#INDIA

ਏਅਰ ਇੰਡੀਆ ਵੱਲੋਂ ਹਵਾਈ ਯਾਤਰਾ ਦੇ ਨਿਯਮਾਂ ‘ਚ ਬਦਲਾਅ!

20 ਕਿਲੋਗ੍ਰਾਮ ਦੀ ਬਜਾਏ, ਹੁਣ 30 ਕਿਲੋ ਹੋਈ ਚੈੱਕ-ਇਨ ਬੈਗਜ ਦੀ ਸੀਮਾ
ਨਵੀਂ ਦਿੱਲੀ, 25 ਜਨਵਰੀ (ਪੰਜਾਬ ਮੇਲ)- ਏਅਰ ਇੰਡੀਆ ਐਕਸਪ੍ਰੈਸ ਨੇ ਆਪਣੇ ਯਾਤਰੀਆਂ ਲਈ ਯਾਤਰਾ ਦੇ ਤਜ਼ੁਰਬੇ ਨੂੰ ਹੋਰ ਬਿਹਤਰ ਬਣਾਉਣ ਲਈ ਇਕ ਵੱਡੀ ਘੋਸ਼ਣਾ ਕੀਤੀ ਹੈ। ਏਅਰ ਲਾਈਨ ਨੇ ਆਪਣੇ ਅੰਤਰਰਾਸ਼ਟਰੀ ਯਾਤਰੀਆਂ ਦੇ ਮੁਫਤ ਚੈੱਕ-ਇਨ ਸਮਾਨ ਭੱਤਾ ਨੂੰ 20 ਕਿਲੋ 30 ਕਿੱਲੋਗ੍ਰਾਮ ਤੱਕ ਵਧਾ ਦਿੱਤਾ ਹੈ। ਇਸ ਦੇ ਨਾਲ, ਯਾਤਰੀਆਂ ਨੂੰ 7 ਕਿਲੋ ਕੈਬਿਨ ਦਾ ਸਮਾਨ ਚੁੱਕਣ ਦੀ ਆਗਿਆ ਦਿੱਤੀ ਗਈ ਹੈ। ਛੋਟੇ ਬੱਚਿਆਂ ਨਾਲ ਯਾਤਰਾ ਕਰਨ ਵਾਲੇ ਪਰਿਵਾਰਾਂ ਲਈ ਵਾਧੂ 10 ਕਿਲੋਗ੍ਰਾਮ ਮੁਫ਼ਤ ਚੈੱਕ-ਇਨ ਬੈਗਜ ਦੀ ਸਹੂਲਤ ਵੀ ਉਪਲਬਧ ਕਰਵਾਈ ਗਈ ਹੈ।
ਇਸ ਵਧੀ ਹੋਈ ਛੋਟ ਭਾਰਤ, ਮਿਡਲ ਈਸਟ ਅਤੇ ਸਿੰਗਾਪੁਰ ਦੇ ਵਿਚਕਾਰ ਏਅਰ ਇੰਡੀਆ ਐਕਸਪ੍ਰੈਸ ਦੀਆਂ ਸਾਰੀਆਂ ਉਡਾਣਾਂ ਵਿਚ ਲਾਗੂ ਹੋਵੇਗੀ। ਇਸ ਤੋਂ ਇਲਾਵਾ ਯਾਤਰੀਆਂ ਨੂੰ ਵਧ ਤੋਂ ਵਧ ਸਹੂਲਤਾਂ ਦੇਣ ਦੇ ਉਦੇਸ਼ ਨਾਲ ਹੋਰ ਸੇਵਾਵਾਂ ਨੂੰ ਵੀ ਅਪਗ੍ਰੇਡ ਕੀਤਾ ਗਿਆ ਹੈ।
ਮੁੱਖ ਵਿਸ਼ੇਸ਼ਤਾਵਾਂ :
30 ਕਿਲੋ ਚੈੱਕ-ਇਨ ਬੈਗੇਜ : ਪਹਿਲਾਂ ਤੋਂ ਨਿਰਧਾਰਤ ਕੀਤੀ 20 ਕਿਲੋ ਦੀ ਸੀਮਾ 30 ਕਿਲੋਗ੍ਰਾਮ ਤੱਕ ਵਧਾ ਦਿੱਤੀ ਗਈ ਹੈ।
