29 ਅਗਸਤ (ਪੰਜਾਬ ਮੇਲ)-  ਅਮਰੀਕਾ ਨੇ ਈਰਾਨੀ ਪੈਟਰੋਲੀਅਮ ਅਤੇ ਪੈਟਰੋ ਕੈਮੀਕਲ ਉਤਪਾਦਾਂ ਨਾਲ ਸਬੰਧਤ ਸੌਦਿਆਂ ਨੂੰ ਲੈ ਕੇ ਚਾਰ ਭਾਰਤ-ਅਧਾਰਤ ਕੰਪਨੀਆਂ ਅਤੇ ਤਿੰਨ ਭਾਰਤੀਆਂ ’ਤੇ ਪਾਬੰਦੀਆਂ ਲਗਾਈਆਂ ਹਨ|  ਵਿਦੇਸ਼ ਵਿਭਾਗ ਨੇ ਆਪਣੀ ਪਾਬੰਦੀਆਂ ਵਾਲੀ ਸੂਚੀ ਵਿੱਚ ਕਸਟਮ ਬ੍ਰੋਕਰ ਪੋਰਟੀਜ਼ ਪਾਰਟਨਰਜ਼ ਅਤੇ ਭਾਰਤੀ ਨਾਗਰਿਕ ਇੰਦਰਿਸਮੀਆ ਅਸ਼ਰਫਮੀਆ ਸ਼ੇਖ ਅਤੇ ਹਰੀਸ਼ ਰਾਮਚੰਦਰ ਰੰਗੀ ਨੂੰ ਸ਼ਾਮਲ ਕੀਤਾ ਹੈ| ਵਾਸ਼ਿੰਗਟਨ ਨੇ ਪੋਰਟੀਜ਼ ਪਾਰਟਨਰਜ਼ ’ਤੇ ਭਾਰਤ ਨੂੰ ਈਰਾਨੀ ਪੈਟਰੋ ਕੈਮੀਕਲ ਉਤਪਾਦਾਂ ਦੀਆਂ ਕਈ ਖੇਪਾਂ ਦੀ ਸਹੂਲਤ ਦੇਣ ਦਾ ਦੋਸ਼ ਲਗਾਇਆ| ਜਿਨਾਂ ਫਰਮਾਂ ’ਤੇ ਪਾਬੰਦੀਆਂ ਲਗਾਈਆਂ ਗਈਆਂ ਹਨ ਉਨਾਂ ਵਿੱਚ ਸਦਾਸ਼ਿਵ ਓਵਰਸੀਜ਼ ਲਿਮਟਿਡ, ਪੀਪੀ ਸਾਫਟਟੈਕ ਪ੍ਰਾਈਵੇਟ ਲਿਮਟਿਡ ਅਤੇ ਪ੍ਰਕਰੂਟੀਜ਼ ਇਨਫਰਾ ਇੰਪੈਕਸ ਇੰਡੀਆ ਪ੍ਰਾਈਵੇਟ ਲਿਮਟਿਡ ਵੀ ਸ਼ਾਮਲ ਹਨ| ਪੀਪੀ ਸਾਫਟਟੈਕ ਦੇ ਡਾਇਰੈਕਟਰ ਪ੍ਰਸ਼ਾਂਤ ਗਰਗ ਉਪਰ ਵੀ ਪਾਬੰਦੀਆਂ ਲਗਾਈਆਂ ਗਈਆਂ ਹਨ| ਅਮਰੀਕੀ ਅਧਿਕਾਰੀਆਂ ਨੇ ਕਿਹਾ ਕਿ ਸਦਾਸ਼ਿਵ ਓਵਰਸੀਜ਼ ਨੇ ਫਰਵਰੀ 2024 ਅਤੇ ਜੂਨ 2025 ਦੇ ਵਿਚਕਾਰ ਲਗਭਗ 6.90 ਕਰੋੜ  ਦੇ ਈਰਾਨੀ ਪੈਟਰੋਲੀਅਮ ਉਤਪਾਦ ਆਯਾਤ ਕੀਤੇ| ਪੀਪੀ ਸਾਫਟਟੈਕ ’ਤੇ ਜਨਵਰੀ 2024 ਅਤੇ ਜੂਨ 2025 ਦੇ ਵਿਚਕਾਰ ਈਰਾਨ ਤੋਂ ਲਗਭਗ 2.50 ਕਰੋੜ ਦੇ ਆਯਾਤ ਕਰਨ ਦਾ ਦੋਸ਼ ਲਾਇਆ ਹੈ ਜਦੋਂ ਕਿ ਪ੍ਰਾਕ੍ਰਿਤੀਸ ਇਨਫਰਾ ਇੰਪੈਕਸ ਮਈ 2023 ਅਤੇ ਫਰਵਰੀ 2026 ਦੇ ਵਿਚਕਾਰ ਲਗਭਗ 2.50 ਕਰੋੜ   ਦੇ ਆਯਾਤ ਨਾਲ ਜੁੜਿਆ ਹੋਇਆ ਹੈ|  ਜੇਕਰ ਅਮਰੀਕੀ ਪਾਬੰਦੀਆਂ ਈਰਾਨ ਨਾਲ ਸਬੰਧਤ ਭੁਗਤਾਨ, ਸ਼ਿਪਿੰਗ ਅਤੇ ਵਿੱਤੀ ਲੈਣ-ਦੇਣ ਨੂੰ ਹੋਰ ਗੁੰਝਲਦਾਰ ਬਣਾਉਂਦੀਆਂ ਹਨ ਤਾਂ ਚਾਵਲ, ਚਾਹ ਅਤੇ ਫਾਰਮਾਸਿਊਟੀਕਲ ਸਮੇਤ ਭਾਰਤੀ ਨਿਰਯਾਤ ਨੂੰ ਵੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ|