-ਨਵੰਬਰ ‘ਚ ਦੋਵਾਂ ਵਿਚਾਲੇ ਸਖਤ ਮੁਕਾਬਲਾ ਹੋਣ ਦੀ ਸੰਭਾਵਨਾ ਵਧੀ
ਟੈਂਪੇ, 20 ਮਾਰਚ (ਪੰਜਾਬ ਮੇਲ)- ਅਮਰੀਕੀ ਰਾਸ਼ਟਰਪਤੀ ਜੋਅ ਬਾਇਡਨ ਅਤੇ ਸਾਬਕਾ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਮੰਗਲਵਾਰ ਨੂੰ ਆਪੋ-ਆਪਣੀ ਪਾਰਟੀਆਂ ਦੀਆਂ ਪ੍ਰਾਇਮਰੀ ਚੋਣਾਂ ਜਿੱਤੀਆਂ, ਜਿਸ ਨਾਲ ਇਸ ਸਾਲ ਨਵੰਬਰ ‘ਚ ਹੋਣ ਵਾਲੀਆਂ ਰਾਸ਼ਟਰਪਤੀ ਚੋਣਾਂ ‘ਚ ਇਨ੍ਹਾਂ ਦੋਵਾਂ ਨੇਤਾਵਾਂ ਵਿਚਾਲੇ ਸਖ਼ਤ ਮੁਕਾਬਲਾ ਹੋਣ ਦੀ ਸੰਭਾਵਨਾ ਵਧ ਗਈ ਹੈ। ਦੋਵੇਂ ਆਗੂ ਆਪੋ-ਆਪਣੇ ਪਾਰਟੀਆਂ ਦੇ ਸੰਭਾਵੀ ਉਮੀਦਵਾਰ ਹਨ।
ਟਰੰਪ ਨੇ ਐਰੀਜ਼ੋਨਾ, ਫਲੋਰੀਡਾ, ਇਲੀਨੋਇਸ, ਕਨਸਾਸ ਅਤੇ ਓਹਾਇਓ ‘ਚ ਆਸਾਨੀ ਨਾਲ ਰਿਪਬਲਿਕਨ ਪ੍ਰਾਇਮਰੀ ਚੋਣਾਂ ਜਿੱਤ ਲਈਆਂ ਹਨ, ਜਦੋਂਕਿ ਬਾਇਡਨ ਨੇ ਫਲੋਰਿਡਾ ਨੂੰ ਛੱਡ ਕੇ ਇਨ੍ਹਾਂ ਰਾਜਾਂ ਵਿਚ ਡੈਮੋਕ੍ਰੇਟਿਕ ਪਾਰਟੀ ਦੀਆਂ ਪ੍ਰਾਇਮਰੀ ਚੋਣਾਂ ਵੀ ਜਿੱਤੀਆਂ ਹਨ। ਫਲੋਰਿਡਾ ਵਿਚ ਡੈਮੋਕਰੇਟਿਕ ਪਾਰਟੀ ਨੇ ਆਪਣੀ ਪ੍ਰਾਇਮਰੀ ਨੂੰ ਰੱਦ ਕਰ ਦਿੱਤਾ ਅਤੇ ਬਾਇਡਨ ਨੂੰ ਆਪਣੇ ਸਾਰੇ 224 ਡੈਲੀਗੇਟਾਂ ਦਾ ਸਮਰਥਨ ਦਿੱਤਾ। ਇਸ ਦੇ ਨਾਲ ਹੀ ਓਹਾਇਓ ਵਿਚ ਰਿਪਬਲਿਕਨ ਸੈਨੇਟ ਪ੍ਰਾਇਮਰੀ ਵਿਚ ਟਰੰਪ ਸਮਰਥਕ ਕਾਰੋਬਾਰੀ ਬਰਨੀ ਮੋਰੇਨੋ ਨੇ ਓਹਾਇਓ ਦੇ ਮੁੱਖ ਚੋਣ ਅਧਿਕਾਰੀ ਫਰੈਂਕ ਲਾਰੋਜ਼ ਅਤੇ ਮੈਟ ਡੋਲਨ ਸਮੇਤ ਦੋ ਦਾਅਵੇਦਾਰਾਂ ਨੂੰ ਹਰਾਇਆ।
ਫਲੋਰੀਡਾ ਦੇ ਇੱਕ ਵੋਟਰ ਟਰੰਪ ਨੇ ਮੰਗਲਵਾਰ ਨੂੰ ਪਾਮ ਬੀਚ ਮਨੋਰੰਜਨ ਕੇਂਦਰ ਵਿਚ ਆਪਣੀ ਵੋਟ ਪਾਉਣ ਤੋਂ ਬਾਅਦ ਪੱਤਰਕਾਰਾਂ ਨੂੰ ਕਿਹਾ, ”ਮੈਂ ਡੋਨਾਲਡ ਟਰੰਪ ਨੂੰ ਵੋਟ ਦਿੱਤੀ ਹੈ।” ਟਰੰਪ ਨੇ ਸ਼ਨੀਵਾਰ ਨੂੰ ਓਹਾਇਓ ‘ਚ ਇਕ ਰੈਲੀ ਕੀਤੀ, ਜਿਸ ਨੇ ਕਈ ਸਾਲਾਂ ਤੋਂ ਰਿਪਬਲਿਕਨ ਪਾਰਟੀ ਦਾ ਸਮਰਥਨ ਕੀਤਾ ਹੈ। ਇਸ ਦੌਰਾਨ ਬਾਇਡਨ ਨੇ ਮੰਗਲਵਾਰ ਨੂੰ ਨਵਾਡਾ ਅਤੇ ਐਰੀਜ਼ੋਨਾ ਦਾ ਦੌਰਾ ਕੀਤਾ। ਇਹ ਦੋਵੇਂ ਰਾਜ ਦੋਵੇਂ ਦਾਅਵੇਦਾਰਾਂ ਲਈ ਪ੍ਰਮੁੱਖ ਤਰਜੀਹ ਵਾਲੇ ਰਾਜਾਂ ਵਿਚੋਂ ਹਨ।
ਬਾਇਡਨ ਤੇ ਟਰੰਪ ਆਪੋ-ਆਪਣੀ ਪਾਰਟੀਆਂ ਦੀਆਂ ਪ੍ਰਾਇਮਰੀ ਚੋਣਾਂ ਜਿੱਤੇ
![](https://punjabmailusa.com/wp-content/uploads/2024/03/Biden-trump.jpeg)