ਬੀਜਿੰਗ, 18 ਮਾਰਚ (ਪੰਜਾਬ ਮੇਲ)- ਚੀਨ ਦੇ ਰੱਖਿਆ ਮੰਤਰਾਲੇ ਦੇ ਇੱਕ ਪ੍ਰਤੀਨਿਧੀ ਨੇ ਸ਼ਨੀਵਾਰ ਨੂੰ ਕਥਿਤ ਤੌਰ ‘ਤੇ ਕਿਹਾ ਕਿ ਜੇ ਸੰਯੁਕਤ ਰਾਜ ਜਾਂ ਨਾਟੋ ਰੂਸ ‘ਤੇ ਹਮਲਾ ਕਰਨ ਦਾ ਫ਼ੈਸਲਾ ਕਰਦਾ ਹੈ ਤਾਂ ਬੀਜਿੰਗ ‘ਦਖਲ ਦੇਣ ਲਈ ਤਿਆਰ’ ਹੈ। ਚੀਨ ਦਾ ਇਹ ਬਿਆਨ ਉਦੋਂ ਆਇਆ ਹੈ, ਜਦੋਂ ਇਸ ਮਹੀਨੇ ਦੀ ਸ਼ੁਰੂਆਤ ਵਿਚ ਸਵੀਡਨ ਦੇ ਅਧਿਕਾਰਤ ਤੌਰ ‘ਤੇ ਨਾਟੋ ਵਿਚ ਸਾਮਲ ਹੋਣ ਦੇ ਬਾਅਦ ਤੋਂ ਅੰਤਰ-ਸਰਕਾਰੀ ਫੌਜੀ ਗਠਜੋੜ ਅਤੇ ਮਾਸਕੋ ਵਿਚਾਲੇ ਮਤਭੇਦ ਜਾਰੀ ਹੈ।
ਟੈਲੀਗ੍ਰਾਮ ਚੈਨਲ ਨੇ ਚੀਨੀ ਰੱਖਿਆ ਪ੍ਰਤੀਨਿਧੀ ਦਾ ਹਵਾਲਾ ਦਿੰਦੇ ਹੋਏ ਕਿਹਾ, ”ਜੇ ਅਮਰੀਕਾ ਜਾਂ ਨਾਟੋ ਰੂਸ ‘ਤੇ ਹਮਲਾ ਕਰਨ ਦਾ ਫ਼ੈਸਲਾ ਕਰਦੇ ਹਨ, ਤਾਂ ਚੀਨ ਕਿਤੇ ਵੀ ਫੌਜੀ ਦਖਲ ਦੇਣ ਲਈ ਤਿਆਰ ਹੈ।” ਚੈਨਲ ਨੇ ਦਾਅਵੇ ਦੀ ਪੁਸ਼ਟੀ ਕਰਨ ਲਈ ਵਿਭਾਗ ਤੱਕ ਪਹੁੰਚ ਕੀਤੀ ਹੈ। ਰੂਸੀ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨੇ ਇਸ ਹਫਤੇ ਦੇ ਸ਼ੁਰੂ ਵਿਚ ਨਾਟੋ ਅਤੇ ਪੱਛਮੀ ਦੇਸ਼ਾਂ ਨੂੰ ਚਿਤਾਵਨੀ ਦਿੱਤੀ ਸੀ ਕਿ ਜੇਕਰ ਅਮਰੀਕਾ ਨੇ ਯੂਕ੍ਰੇਨ ਵਿਚ ਫੌਜ ਭੇਜੀ, ਤਾਂ ਮਾਸਕੋ ਪ੍ਰਮਾਣੂ ਯੁੱਧ ਲਈ ਤਿਆਰ ਹੈ।
ਕ੍ਰੇਮਲਿਨ ਨੇਤਾ 15-17 ਮਾਰਚ ਦੀਆਂ ਚੋਣਾਂ ਤੋਂ ਪਹਿਲਾਂ ਬੋਲ ਰਹੇ ਸਨ। ਪੁਤਿਨ ਨੇ ਕਿਹਾ ਕਿ ਪਰਮਾਣੂ ਯੁੱਧ ਦਾ ਖਦਸ਼ਾ ‘ਜਲਦਬਾਜ਼ੀ’ ਵਿਚ ਨਹੀਂ ਬਣ ਰਿਹਾ ਸੀ।” ਅਮਰੀਕੀ ਰਾਸ਼ਟਰਪਤੀ ਜੋਅ ਬਾਇਡਨ ਤੋਂ ਇਲਾਵਾ ਰੂਸੀ-ਅਮਰੀਕੀ ਸਬੰਧਾਂ ਅਤੇ ਰਣਨੀਤਕ ਸੰਜਮ ਦੇ ਖੇਤਰ ਵਿਚ ਕਾਫ਼ੀ ਹੋਰ ਮਾਹਰ ਹਨ। ਇਸ ਲਈ ਮੈਨੂੰ ਨਹੀਂ ਲੱਗਦਾ ਕਿ ਇੱਥੇ ਸਭ ਕੁਝ ਠੀਕ ਹੋਣ ਵਾਲਾ ਹੈ, ਪਰ ਅਸੀਂ ਹਰ ਤਰ੍ਹਾਂ ਦੀ ਸਥਿਤੀ ਲਈ ਤਿਆਰ ਹਾਂ।” ਇਸ ਦੌਰਾਨ ਨਾਟੋ ਦੇ ਮੁਖੀ ਜੇਂਸ ਸਟੋਲਟਨਬਰਗ ਨੇ ਸਹਿਯੋਗੀਆਂ ਨੂੰ ਯੂਕ੍ਰੇਨ ਨੂੰ ਤੁਰੰਤ ਹੋਰ ਅਸਲਾ ਭੇਜਣ ਲਈ ਕਿਹਾ। ਉਸਦਾ ਸੰਦੇਸ਼ ਉਦੋਂ ਆਇਆ, ਜਦੋਂ ਅਮਰੀਕੀ ਕਾਂਗਰਸ ਕੀਵ ਨੂੰ ਅਰਬਾਂ ਡਾਲਰ ਦੀ ਸਹਾਇਤਾ ਭੇਜਣ ਬਾਰੇ ਬਹਿਸ ਜਾਰੀ ਰੱਖ ਰਹੀ ਹੈ। ਸਟੋਲਟਨਬਰਗ ਨੇ ਇੱਕ ਪ੍ਰੈੱਸ ਕਾਨਫਰੰਸ ਵਿਚ ਕਿਹਾ, ”ਅਮਰੀਕਾ, ਕੈਨੇਡਾ ਅਤੇ ਯੂਰਪ ਨੂੰ ਹੋਰ ਬਹੁਤ ਕੁਝ ਕਰਨਾ ਪਏਗਾ ਅਤੇ ਸਾਨੂੰ ਯੂਕ੍ਰੇਨੀਆਂ ਨੂੰ ਵੀ ਯੋਜਨਾ ਬਣਾਉਣ ਦੇ ਯੋਗ ਬਣਾਉਣ ਲਈ ਲੰਬੇ ਸਮੇਂ ਦੀ ਵਚਨਬੱਧਤਾ ਦੀ ਲੋੜ ਹੈ।”
ਅਮਰੀਕਾ ਜਾਂ NATO ਰੂਸ ‘ਤੇ Attack ਕਰਦੈ ਤਾਂ ਚੀਨ ‘ਦਖ਼ਲ ਦੇਣ ਲਈ ਤਿਆਰ’
![](https://punjabmailusa.com/wp-content/uploads/2023/02/news.png)