– 282 ਯਾਤਰੀਆਂ ਸਮੇਤ 300 ਲੋਕ ਸਨ ਸਵਾਰ
– ਅਲਾਸਕਾ ‘ਚ ਰੁੱਕਣ ਬਾਅਦ ਫਲਾਈਟ 4 ਘੰਟੇ ਦੇਰੀ ਨਾਲ ਸਾਨ ਫਰਾਂਸਿਸਕੋ ਪੁੱਜੀ
ਸਾਨ ਫਰਾਂਸਿਸਕੋ, 13 ਸਤੰਬਰ (ਪੰਜਾਬ ਮੇਲ)- ਬੰਗਲੌਰ ਤੋਂ 280 ਤੋਂ ਵੱਧ ਵਿਅਕਤੀਆਂ ਨੂੰ ਲੈ ਕੇ ਸੈਨ ਫਰਾਂਸਿਸਕੋ ਜਾ ਰਹੀ ਏਅਰ ਇੰਡੀਆ ਦੀ ਉਡਾਣ ਨੂੰ ਤਕਨੀਕੀ ਖਰਾਬੀ ਕਾਰਨ ਅਲਾਸਕਾ ਸ਼ਹਿਰ ਵੱਲ ਮੋੜ ਦਿੱਤਾ ਗਿਆ। ਅਧਿਕਾਰੀ ਨੇ ਕਿਹਾ ਕਿ ਸਮੱਸਿਆ ਨੂੰ ਹੱਲ ਕਰਨ ਤੋਂ ਬਾਅਦ ਫਲਾਈਟ ਏ.ਆਈ. 175 ਭਾਰਤੀ ਸਮੇਂ ਅਨੁਸਾਰ ਸਵੇਰੇ 10 ਵਜੇ ਸਾਨ ਫਰਾਂਸਿਸਕੋ ਪੁੱਜੀ। ਬੀ777 ਜਹਾਜ਼ ਨੂੰ ਜਦੋਂ ਸਾਨ ਫਰਾਂਸਿਸਕੋ ਜਾਂਦੇ ਸਮੇਂ ਤਕਨੀਕੀ ਸਮੱਸਿਆ ਦਾ ਸਾਹਮਣਾ ਕਰਨਾ ਪਿਆ, ਤਾਂ ਇਸ ਨੂੰ ਅਲਾਸਕਾ ਦੇ ਸ਼ਹਿਰ ਐਂਕਰੇਜ ਵੱਲ ਮੋੜ ਦਿੱਤਾ ਗਿਆ ਸੀ। ਜਹਾਜ਼ ‘ਤੇ 280 ਤੋਂ ਵੱਧ ਲੋਕ ਸਵਾਰ ਸਨ ਅਤੇ ਚਾਰ ਘੰਟੇ ਦੀ ਦੇਰੀ ਤੋਂ ਬਾਅਦ ਫਲਾਈਟ ਆਪਣੀ ਮੰਜ਼ਿਲ ‘ਤੇ ਉਤਰੀ। ਆਮ ਤੌਰ ‘ਤੇ ਬੰਗਲੌਰ ਤੋਂ ਸਾਨ ਫਰਾਂਸਿਸਕੋ ਫਲਾਈਟ 16 ਘੰਟੇ ਲੈਂਦੀ ਹੈ।
ਏਅਰ ਇੰਡੀਆ ਦੇ ਬੁਲਾਰੇ ਨੇ ਕਿਹਾ ਕਿ ਇੱਕ ਤਕਨੀਕੀ ਕਾਰਨ ਕਰਕੇ, ਜਹਾਜ਼ ਐਂਕਰੇਜ ਵਿਚ ਥੋੜਾ ਸਮਾਂ ਰੁਕਿਆ। ਇਹ ਸਾਨ ਫਰਾਂਸਿਸਕੋ ਵਿਖੇ ਉਤਰਿਆ। ਕੁੱਲ ਦੇਰੀ ਚਾਰ ਘੰਟਿਆਂ ਤੋਂ ਘੱਟ ਸੀ। ਜਹਾਜ਼ ‘ਚ 282 ਯਾਤਰੀਆਂ ਸਮੇਤ ਕਰੀਬ 300 ਲੋਕ ਸਵਾਰ ਸਨ। ਫਲਾਈਟ ਟਰੈਕਿੰਗ ਸਾਈਟਾਂ ਦਿਖਾਉਂਦੀਆਂ ਹਨ ਕਿ ਏ.ਆਈ. 175 ਨੇ ਐਤਵਾਰ ਨੂੰ ਦੁਪਹਿਰ 1.25 ਵਜੇ ਬੈਂਗਲੁਰੂ ਤੋਂ ਉਡਾਣ ਭਰੀ ਸੀ। ਆਪਣੀ ਲੰਬੀ ਸਮੁੰਦਰੀ ਯਾਤਰਾ ਸ਼ੁਰੂ ਕਰਨ ਲਈ ਸ਼ੰਘਾਈ ਵਾਲੇ ਪਾਸੇ ਤੋਂ ਚੀਨੀ ਮੁੱਖ ਭੂਮੀ ਤੋਂ ਬਾਹਰ ਨਿਕਲਣ ‘ਤੇ, ਬੀ777 ਨੇ ਕੁਝ ਮਿਹਨਤ ਕੀਤੀ ਅਤੇ ਫਿਰ ਅੱਗੇ ਵਧਿਆ। ਜ਼ਿਕਰਯੋਗ ਹੈ ਕਿ ਇਸ ਜੂਨ ਵਿਚ, ਏ.ਆਈ. ਦੀ ਦਿੱਲੀ-ਸਾਨ ਫਰਾਂਸਿਸਕੋ ਉਡਾਣ ਇੱਕ ਇੰਜਣ ਵਿਚ ਖਰਾਬੀ ਤੋਂ ਬਾਅਦ ਰੂਸ ਵੱਲ ਮੋੜੀ ਗਈ ਸੀ।