-ਗੋਲਡੀ, ਰੰਧਾਵਾ, ਕਥੂਰੀਆ, ਮਾਨ, ਮਣੀ, ਰੌਣੀ, ਭੌਰਾ, ਸੋਢੀਆਂ, ਭਿੰਡਰ, ਘਦੌੜੇ, ਮਿੰਟੂ, ਕਿਰਨ, ਮੋਹਨਜੀਤ, ਲਹਿਰਾ, ਪਲਕ ਅਤੇ ਰਾਜਵੀਰ ਦਾ ਹੋਵੇਗਾ ਵਿਸ਼ੇਸ਼ ਸਨਮਾਨ
– ਸਮਾਜਿਕ ਅਤੇ ਪਰਿਵਾਰਕ ਰਿਸ਼ਤਿਆਂ ਦੀਆਂ ਤੰਦਾਂ ਨੂੰ ਮਜ਼ਬੂਤ ਕਰਦਾ ਹੈ ਲੋਹੜੀ ਮੇਲਾ : ਬਾਵਾ, ਰਾਣਾ
– ਪਾਰਿਕ ਸ਼ਰਮਾ ਮਾਲਵਾ ਸੱਭਿਆਚਾਰਕ ਮੰਚ ਦੇ ਵਾਈਸ ਚੇਅਰਮੈਨ ਨਿਯੁਕਤ
ਲੁਧਿਆਣਾ, 8 ਜਨਵਰੀ (ਪੰਜਾਬ ਮੇਲ)- ਮਾਲਵਾ ਸੱਭਿਆਚਾਰਕ ਮੰਚ ਪੰਜਾਬ ਦੀ ਮੀਟਿੰਗ ਮੰਚ ਦੇ ਚੇਅਰਮੈਨ ਕ੍ਰਿਸ਼ਨ ਕੁਮਾਰ ਬਾਵਾ, ਸਰਪ੍ਰਸਤ ਮਲਕੀਤ ਸਿੰਘ ਦਾਖਾ ਅਤੇ ਮੰਚ ਦੇ ਪ੍ਰਧਾਨ ਜਸਬੀਰ ਸਿੰਘ ਰਾਣਾ ਝਾਂਡੇ ਦੀ ਪ੍ਰਧਾਨਗੀ ਹੇਠ ਸਰਕਟ ਹਾਊਸ ਵਿਖੇ ਹੋਈ, ਜਿਸ ਵਿਚ ਵਾਈਸ ਚੇਅਰਮੈਨ ਸੁਖਵਿੰਦਰ ਸਿੰਘ ਬਸੈਮੀ, ਮਹਿਲਾ ਵਿੰਗ ਦੀ ਚੇਅਰਪਰਸਨ ਸਿੰਮੀ ਕਵਾਤਰਾ, ਮੰਚ ਦੀ ਪ੍ਰਧਾਨ ਇੰਦਰਜੀਤ ਕੌਰ ਓਬਰਾਏ, ਵਾਈਸ ਪ੍ਰਧਾਨ ਤਰਨਜੀਤ ਕੌਰ, ਸੋਨੀਆ ਅਲੱਗ, ਨਿੱਕੀ ਕੋਹਲੀ, ਸਵਰਨ ਕੌਰ ਸੱਗੂ, ਵਾਈਸ ਪ੍ਰਧਾਨ ਰੇਸ਼ਮ ਸੱਗੂ, ਜੋਗਿੰਦਰ ਸਿੰਘ ਜੰਗੀ ਵਿਸ਼ੇਸ਼ ਤੌਰ ‘ਤੇ ਹਾਜ਼ਰ ਹੋਏ।
ਇਸ ਸਮੇਂ ਸਮੁੱਚੀ ਮੰਚ ਦੀ ਕਾਰਜਕਾਰਨੀ ਨੇ 29ਵੇਂ ਲੋਹੜੀ ਮੇਲੇ 11 ਜਨਵਰੀ ਨੂੰ ਗੁਰੂ ਨਾਨਕ ਭਵਨ ਵਿਖੇ ਸਨਮਾਨਿਤ ਕੀਤੀਆਂ ਜਾ ਰਹੀਆਂ ਸ਼ਖਸੀਅਤਾਂ ਦੀ ਜਾਣਕਾਰੀ ਦਿੱਤੀ। ਉਨ੍ਹਾਂ ਦੱਸਿਆ ਕਿ ਹਰਦੀਪ ਸਿੰਘ ਗੋਲਡੀ ਯੂ.ਐੱਸ.