7 ਕਿਲੋ ਕੈਬਿਨ ਸਮਾਨ: ਹਰ ਯਾਤਰੀ ਨੂੰ 7 ਕਿਲੋ ਕੈਬਿਨ ਦਾ ਸਮਾਨ ਲੈ ਜਾਣ ਦੀ ਆਗਿਆ ਹੁੰਦੀ ਹੈ, ਜਿਸ ਵਿਚ ਲੈਪਟਾਪ ਬੈਗ ਜਾਂ ਹੈਂਡਬੈਗ ਸ਼ਾਮਲ ਹੋ ਸਕਦੇ ਹਨ।
ਪਰਿਵਾਰਾਂ ਲਈ ਵਿਸ਼ੇਸ਼ ਸਹੂਲਤ: ਛੋਟੇ ਬੱਚਿਆਂ ਨਾਲ ਯਾਤਰਾ ਕਰਨ ਵਾਲੇ ਪਰਿਵਾਰਾਂ ਨੂੰ 10 ਕਿਲੋ ਦੇ ਵਾਧੂ ਚੈੱਕ-ਇਨ ਸਮਾਨ ਦੀ ਸਹੂਲਤ ਮਿਲੇਗੀ।
ਪ੍ਰੀਮੀਅਮ ਸਰਵਿਸ ”ਐਕਸਪ੍ਰੈਸ ਬਿਜ਼”: ਕਾਰੋਬਾਰੀ ਸ਼੍ਰੇਣੀ ਦੇ ਯਾਤਰੀ ਲਈ 40 ਕਿਲੋਗ੍ਰਾਮ ਤੱਕ ਦਾ ਚੈੱਕ-ਇਨ-ਬੈਗੇਜ ਭੱਤਾ ਅਤੇ ਵਿਸ਼ੇਸ਼ ਸਹੂਲਤਾਂ ਵਰਗੀ ਤਰਜੀਹ ਚੈੱਕ-ਇਨ, ਬਿਹਤਰ ਇਨ ਫਲਾਈਟ ਤਜ਼ਰਬਾ।
ਏਅਰ ਇੰਡੀਆ ਐਕਸਪ੍ਰੈੱਸ ਨੇ ਹਾਲ ਹੀ ਵਿਚ 50 ਤੋਂ ਵੱਧ ਅੰਤਰਰਾਸ਼ਟਰੀ ਥਾਵਾਂ ‘ਤੇ ਆਪਣੇ ਨੈੱਟਵਰਕ ਦਾ ਵਿਸਥਾਰ ਕੀਤਾ ਹੈ। ਇਹ ਇਸ ਸਮੇਂ 1950 ਤੋਂ ਵੀ ਵੱਧ ਹਫਤਾਵਾਰੀ ਉਡਾਣਾਂ ਨਾਲ ਜੁੜਨ ਵਾਲੇ 19 ਭਾਰਤੀ ਸ਼ਹਿਰਾਂ ਅਤੇ 13 ਅੰਤਰਰਾਸ਼ਟਰੀ ਮੰਜ਼ਿਲਾਂ ਲਈ ਸੰਚਾਲਨ ਕਰਦੀ ਹੈ।
ਏਅਰਲਾਈਨ ਇਸ ਸਾਲ ਆਪਣੇ ਫਲੀਟ ਵਿਚ 100 ਜਹਾਜ਼ ਵਧਾਉਣ ਦੀ ਯੋਜਨਾ ਬਣਾ ਰਹੀ ਹੈ। ਇਸਦੇ ਨਾਲ ਏਅਰ ਇੰਡੀਆ ਐਕਸਪ੍ਰੈਸ ਆਪਣੇ ਯਾਤਰੀਆਂ ਨੂੰ ਬਿਹਤਰ ਸੇਵਾਵਾਂ ਅਤੇ ਸਹੂਲਤਾਂ ਪ੍ਰਦਾਨ ਕਰਨ ਲਈ ਵਚਨਬੱਧ ਹੈ।