ਅਮਰੀਕਾ 26 ਜੁਲਾਈ (ਪੰਜਾਬ ਮੇਲ)- ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਇਕ ਵਾਰ ਭਾਰਤ ਨੂੰ ਕੂੜੇ ਦਾ ਢੇਰ ਕਿਹਾ ਸੀ ਜਦਕਿ ਅਸਲੀਅਤ ਕੁਝ ਹੋਰ ਹੈ। ਹਾਲ ਹੀ ਵਿਚ ਇਕ ਅਮਰੀਕੀ ਸਟੇਸ਼ਨਾਂ ਦੀ ਸੱਚਾਈ ਸਾਹਮਣੇ ਆਈ ਹੈ ਜਿੱਥੇ ਕੂੜੇ ਦੇ ਢੇਰ ਲੱਗੇ ਹੋਏ ਹਨ। ਇਸ ਵਾਰੇ ਇਕ ਯੂਜ਼ਰ ਨੇ ਖੁਲਾਸਾ ਕੀਤਾ ਹੈ। ਯੂਜ਼ਰ ਮੁਤਾਬਕ ਨਿਊਯਾਰਕ ਦੇ ਸਬਵੇਅ ‘ਤੇ ਲੋਕਾਂ ਦੀ ਭੀੜ ਅਕਸਰ ਦੇਖੀ ਜਾ ਸਕਦੀ ਹੈ, ਜਿੱਥੇ ਪਿਸ਼ਾਬ ਨਾਲ ਭਰੇ ਕੋਨੇ, ਕੂੜੇ ਦੀਆਂ ਸੂਈਆਂ ਅਤੇ ਗੰਦਗੀ ਸਦੀਆਂ ਪੁਰਾਣੀ ਲੱਗਦੀ ਹੈ। ਇਹ ਸਥਿਤੀ ਪੁਰਾਣੇ ਬੁਨਿਆਦੀ ਢਾਂਚੇ ਅਤੇ ਲਾਪਰਵਾਹੀ ਵਾਲੇ ਰੱਖ-ਰਖਾਅ ਕਾਰਨ ਬਣੀ ਹੈ। ਵਾਇਰਲ ਵੀਡੀਓ ਅਤੇ ਮੀਡੀਆ ਰਿਪੋਰਟਾਂ ਅਕਸਰ ਹੜ੍ਹ ਅਤੇ ਹੋਰ ਅਸਥਿਰ ਸਥਿਤੀਆਂ ਸਮੇਤ ਮੁੱਦਿਆਂ ਨੂੰ ਉਜਾਗਰ ਕਰਦੀਆਂ ਹਨ। ਰੋਜ਼ਾਨਾ ਯਾਤਰੀਆਂ ਦੀ ਭਾਰੀ ਗਿਣਤੀ ਸਫਾਈ ਬਣਾਈ ਰੱਖਣਾ ਚੁਣੌਤੀਪੂਰਨ ਬਣਾਉਂਦੀ ਹੈ। ਅਮਰੀਕਾ ਦੇ ਮੈਟਰੋ ਸਟੇਸ਼ਨਾਂ ‘ਤੇ ਬਹੁਤ ਗੰਦਾ ਹਾਲ ਹੈ। ਮੈਟਰੋ ਦੀ ਸਥਿਤੀ ਖਸਤਾ ਹਾਲ ਹੈ। ਹਰ ਪਾਸੇ ਕੂੜੇ ਦੇ ਢੇਰ ਹਨ। ਇੱਥੇ ਡਰੱਗਜ਼, ਗਾਂਜਾ ਵਰਗੇ ਨਸ਼ੀਲੇ ਪਦਾਰਥਾਂ ਦੀ ਬਦਬੂ ਹਰ ਪਾਸੇ ਫੈਲੀ ਹੋਈ ਹੈ। ਨਸ਼ੇ ਲਗਾਉਣ ਵਾਲੇ ਟੀਕੇ ਦੀਆਂ ਸੂਈਆਂ ਦੇਖੀਆਂ ਜਾ ਸਕਦੀਆਂ ਹਨ। ਸਬਵੇਅ ਵਿਚ ਦਾਖਲ ਹੁੰਦੇ ਹੀ ਗੰਦਗੀ ਦੇ ਢੇਰ ਦਿਖਾਈ ਦਿੰਦੇ ਹਨ। ਹਰ ਪਾਸੇ ਬਦਬੂਦਾਰ ਪਾਣੀ ਫੈਲਿਆ ਹੋਇਆ ਹੈ। ਮੈਟਰੇ ਸਟੇਸ਼ਨਾਂ ‘ਤੇ ਕੂੜੇ ਦੇ ਢੇਰ ਹਨ। ਅਕਸਰ ਲੋਕ ਅਸ਼ਲੀਲ ਹਰਕਤਾਂ ਕਰਦੇ ਵੀ ਦੇਖੇ ਜਾ ਸਕਦੇ ਹਨ। ਸਬਵੇਅ ਸਿਸਟਮ ਪੁਰਾਣਾ ਹੋ ਰਿਹਾ ਹੈ ਅਤੇ ਪੁਰਾਣੇ ਸਿਸਟਮ ਅਤੇ ਰੱਖ-ਰਖਾਅ ਵਿੱਚ ਨਿਵੇਸ਼ ਦੀ ਘਾਟ ਸਮੱਸਿਆ ਵਿੱਚ ਯੋਗਦਾਨ ਪਾਉਂਦੀ ਹੈ। ਭਾਰੀ ਬਾਰਿਸ਼ ਸਬਵੇਅ ਵਿੱਚ ਮਹੱਤਵਪੂਰਨ ਹੜ੍ਹ ਦਾ ਕਾਰਨ ਬਣਦੀ ਹੈ। ਐਮ.ਟੀ.ਏ (ਮੈਟਰੋਪੋਲੀਟਨ ਟ੍ਰਾਂਸਪੋਰਟੇਸ਼ਨ ਅਥਾਰਟੀ) ਸਫਾਈ ਦੇ ਮੁੱਦਿਆਂ ਤੋਂ ਜਾਣੂ ਹੈ ਅਤੇ ਸਟੇਸ਼ਨ ਐਲੀਵੇਟਰਾਂ ਲਈ ਪਿਸ਼ਾਬ ਖੋਜ ਤਕਨਾਲੋਜੀ ਵਰਗੇ ਹੱਲ ਲੱਭ ਰਿਹਾ ਹੈ। ਇਸ ਦੇ ਉਲਟ ਭਾਰਤ ਦੇ ਮੈਟਰੋ ਸਟੇਸ਼ਨ ਬਹੁਤ ਸਾਫ-ਸੁਥਰੇ ਹਨ। ਭਾਵੇਂ ਉਹ ਦਿੱਲੀ ਦੇ ਹੋਣ ਜਾਂ ਮੁਬੰਈ ਦੇ।