-ਕਾਫਲੇ ਨਾਲ ਟਕਰਾਈ ਕਾਰ
ਵਾਸ਼ਿੰਗਟਨ, 18 ਦਸੰਬਰ (ਪੰਜਾਬ ਮੇਲ)- ਅਮਰੀਕੀ ਰਾਸ਼ਟਰਪਤੀ ਜੋਅ ਬਾਇਡਨ ਦੀ ਸੁਰੱਖਿਆ ‘ਚ ਵੱਡੀ ਲਾਪ੍ਰਵਾਹੀ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਦਰਅਸਲ ਐਤਵਾਰ ਨੂੰ ਜੋਅ ਬਾਇਡਨ ਦੇ ਕਾਫਲੇ ਨਾਲ ਇਕ ਕਾਰ ਟਕਰਾ ਗਈ। ਇਹ ਘਟਨਾ ਉਦੋਂ ਵਾਪਰੀ, ਜਦੋਂ ਬਾਇਡਨ ਅਤੇ ਉਨ੍ਹਾਂ ਦੀ ਪਤਨੀ ਜਿਲ ਬਾਇਡਨ ਇੱਕ ਸਮਾਗਮ ਵਿਚ ਹਿੱਸਾ ਲੈਣ ਜਾ ਰਹੇ ਸਨ। ਹਾਲਾਂਕਿ ਰਾਹਤ ਦੀ ਗੱਲ ਇਹ ਹੈ ਕਿ ਦੋਵੇਂ ਜ਼ਖਮੀ ਨਹੀਂ ਹੋਏ ਹਨ।
ਮਿਲੀ ਜਾਣਕਾਰੀ ਮੁਤਾਬਕ ਇਸ ਘਟਨਾ ਤੋਂ ਬਾਅਦ ਦਹਿਸ਼ਤ ਫੈਲ ਗਈ। ਬਾਇਡਨ ਤੋਂ ਲਗਭਗ 40 ਮੀਟਰ (130 ਫੁੱਟ) ਨੇੜੇ ਇੱਕ ਚੌਰਾਹੇ ‘ਤੇ ਖੜ੍ਹੀ ਇੱਕ ਐੱਸ.ਯੂ.ਵੀ. ਨਾਲ ਇੱਕ ਸੇਡਾਨ ਦੇ ਟਕਰਾਉਣ ਤੋਂ ਬਾਅਦ ਸੁਰੱਖਿਆ ਕਰਮਚਾਰੀਆਂ ਨੇ ਰਾਸ਼ਟਰਪਤੀ ਨੂੰ ਇੱਕ ਵੱਖਰੀ ਕਾਰ ਵਿਚ ਬਿਠਾਇਆ ਅਤੇ ਉਸਨੂੰ ਡਾਊਨਟਾਊਨ ਵਿਲਮਿੰਗਟਨ ਵਿਚ ਇਮਾਰਤ ਤੋਂ ਦੂਰ ਭੇਜ ਦਿੱਤਾ। ਇੱਕ ਬੇਜ ਫੋਰਡ ਕਾਰ ਨੇ ਇੱਕ ਚੌਰਾਹੇ ‘ਤੇ ਅੱਗੇ ਵਧਣ ਦੀ ਕੋਸ਼ਿਸ਼ ਕਰਦੇ ਹੋਏ ਬਾਇਡਨ ਦੇ ਕਾਫਲੇ ਨੂੰ ਟੱਕਰ ਮਾਰ ਦਿੱਤੀ।
ਰਿਪੋਰਟ ਮੁਤਾਬਕ ਟੱਕਰ ਤੋਂ ਬਾਅਦ ਬਾਇਡਨ ਦੇ ਸੁਰੱਖਿਆ ਕਰਮੀਆਂ ਨੇ ਵਾਹਨ ਨੂੰ ਹਥਿਆਰਾਂ ਨਾਲ ਘੇਰ ਲਿਆ ਅਤੇ ਡਰਾਈਵਰ ਨੂੰ ਹੱਥ ਖੜ੍ਹੇ ਕਰਨ ਦੀ ਹਦਾਇਤ ਕੀਤੀ। ਇਸ ਦੌਰਾਨ ਬਾਇਡਨ ਆਪਣੀ ਗੱਡੀ ਦੇ ਅੰਦਰ ਚਲੇ ਗਏ, ਜਿੱਥੇ ਉਸਦੀ ਪਤਨੀ ਜਿਲ ਬਾਇਡਨ ਪਹਿਲਾਂ ਹੀ ਉਸਦਾ ਇੰਤਜ਼ਾਰ ਕਰ ਰਹੀ ਸੀ। ਫਿਲਹਾਲ ਇਸ ਘਟਨਾ ਬਾਰੇ ਸੀਕਰੇਟ ਸਰਵਿਸ ਵੱਲੋਂ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ।
ਟੱਕਰ ਤੋਂ ਬਾਅਦ ਏਜੰਟ ਹਰਕਤ ਵਿਚ ਆਏ, ਡੇਲਾਵੇਅਰ ਲਾਇਸੈਂਸ ਪਲੇਟਾਂ ਨਾਲ ਸਿਲਵਰ ਕਾਰ ਨੂੰ ਘੇਰ ਲਿਆ ਅਤੇ ਡਰਾਈਵਰ ਵੱਲ ਆਪਣੇ ਹਥਿਆਰਾਂ ਦਾ ਇਸ਼ਾਰਾ ਕੀਤਾ, ਜਿਸ ਨੇ ਆਪਣੇ ਹੱਥ ਖੜ੍ਹੇ ਕੀਤੇ ਹੋਏ ਸਨ। ਜਦੋਂ ਸੁਰੱਖਿਆ ਕਰਮਚਾਰੀ ਇਲਾਕੇ ਦੀ ਸੁਰੱਖਿਆ ਕਰ ਰਹੇ ਸਨ, ਤਾਂ ਇਕ ਕਰਮਚਾਰੀ ਨੇ ਪੱਤਰਕਾਰਾਂ ਨੂੰ ਕਿਹਾ ਕਿ ‘ਉਹ ਜਾ ਰਹੇ ਹਨ, ਤੁਸੀਂ ਸਾਰੇ ਇੱਥੋਂ ਚਲੇ ਜਾਓ।’