ਏ. ਨੂੰ ਸਮਾਜ ਸੇਵਾ ਲਈ ਸੋਹਣ ਲਾਲ ਪਾਹਵਾ ਯਾਦਗਾਰੀ ਪੁਰਸਕਾਰ, ਗੁਰਜਤਿੰਦਰ ਸਿੰਘ ਰੰਧਾਵਾ (ਪ੍ਰਵਾਸੀ ਪੱਤਰਕਾਰ) ਨੂੰ ਬਾਬਾ ਸੋਹਣ ਸਿੰਘ ਭਕਨਾ ਯਾਦਗਾਰੀ ਪੁਰਸਕਾਰ ਦਿੱਤਾ ਜਾਵੇਗਾ। ਜਦਕਿ ਦਲਬੀਰ ਸਿੰਘ ਕਥੂਰੀਆ (ਪੰਜਾਬ, ਪੰਜਾਬੀ, ਪੰਜਾਬੀਅਤ) ਦੇ ਪਹਿਰੇਦਾਰ ਨੂੰ ਸੰਤ ਸਿੰਘ ਸੇਖੋਂ ਯਾਦਗਾਰੀ ਪੁਰਸਕਾਰ, ਜਗਦੇਵ ਮਾਨ ਉਘੇ ਗੀਤਕਾਰ ਨੂੰ ਦੇਵ ਥਰੀਕੇ ਯਾਦਗਾਰੀ ਪੁਰਸਕਾਰ, ਰਣਜੀਤ ਮਣੀ ਉੱਘੇ ਗਾਇਕ ਨੂੰ ਕੁਲਦੀਪ ਮਾਣਕ ਯਾਦਗਾਰੀ ਪੁਰਸਕਾਰ, ਮਲਕੀਤ ਰੌਣੀ ਪੰਜਾਬੀ ਫਿਲਮ ਆਰਟਿਸਟ ਨੂੰ ਵਰਿੰਦਰ ਯਾਦਗਾਰੀ ਪੁਰਸਕਾਰ, ਅਸ਼ੋਕ ਭੌਰਾ ਕਾਲਮ ਨਵੀਸ ਨੂੰ ਜਗਦੇਵ ਸਿੰਘ ਜਸੋਵਾਲ ਯਾਦਗਾਰੀ ਪੁਰਸਕਾਰ, ਪ੍ਰਿੰਸੀਪਲ ਮਨਜੀਤ ਸੋਢੀਆਂ ਨੂੰ ਡਾ. ਰਾਧਾ ਕ੍ਰਿਸ਼ਨਨ ਯਾਦਗਾਰੀ ਪੁਰਸਕਾਰ, ਇੰਦਰਜੀਤਪਾਲ ਕੌਰ ਭਿੰਡਰ ਕਹਾਣੀਕਾਰ ਨੂੰ ਦਲੀਪ ਕੌਰ ਟਿਵਾਣਾ ਯਾਦਗਾਰੀ ਪੁਰਸਕਾਰ, ਡਾ. ਗੁਰਪ੍ਰੀਤ ਘਦੌੜੇ ਨੂੰ ਡਾ. ਲਿਵਤਾਰ ਸਿੰਘ ਚਾਵਲਾ ਯਾਦਗਾਰੀ ਪੁਰਸਕਾਰ, ਗੁਰਪ੍ਰੀਤ ਸਿੰਘ ਮਿੰਟੂ ਹਸਨਪੁਰ ਨੂੰ ਮਨੁੱਖਤਾ ਦੀ ਸੇਵਾ ਭਾਈ ਘਨੱਈਆ ਜੀ ਯਾਦਗਾਰੀ ਪੁਰਸਕਾਰ, ਕਿਰਨ ਧਾਲੀਵਾਲ ਯੂ.ਐੱਸ.ਏ. ਨੂੰ ਮਦਰ ਟੈਰੇਸਾ ਯਾਦਗਾਰੀ ਪੁਰਸਕਾਰ, ਡਾ. ਮੋਹਨਜੀਤ ਕੌਰ ਨੂੰ ਮਿਸ ਬਰਾਊਨ ਯਾਦਗਾਰੀ ਪੁਰਸਕਾਰ, ਰਾਜਵੀਰ ਕੌਰ ਹਾਕੀ ਓਲੰਪੀਅਨ ਨੂੰ ਧਿਆਨ ਚੰਦ ਯਾਦਗਾਰੀ ਪੁਰਸਕਾਰ ਪ੍ਰਦਾਨ ਕੀਤਾ ਜਾਵੇਗਾ। ਇਸ ਸਮੇਂ ਬੇਟੀਆਂ ਪਾਲਕ ਅਤੇ ਭਾਵਨਾ ਨੂੰ ਭਾਈ ਲਕਸ਼ਮਣ ਸਿੰਘ ਗੰਧਰਵ ਯਾਦਗਾਰੀ ਪੁਰਸਕਾਰ ਦਿੱਤਾ ਜਾਵੇਗਾ। ਸਮਾਗਮ ਵਿਚ ਬਲਵੀਰ ਸਿੰਘ ਲਹਿਰਾਂ ਅਤੇ ਦਲਜੀਤ ਸਿੰਘ ਦੋਨੋਂ ਯੂ.