ਸਿੰਗਾਪੁਰ, 9 ਦਸੰਬਰ (ਪੰਜਾਬ ਮੇਲ)- ਪੂਰਬੀ ਸਿੰਗਾਪੁਰ ਦੀ ਇੱਕ ਰਿਹਾਇਸ਼ੀ ਇਮਾਰਤ ਵਿੱਚ ਸੋਮਵਾਰ ਸਵੇਰੇ ਅੱਗ ਲੱਗਣ ਤੋਂ ਬਾਅਦ 50 ਲੋਕਾਂ ਨੂੰ ਸੁਰੱਖਿਅਤ ਬਾਹਰ ਕੱਢਿਆ ਗਿਆ ਹੈ।  Singapore ਸਿਵਲ ਡਿਫੈਂਸ ਫੋਰਸ (ਐੱਸ.ਸੀ.ਡੀ.ਐੱਫ.) ਨੇ ਦੱਸਿਆ ਕਿ ਸਵੇਰੇ 6:40 ਵਜੇ ਟੈਂਪੀਨਸ ਸਟਰੀਟ ਦੇ ਨਾਲ ਹਾਊਸਿੰਗ ਐਂਡ ਡਿਵੈਲਪਮੈਂਟ ਬੋਰਡ (ਐੱਚ.ਡੀ.ਬੀ.) ਬਲਾਕ ਵਿਚ ਅੱਗ ਲੱਗਣ ਦੀ ਸੂਚਨਾ ਮਿਲੀ।
ਇੱਕ ਫੇਸਬੁੱਕ ਪੋਸਟ ਵਿਚ ਐੱਸ.ਸੀ.ਡੀ.ਐੱਫ. ਨੇ ਕਿਹਾ ਕਿ ਉਨ੍ਹਾਂ ਦੇ ਪਹੁੰਚਣ ‘ਤੇ 13ਵੀਂ ਮੰਜ਼ਿਲ ‘ਤੇ ਇਕ ਯੂਨਿਟ ਤੋਂ ਕਾਲਾ ਧੂੰਆਂ ਨਿਕਲਦਾ ਦੇਖਿਆ ਗਿਆ। ਐੱਸ.ਸੀ.ਡੀ.ਐੱਫ. ਦੁਆਰਾ ਸਾਂਝੀਆਂ ਕੀਤੀਆਂ ਗਈਆਂ ਫੋਟੋਆਂ ਵਿਚ ਇੱਕ ਕਮਰੇ ਵਿਚ ਸੜੀਆਂ ਹੋਈਆਂ ਕੰਧਾਂ ਅਤੇ ਕਮਰੇ ਦੇ ਬਾਹਰ ਕੋਰੀਡੋਰ ਨੂੰ ਨੁਕਸਾਨ ਹੋਇਆ ਦਿਖਾਇਆ ਗਿਆ ਹੈ। ਸਾਵਧਾਨੀ ਵਜੋਂ ਆਸਪਾਸ ਦੇ 50 ਨਿਵਾਸੀਆਂ ਨੂੰ ਬਾਹਰ ਕੱਢਿਆ ਗਿਆ ਸੀ। ਐੱਸ.ਸੀ.ਡੀ.ਐੱਫ. ਦੇ ਆਉਣ ਤੋਂ ਪਹਿਲਾਂ ਪ੍ਰਭਾਵਿਤ ਯੂਨਿਟ ਦੇ ਦੋ ਵਿਅਕਤੀਆਂ ਨੂੰ ਬਾਹਰ ਕੱਢਣ ਉਪਰੰਤ ਹਸਪਤਾਲ ਦਾਖਲ ਕਰਵਾਇਆ ਗਿਆ ਹੈ।