-ਮੈਡੀਕਲ ਬਿੱਲਾਂ ਨੂੰ ਲੈ ਕੇ ਹਸਪਤਾਲ ‘ਚ ਬੀਮਾਰ ਪਤਨੀ ਨੂੰ ਗਲਾ ਘੁੱਟ ਕੇ ਮਾਰਿਆ
ਨਿਊਯਾਰਕ, 8 ਮਈ (ਰਾਜ ਗੋਗਨਾ/ਪੰਜਾਬ ਮੇਲ)- ਅਮਰੀਕਾ ਦੇ ਮਿਯੂਰੀ ਦੇ ਇੱਕ ਬਜ਼ੁਰਗ ਨੇ ਆਪਣੀ ਬਿਮਾਰ ਪਤਨੀ ਦੀ ਹੱਤਿਆ ਕਰਨ ਦਾ ਅਦਾਲਤ ‘ਚ ਇਕਬਾਲ ਕਰਨ ਤੋਂ ਬਾਅਦ ਉਹ ਹੁਣ ਸਲਾਖਾਂ ਦੇ ਪਿੱਛੇ ਹੈ ਕਿਉਂਕਿ ਉਹ ਡਾਕਟਰੀ ਖਰਚਿਆਂ ਦਾ ਭੁਗਤਾਨ ਨਹੀਂ ਕਰਨਾ ਚਾਹੁੰਦਾ ਸੀ। ਫੋਕਸ-4 ਦੁਆਰਾ ਪ੍ਰਾਪਤ ਅਦਾਲਤੀ ਦਸਤਾਵੇਜ਼ਾਂ ਦੇ ਅਨੁਸਾਰ, ਰੋਨੀ ਵਿਗਸ ਨੇ ਹਸਪਤਾਲ ਦੇ ਬਿਸਤਰੇ ‘ਤੇ ਲੇਟੀ ਹੋਈ ਪਤਨੀ ਦਾ ਗਲ਼ਾ ਘੁੱਟ ਕੇ ਮਾਰ ਦਿੱਤਾ। ਅਦਾਲਤੀ ਦਸਤਾਵੇਜ਼ਾਂ ਵਿਚ ਉਸ ਦੀ ਪਤਨੀ ਦਾ ਨਾਂ ਨਹੀਂ ਦੱਸਿਆ ਗਿਆ। ਬਜ਼ੁਰਗ ਦੀ ਪਤਨੀ  ਸੈਂਟਰਪੁਆਇੰਟ ਮੈਡੀਕਲ ਸੈਂਟਰ ‘ਚ ਰਹਿ ਰਹੀ ਸੀ। ਰੌਨੀ ਵਿਗਸ ਨੇ ਕਥਿਤ ਤੌਰ ‘ਤੇ ਆਪਣੀ ਪਤਨੀ ਦੀਆਂ ਚੀਕਾਂ ਨੂੰ ਦਬਾਉਣ ਅਤੇ ਫਿਰ ਉਸਦੇ ਨੰਗੇ ਹੱਥਾਂ ਨਾਲ ਗਲਾ ਘੁੱਟਣ ਦਾ ਇਕਬਾਲ ਵੀ ਕੀਤਾ। ਪੁਲਿਸ ਅਨੁਸਾਰ ਮ੍ਰਿਤਕ ਦੀ ਗਰਦਨ ‘ਤੇ ”ਸ਼ੱਕੀ” ਨਿਸ਼ਾਨ ਵੀ ਸਨ। ਵਿਗਸ, ਜਿਸ ਦੀ ਉਮਰ ਸਥਾਨਕ ਮੀਡੀਆ ਦੁਆਰਾ 75 ਜਾਂ 76 ਸਾਲ ਦੇ ਕਰੀਬ ਦੱਸੀ ਗਈ ਸੀ, ਹਸਪਤਾਲ ਤੋਂ ਭੱਜ ਗਿਆ, ਪਹਿਲਾਂ ਕਿਤੇ ਵੀ ਨਹੀਂ ਮਿਲਿਆ, ਪਰ ਉਹ ਬਾਅਦ ਵਿਚ ਵਾਪਸ ਆ ਗਿਆ ਅਤੇ ਕਥਿਤ ਤੌਰ ‘ਤੇ ਕਤਲ ਦਾ ਇਕਬਾਲ ਕਰ ਲਿਆ।