ਵਾਸ਼ਿੰਗਟਨ, 5 ਅਕਤੂਬਰ (ਰਾਜ ਗੋਗਨਾ/ਪੰਜਾਬ ਮੇਲ)-ਅਮਰੀਕਾ ਵਿਚ ਅਹਿਮ ਅਹੁਦੇ ‘ਤੇ ਤਾਇਨਾਤ ਪੰਜਾਬੀ ਐੱਸ.ਈ.ਸੀ. ਡਵੀਜ਼ਨ ਆਫ ਇਨਫੌਰਸਮੈਂਟ ਦੇ ਡਾਇਰੈਕਟਰ ਗੁਰਬੀਰ ਸਿੰਘ। ਗਰੇਵਾਲ 11 ਅਕਤੂਬਰ ਨੂੰ ਆਪਣੇ ਅਹੁਦੇ ਤੋਂ ਅਸਤੀਫ਼ਾ ਦੇਣ ਜਾ ਰਹੇ ਹਨ। ਹੁਣ ਉਨ੍ਹਾਂ ਦੀ ਥਾਂ ‘ਤੇ ਸੰਜੇ ਵਧਵਾ, ਡਿਵੀਜ਼ਨ ਦੇ ਡਿਪਟੀ ਡਾਇਰੈਕਟਰ, ਅਤੇ ਕਾਰਜਕਾਰੀ ਨਿਰਦੇਸ਼ਕ ਵਜੋਂ ਕੰਮ ਕਰਨਗੇ, ਅਤੇ ਡਿਵੀਜ਼ਨ ਦੇ ਮੁੱਖ ਵਕੀਲ ਸੈਮ ਵਾਲਡਨ ਕਾਰਜਕਾਰੀ ਡਿਪਟੀ ਡਾਇਰੈਕਟਰ ਦਾ ਚਾਰਜ ਸੰਭਾਲਣਗੇ। ਇਸ ਅਹੁਦੇ ਤੋਂ ਸ਼ਾਮਲ ਹੋਣ ਤੋਂ ਪਹਿਲਾਂ, ਗੁਰਬੀਰ ਸਿੰਘ  ਗਰੇਵਾਲ ਸੰਨ 2018 ਤੋਂ 2021 ਤੱਕ ਨਿਊਜਰਸੀ ਰਾਜ ਦੇ ਅਟਾਰਨੀ ਜਨਰਲ ਸਨ।
ਇਸ ਤੋਂ ਪਹਿਲਾਂ, ਉਨ੍ਹਾਂ ਨੇ ਨਿਊਜਰਸੀ ਸੂਬੇ ਦੀ ਸਭ ਤੋਂ ਵੱਧ ਆਬਾਦੀ ਵਾਲੀ ਬ੍ਰਹਮ ਕਾਉਂਟੀ ਦੇ ਲਈ ਮੁੱਖ ਕਾਨੂੰਨ ਲਾਗੂ ਕਰਨ ਵਾਲੇ ਇਕ ਪ੍ਰੌਸੀਕਿਊਟਰ ਦੇ ਵਜੋਂ ਵੀ ਕੰਮ ਕੀਤਾ। ਇਕੱਲੇ ਇਸ ਸਾਲ, 2024 ‘ਚ ਆਪਣੇ ਅਹੁਦੇ ਤੇ ਤਾਇਨਾਤ ਸ. ਗੁਰਬੀਰ ਸਿੰਘ ਗਰੇਵਾਲ ਨੇ ਇਲੈਕਟ੍ਰਾਨਿਕ ਸੰਚਾਰ ਰਿਕਾਰਡਕੀਪਿੰਗ ਅਸਫਲਤਾਵਾ ਪ੍ਰਾਪਤ 12 ਫਰਮਾਂ ਨੂੰ ਜੁਰਮਾਨਾ ਕਰਨ ਲਈ ਕੰਮ ਕੀਤਾ। ਅਗਸਤ ਵਿਚ, 26 ਬ੍ਰੋਕਰ-ਡੀਲਰਾਂ, ਨਿਵੇਸ਼ ਸਲਾਹਕਾਰਾਂ, ਅਤੇ ਦੋਹਰੇ-ਰਜਿਸਟਰਡ ਬ੍ਰੋਕਰ-ਡੀਲਰਾਂ ਅਤੇ ਨਿਵੇਸ਼ ਸਲਾਹਕਾਰਾਂ ਨੂੰ ਉਨ੍ਹਾਂ ਦੁਆਰਾ ਵਿਆਪਕ ਰਿਕਾਰਡਕੀਪਿੰਗ ਉਲੰਘਣਾਵਾਂ ਲਈ ਸੰਯੁਕਤ 392.75 ਮਿਲੀਅਨ ਡਾਲਰ ਦਾ ਜੁਰਮਾਨਾ ਲਗਾਇਆ ਗਿਆ ਸੀ। ਗੁਰਬੀਰ ਸਿੰਘ ਗਰੇਵਾਲ ਪਿਛਲੇ ਤਿੰਨ ਸਾਲਾਂ ਤੋਂ ਐਨਫੋਰਸਮੈਂਟ ਡਵੀਜ਼ਨ ਦੀ ਅਗਵਾਈ ਕਰਨ ਵਾਲੇ ਭਾਰਤੀ ਸਿੱਖ ਐੱਸ.ਈ.ਸੀ. ਵਿਚ ਰਹੇ।