-ਈ.ਬੀ. ਕੈਟਾਗਰੀ ‘ਚ ਫਾਈਨਲ ਐਕਸ਼ਨ ਡੇਟਸ ਨੂੰ ਪਿਛਾਂਹ ਕੀਤਾ
ਵਾਸ਼ਿੰਗਟਨ, 20 ਮਈ (ਪੰਜਾਬ ਮੇਲ)- ਭਾਰਤੀ ਗ੍ਰੀਨ ਕਾਰਡ ਅਰਜ਼ੀਕਾਰਾਂ ਲਈ ਜੂਨ 2026 ਦਾ ਵੀਜ਼ਾ ਬੁਲੇਟਿਨ ਵੱਡਾ ਝਟਕਾ ਲੈ ਕੇ ਆਇਆ ਹੈ। ਖਾਸ ਕਰਕੇ Employment-Based (ਈ.ਬੀ.) ਕੈਟਾਗਰੀਆਂ ‘ਚ ਇੰਤਜ਼ਾਰ ਹੋਰ ਲੰਮਾ ਹੋ ਗਿਆ ਹੈ, ਕਿਉਂਕਿ ਅਮਰੀਕੀ ਸਟੇਟ ਡਿਪਾਰਟਮੈਂਟ ਨੇ ਈ.ਬੀ.-1 ਅਤੇ ਈ.ਬੀ.-2 ਕੈਟਾਗਰੀ ਵਿਚ ”retrogression” ਦਾ ਐਲਾਨ ਕੀਤਾ ਹੈ।
ਅਮਰੀਕੀ ਸਰਕਾਰ ਦੇ ਅਨੁਸਾਰ ਭਾਰਤ ਤੋਂ ਆਉਣ ਵਾਲੀਆਂ ਅਰਜ਼ੀਆਂ ਦੀ ਗਿਣਤੀ ਬਹੁਤ ਵੱਧ ਗਈ ਹੈ ਅਤੇ ਵਿੱਤੀ ਸਾਲ 2026 ਦੇ ਵੀਜ਼ਾ ਲਿਮਟ ਨੂੰ ਕਾਬੂ ਵਿਚ ਰੱਖਣ ਲਈ ਫਾਈਨਲ ਐਕਸ਼ਨ ਡੇਟਸ ਨੂੰ ਪਿੱਛੇ ਧੱਕਣਾ ਪਿਆ।
ਜੂਨ 2026 ਵੀਜ਼ਾ ਬੁਲੇਟਿਨ ਮੁਤਾਬਕ ਈ.ਬੀ.-1 ਭਾਰਤ ਦੀ ਫਾਈਨਲ ਐਕਸ਼ਨ ਡੇਟ ਹੁਣ 15 ਦਸੰਬਰ 2022 ਹੋ ਗਈ ਹੈ, ਜੋ ਪਹਿਲਾਂ ਅਪ੍ਰੈਲ 2023 ਦੇ ਨੇੜੇ ਸੀ। ਈ.ਬੀ.-2 ਭਾਰਤ ਦੀ ਫਾਈਨਲ ਐਕਸ਼ਨ ਡੇਟ ਵੱਡੀ ਤਰ੍ਹਾਂ ਪਿੱਛੇ ਜਾ ਕੇ 1 ਸਤੰਬਰ 2013 ਹੋ ਗਈ ਹੈ। ਈ.ਬੀ.-3 ਭਾਰਤ ਵਿਚ ਹਲਕੀ ਜਿਹੀ ਤਰੱਕੀ ਹੋਈ ਹੈ ਅਤੇ ਕੱਟਆਫ ਡੇਟ 15 ਦਸੰਬਰ 2013 ਤੱਕ ਪਹੁੰਚੀ ਹੈ।
ਇਸ ਦਾ ਸਿੱਧਾ ਅਸਰ ਹਜ਼ਾਰਾਂ ਭਾਰਤੀ ਐੱਚ-1ਬੀ ਵਰਕਰਾਂ ਅਤੇ ਆਈ.ਟੀ. ਪ੍ਰੋਫੈਸ਼ਨਲਜ਼ ‘ਤੇ ਪਵੇਗਾ, ਜੋ ਸਾਲਾਂ ਤੋਂ ਗਰੀਨ ਕਾਰਡ ਦੀ ਉਡੀਕ ਕਰ ਰਹੇ ਹਨ। ਇਮੀਗ੍ਰੇਸ਼ਨ ਮਾਹਰਾਂ ਦਾ ਕਹਿਣਾ ਹੈ ਕਿ ਅਗਲੇ ਕੁਝ ਮਹੀਨਿਆਂ ਵਿਚ ਹੋਰ retrogression ਜਾਂ ਵੀਜ਼ਾ ਕੈਟਾਗਰੀ ”unavailable” ਹੋਣ ਦੀ ਸੰਭਾਵਨਾ ਵੀ ਬਣ ਸਕਦੀ ਹੈ, ਜੇ ਸਾਲਾਨਾ ਕੋਟਾ ਜਲਦੀ ਖਤਮ ਹੋ ਗਿਆ।
ਇੱਕ ਹੋਰ ਮਹੱਤਵਪੂਰਨ ਗੱਲ ਇਹ ਹੈ ਕਿ ਯੂ.ਐੱਸ.ਸੀ.ਆਈ.ਐੱਸ. ਹਾਲੇ ਵੀ ਰੁਜ਼ਗਾਰ-ਆਧਾਰਿਤ ਅਰਜ਼ੀਕਾਰਾਂ ਲਈ ”ਫਾਈਨਲ ਐਕਸ਼ਨ ਡੇਟਸ” ਚਾਰਟ ਹੀ ਵਰਤ ਰਹੀ ਹੈ। ਇਸ ਕਰਕੇ ਕਈ ਅਰਜ਼ੀਕਾਰ ਜੋ ਪਹਿਲਾਂ ਆਈ-485 ਫਾਈਲ ਕਰਨ ਦੇ ਯੋਗ ਸਨ, ਹੁਣ ਮੁੜ ਉਡੀਕ ਸੂਚੀ ਵਿਚ ਚਲੇ ਗਏ ਹਨ।
ਇਮੀਗ੍ਰੇਸ਼ਨ ਮਾਹਿਰ ਮੰਨਦੇ ਹਨ ਕਿ ਭਾਰਤੀ ਬਿਨੈਕਾਰ ਲਈ ਬੈਕਲਾਗ ਹੁਣ ਕਈ ਸਾਲ ਹੋਰ ਲੰਬਾ ਹੋ ਸਕਦਾ ਹੈ। ਕੁਝ ਰਿਪੋਰਟਾਂ ਅਨੁਸਾਰ ਭਾਰਤੀ ਪੇਸ਼ੇਵਰ ਲਈ ਗ੍ਰੀਨ ਕਾਰਡ ਉਡੀਕ ਪਹਿਲਾਂ ਹੀ ਦੁਨੀਆਂ ਵਿਚ ਸਭ ਤੋਂ ਲੰਬੀਆਂ ਕਤਾਰਾਂ ਵਿਚੋਂ ਇੱਕ ਹੈ।