ਇਸਲਾਮਾਬਾਦ, 21 ਅਕਤੂਬਰ (ਪੰਜਾਬ ਮੇਲ)- ਪਾਕਿਸਤਾਨ ਦੇ ਤਿੰਨ ਵਾਰ ਪ੍ਰਧਾਨ ਮੰਤਰੀ ਰਹਿ ਚੁੱਕੇ ਨਵਾਜ਼ ਸ਼ਰੀਫ ਆਮ ਚੋਣਾਂ ਤੋਂ ਤਿੰਨ ਮਹੀਨੇ ਪਹਿਲਾਂ ਆਪਣੀ ਪਾਰਟੀ ਦੀ ਮੁਹਿੰਮ ਸ਼ੁਰੂ ਕਰਨ ਲਈ ਲੰਡਨ ‘ਚ ਚਾਰ ਸਾਲ ਦੀ ਜਲਾਵਤਨੀ ਤੋਂ ਬਾਅਦ ਅੱਜ ਵਤਨ ਪਰਤ ਆਏ। 73 ਸਾਲਾ ਸਿਆਸਤਦਾਨ ਆਪਣੀ ਪਾਰਟੀ ਅਤੇ ਮੀਡੀਆ ਸੰਗਠਨਾਂ ਦੇ 194 ਵਿਅਕਤੀਆਂ ਨੂੰ ਲੈ ਕੇ ਚਾਰਟਰਡ ਜਹਾਜ਼ ਵਿਚ ਦੁਬਈ ਤੋਂ ਉਡਾਣ ਭਰਨ ਤੋਂ ਬਾਅਦ ਪਾਕਿਸਤਾਨ ਪੁੱਜੇ। ਭ੍ਰਿਸ਼ਟਾਚਾਰ ਦੇ ਦੋਸ਼ ਵਿਚ 14 ਸਾਲ ਦੀ ਕੈਦ ਦੇ ਹੁਕਮ ਬਾਅਦ ਡਾਕਟਰੀ ਇਲਾਜ ਕਰਵਾਉਣ ਲਈ ਉਹ 2019 ਵਿਚ ਲੰਡਨ ਰਵਾਨਾ ਹੋ ਗਏ ਸਨ ਤੇ ਮੁੜ ਪਾਕਿਸਤਾਨ ਵਿਚ ਪੈਰ ਨਹੀਂ ਰੱਖੇ। ਉਨ੍ਹਾਂ ਦੀਆਂ ਸਜ਼ਾਵਾਂ ਦਾ ਫ਼ੈਸਲਾ ਹਾਲੇ ਵੀ ਬਰਕਰਾਰ ਹੈ ਪਰ ਵੀਰਵਾਰ ਨੂੰ ਅਦਾਲਤ ਨੇ ਅਧਿਕਾਰੀਆਂ ਨੂੰ ਮੰਗਲਵਾਰ ਤੱਕ ਉਨ੍ਹਾਂ ਨੂੰ ਗ੍ਰਿਫਤਾਰ ਕਰਨ ਤੋਂ ਰੋਕ ਦਿੱਤਾ, ਜਦੋਂ ਉਹ ਅਦਾਲਤ ਵਿਚ ਪੇਸ਼ ਹੋਣਾ ਹੈ।