ਦੁਬਈ, 24 ਨਵੰਬਰ (ਪੰਜਾਬ ਮੇਲ)- ਵੈਸਟਇੰਡੀਜ਼ ਦੇ ਸਾਬਕਾ ਬੱਲੇਬਾਜ਼ ਮਾਰਲੋਨ ਸੈਮੂਅਲਜ਼ ‘ਤੇ ਅਮੀਰਾਤ ਕ੍ਰਿਕਟ ਬੋਰਡ ਦੇ ਭ੍ਰਿਸ਼ਟਾਚਾਰ ਵਿਰੋਧੀ ਜ਼ਾਬਤੇ ਦੀ ਉਲੰਘਣਾ ਕਰਨ ਦੇ ਦੋਸ਼ ਹੇਠ ਹਰ ਤਰ੍ਹਾਂ ਦੀ ਕ੍ਰਿਕਟ ਤੋਂ ਛੇ ਸਾਲ ਦੀ ਪਾਬੰਦੀ ਲਗਾ ਦਿੱਤੀ ਗਈ। ਸੈਮੂਅਲਸ ‘ਤੇ ਸਤੰਬਰ 2021 ਵਿਚ ਅੰਤਰਰਾਸ਼ਟਰੀ ਕ੍ਰਿਕਟ ਪ੍ਰੀਸ਼ਦ (ਆਈ.ਸੀ.ਸੀ.) ਵੱਲੋਂ ਚਾਰ ਦੋਸ਼ ਲਗਾਏ ਗਏ ਸਨ। ਉਸ ਨੂੰ ਅਗਸਤ ਵਿਚ ਟ੍ਰਿਬਿਊਨਲ ਨੇ ਦੋਸ਼ੀ ਪਾਇਆ ਸੀ ਅਤੇ ਉਸ ਉੱਤੇ ਪਾਬੰਦੀ 11 ਨਵੰਬਰ ਤੋਂ ਸ਼ੁਰੂ ਹੋਈ। ਇਹ ਦੋਸ਼ 2019 ਵਿਚ ਅਬੂ ਧਾਬੀ ਟੀ10 ਲੀਗ ਨਾਲ ਸਬੰਧਤ ਹਨ। ਸਾਬਕਾ ਆਲਰਾਊਂਡਰ ਸੈਮੂਅਲਜ਼ ਨੇ 71 ਟੈਸਟ, 207 ਇਕ ਦਿਨਾਂ ਅਤੇ 67 ਟੀ-20 ਅੰਤਰਰਾਸ਼ਟਰੀ ਮੈਚ ਖੇਡੇ ਹਨ। ਆਈ.ਸੀ.ਸੀ. ਨੇ ਅੱਜ ਕਿਹਾ ਕਿ 42 ਸਾਲਾ ਸੈਮੂਅਲਜ਼ ਨੂੰ ਕ੍ਰਿਕਟ ਦੀ ਸਾਖ ਦਾਗ਼ਦਾਰ ਹੋਣ ਤੋਂ ਬਚਾਉਣ ਲਈ ਅਜਿਹਾ ਕੀਤਾ ਗਿਆ ਹੈ।
ਭ੍ਰਿਸ਼ਟਾਚਾਰ ਵਿਰੋਧੀ ਜ਼ਾਬਤੇ ਦੀ ਉਲੰਘਣਾ ਕਰਨ ‘ਤੇ West Indies ਦੇ ਸਾਬਕਾ ਬੱਲੇਬਾਜ਼ ਮਾਰਲੋਨ ਸੈਮੂਅਲਜ਼ ‘ਤੇ 6 ਸਾਲ ਦੀ ਪਾਬੰਦੀ
![](https://punjabmailusa.com/wp-content/uploads/2023/11/Marlon-Samuels.jpg)