ਐੱਸ.ਏ. ਨਿਵਾਸੀਆਂ ਜੋ ਪੰਜਾਬੀ ਸੱਭਿਆਚਾਰ ਦੀ ਸੇਵਾ ਅਮਰੀਕਾ ਦੀ ਧਰਤੀ ‘ਤੇ ਕਰਦੇ ਹਨ, ਉ੍ਹਨਾਂ ਦਾ ਵੀ ਵਿਸ਼ੇਸ਼ ਸਨਮਾਨ ਹੋਵੇਗਾ। ਇਸ ਸਮੇਂ ਬਾਵਾ ਨੇ ਕਿਹਾ ਕਿ ਅਸੀਂ ਪੀ.ਸੀ. ਕਲੱਬ ਦੇ ਧੰਨਵਾਦੀ ਹਾਂ, ਜਿਨ੍ਹਾਂ ਨੇ ਮੇਲੇ ਨੂੰ ਸਰਪ੍ਰਸਤੀ ਦਿੱਤੀ ਅਤੇ ਲਖਮਿੰਦਰ ਕੌਰ, ਵਿੰਮੀ ਬਜਾਜ ਅਤੇ ਜਸਵਿੰਦਰ ਭੋਗਲ ਦਾ ਵਿਸ਼ੇਸ਼ ਧੰਨਵਾਦ ਕਰਦੇ ਹਾਂ, ਜਿਨ੍ਹਾਂ ਨੇ ਮੀਟਿੰਗ ਵਿਚ ਆਉਣ ਦਾ ਸਮਾਂ ਕੱਢਿਆ। ਇਸ ਸਮੇਂ ਪਾਰਿਕ ਸ਼ਰਮਾ ਨੂੰ ਮਾਲਵਾ ਸੱਭਿਆਚਾਰਕ ਮੰਚ ਦਾ ਵਾਈਸ ਚੇਅਰਮੈਨ ਨਿਯੁਕਤ ਕੀਤਾ ਗਿਆ।
ਇਸ ਸਮੇਂ ਬਾਵਾ ਅਤੇ ਰਾਣਾ ਝਾਂਡੇ ਨੇ ਕਿਹਾ ਕਿ ਧੀਆਂ ਦਾ ਲੋਹੜੀ ਮੇਲਾ ਸਮਾਜਿਕ ਅਤੇ ਪਰਿਵਾਰਿਕ ਰਿਸ਼ਤਿਆਂ ਦੀਆਂ ਤੰਦਾਂ ਨੂੰ ਮਜ਼ਬੂਤ ਕਰਦਾ ਹੈ। ਇਸ ਸਮੇਂ ਸ਼੍ਰੀ ਬਾਵਾ ਨੇ ਦੱਸਿਆ ਕਿ ਮੇਲੇ ਵਿਚ ਨਾਨੀ ਦਾਦੀ ਦਾ ਵੀ ਵਿਸ਼ੇਸ਼ ਸਨਮਾਨ ਦਿੱਤਾ ਜਾਵੇਗਾ। ਉਨ੍ਹਾਂ ਦੱਸਿਆ ਕਿ ਭਾਰਤ ਅਤੇ ਲੁਧਿਆਣਾ ਦਾ ਨਾਮ ਵਿਸ਼ਵ ਵਿਚ ਪਹੁੰਚਾਉਣ ਵਾਲੀਆਂ ਸ਼ਖਸੀਅਤਾਂ ਨੂੰ ਮੇਲੇ ਵਿਚ ਯਾਦ ਕੀਤਾ ਜਾਵੇਗਾ। ਜਿਨ੍ਹਾਂ ਵਿਚ ਸਾਬਕਾ ਪ੍ਰਧਾਨ ਮੰਤਰੀ ਡਾ. ਮਨਮੋਹਨ ਸਿੰਘ, ਸਾਬਕਾ ਰਾਸ਼ਟਰਪਤੀ ਅਤੇ ਉੱਘੇ ਵਿਗਿਆਨੀ ਡਾ. ਅਬਦੁਲ ਕਲਾਮ, ਭਾਰਤ ਦੀ ਹਰ ਖੇਤਰ ਵਿਚ ਸੇਵਾ ਕਰਨ ਵਾਲੇ ਰਤਨ ਟਾਟਾ, ਸਰ ਗੰਗਾ ਰਾਮ ਜਿਨ੍ਹਾਂ ਦੀ ਪਾਕਿਸਤਾਨ ਵਿਚ ਵੀ ਵੱਡਮੁੱਲੀ ਸੇਵਾ ਹੈ, ਕਿਰਤੀਆਂ ਨੂੰ ਜ਼ਮੀਨਾਂ ਵੰਡਣ ਵਾਲੇ ਸਾਬਕਾ ਮੰਤਰੀ ਰਾਧਾ ਕ੍ਰਿਸ਼ਨ, ਖੇਤੀ ਅਤੇ ਸੱਭਿਆਚਾਰ ਦੇ ਖੇਤਰ ਵਿਚ ਵੱਡਮੁੱਲੀ ਸੇਵਾ ਕਰਨ ਵਾਲੇ ਡਾ. ਐੱਮ.ਐੱਸ. ਰੰਧਾਵਾ (ਜਿਨ੍ਹਾਂ ਨੂੰ ਚੰਡੀਗੜ੍ਹ ਦਾ ਆਰਕੀਟੈਕਟ ਵੀ ਕਿਹਾ ਜਾਂਦਾ ਹੈ), ਵਿਸ਼ਵ ਵਿਚ ਲੁਧਿਆਣਾ ਦੀ ਪਹਿਚਾਣ ਸਾਈਕਲ ਇੰਡਸਟਰੀ ਵਿਚ ਬਣਾਉਣ ਵਾਲੇ ਸੋਹਣ ਲਾਲ ਪਾਹਵਾ (ਏਵਨ), ਓਮ ਪ੍ਰਕਾਸ਼ ਮੁੰਜਾਲ (ਹੀਰੋ ਸਾਈਕਲ), ਉੱਘੇ ਸਮਾਜਸੇਵੀ ਅਤੇ ਸਨਅਤਕਾਰ ਵਿਦਿਆਸਾਗਰ ਅਤੇ ਪੰਜਾਬੀ ਸੱਭਿਆਚਾਰ ਨਾਲ ਸੰਬੰਧਿਤ ਸ਼ਖਸੀਅਤਾਂ ਸੁਰਜੀਤ ਪਾਤਰ, ਯਮਲਾ ਜੱਟ, ਨਰਿੰਦਰ ਬੀਬਾ, ਕੁਲਦੀਪ ਮਾਣਕ, ਸੁਰਿੰਦਰ ਸ਼ਿੰਦਾ, ਇੰਦਰਜੀਤ ਹਸਨਪੁਰੀ, ਸੰਤ ਸਿੰਘ ਸੇਖੋ, ਦੇਵ ਥਰੀਕੇ, ਪ੍ਰੋਫੈਸਰ ਮੋਹਨ ਸਿੰਘ, ਮਹਿੰਦਰ ਸਿੰਘ ਚੀਮਾ ਅਤੇ ਲੋਹੜੀ ਮੇਲੇ ਦੇ ਜਨਮਦਾਤਾ ਜਗਦੇਵ ਸਿੰਘ ਜੱਸੋਵਾਲ ਸ਼ਾਮਿਲ ਹਨ। ਇਸ ਸਮੇਂ ਨਿਧੀ ਗਰਗ (ਡੀ.ਸੀ.ਬੀ.) ਬੈਂਕ ਲੁਧਿਆਣਾ ਅਤੇ ਜਤਿਨ ਚੱਡਾ ਦਾ ਮੀਟਿੰਗ ‘ਚ ਸ਼ਾਮਲ ਹੋਣ ‘ਤੇ ਧੰਨਵਾਦ ਕੀਤਾ ਗਿਆ।
ਇਸ ਸਮੇਂ ਮੀਟਿੰਗ ਵਿਚ ਜਗਜੀਵਨ ਸਿੰਘ ਗਰੀਬ, ਪਵਨ ਸਿਡਾਨਾ ਸਾਬਕਾ ਪ੍ਰਧਾਨ ਮੰਚ, ਅਸ਼ੋਕ ਵਰਮਾਨੀ, ਪਰਮਿੰਦਰ ਤੂਰ, ਕੁਲਦੀਪ ਬਾਵਾ, ਸਮਾਜਸੇਵੀ ਕੀਰਤੀ ਗਰੋਵਰ (ਸਨੇਹ ਵੈੱਲਫੇਅਰ ਐਸੋਸੀਏਸ਼ਨ), ਗਗਨਦੀਪ ਸਿੰਘ, ਅਮਰਪਾਲ ਸਿੰਘ, ਤਰਸੇਮ ਜਸੂਜਾ ਆਦਿ ਹਾਜ਼ਰ ਸਨ।