ਬੈਸੈਂਟ ਨੇ ਕਿਹਾ ਕਿ ਇਹ ਸਿੱਕਾ “ਆਜ਼ਾਦੀ ਦੀ ਸਥਾਈ ਵਿਰਾਸਤ ਅਤੇ ਦੇਸ਼ਭਗਤੀ ਦੇ ਪ੍ਰਤੀਕ” ਵਜੋਂ ਜਾਰੀ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਮੁਤਾਬਕ ਇਸ ’ਤੇ ਰਾਸ਼ਟਰਪਤੀ ਟਰੰਪ ਦੀ ਤਸਵੀਰ ਅਮਰੀਕੀ ਕਦਰਾਂ-ਕੀਮਤਾਂ, ਤਾਕਤ ਅਤੇ ਆਜ਼ਾਦੀ ਦੀ ਰੱਖਿਆ ਦੇ ਸੰਕਲਪ ਨੂੰ ਦਰਸਾਉਂਦੀ ਹੈ।
ਖ਼ਜ਼ਾਨਾ ਵਿਭਾਗ ਦੇ ਬੁਲਾਰੇ ਨੇ CBS News ਨੂੰ ਦੱਸਿਆ ਕਿ ਸਿੱਕੇ ਦਾ ਉਤਪਾਦਨ ਸ਼ੁਰੂ ਹੋ ਚੁੱਕਾ ਹੈ। ਹਾਲਾਂਕਿ ਇਹ ਖ਼ਾਲਿਸ ਸੋਨੇ ਦਾ ਸਿੱਕਾ ਨਹੀਂ ਹੋਵੇਗਾ, ਸਗੋਂ ਆਮ ਧਾਤਾਂ ਨਾਲ ਬਣਾਇਆ ਜਾਵੇਗਾ ਅਤੇ ਇਸ ਨੂੰ ਸੋਨੇ ਵਰਗੀ ਚਮਕ (gold-like finish) ਦਿੱਤੀ ਜਾਵੇਗੀ।
ਇਸ ਤੋਂ ਪਹਿਲਾਂ ਮਈ ਮਹੀਨੇ ਵਿੱਚ ਟਰੰਪ ਪ੍ਰਸ਼ਾਸਨ ਨੇ 250 ਡਾਲਰ ਦੇ ਨੋਟ ’ਤੇ ਟਰੰਪ ਦੀ ਤਸਵੀਰ ਲਗਾਉਣ ਦੀ ਸੰਭਾਵਨਾ ਵੀ ਜਤਾਈ ਸੀ। ਪਰ ਖ਼ਜ਼ਾਨਾ ਮੰਤਰੀ ਨੇ ਉਸ ਸਮੇਂ ਸਪੱਸ਼ਟ ਕੀਤਾ ਸੀ ਕਿ ਮੌਜੂਦਾ ਸੰਘੀ ਕਾਨੂੰਨ ਅਨੁਸਾਰ ਕਿਸੇ ਜੀਵਿਤ ਵਿਅਕਤੀ ਦੀ ਤਸਵੀਰ ਅਮਰੀਕੀ ਕਾਗਜ਼ੀ ਕਰੰਸੀ ’ਤੇ ਨਹੀਂ ਛਾਪੀ ਜਾ ਸਕਦੀ, ਜਦੋਂ ਤੱਕ ਕਾਂਗਰਸ ਕਾਨੂੰਨ ਵਿੱਚ ਤਬਦੀਲੀ ਨਾ ਕਰੇ।
ਅਮਰੀਕੀ ਕਾਨੂੰਨ ਅਨੁਸਾਰ ਕਾਗਜ਼ੀ ਨੋਟਾਂ ਅਤੇ ਹੋਰ ਸਰਕਾਰੀ ਸੁਰੱਖਿਆ ਪੱਤਰਾਂ ’ਤੇ ਸਿਰਫ਼ ਮ੍ਰਿਤਕ ਵਿਅਕਤੀਆਂ ਦੀਆਂ ਤਸਵੀਰਾਂ ਹੀ ਹੋ ਸਕਦੀਆਂ ਹਨ ਅਤੇ ਉਨ੍ਹਾਂ ਦਾ ਨਾਮ ਵੀ ਤਸਵੀਰ ਹੇਠ ਲਿਖਿਆ ਜਾਣਾ ਲਾਜ਼ਮੀ ਹੈ।
ਹਾਲਾਂਕਿ ਟਰੰਪ ਪ੍ਰਸ਼ਾਸਨ ਦਾ ਦਲੀਲ ਹੈ ਕਿ 2020 ਵਿੱਚ ਪਾਸ ਹੋਏ ਇੱਕ ਕਾਨੂੰਨ ਅਧੀਨ ਅਮਰੀਕਾ ਦੀ 250ਵੀਂ ਵਰ੍ਹੇਗੰਢ ਨੂੰ ਸਮਰਪਿਤ ਖ਼ਾਸ $1 ਦੇ ਸਿੱਕੇ ਨਵੇਂ ਡਿਜ਼ਾਈਨਾਂ ਨਾਲ ਜਾਰੀ ਕੀਤੇ ਜਾ ਸਕਦੇ ਹਨ। ਇਸੇ ਕਾਨੂੰਨ ਦੇ ਆਧਾਰ ’ਤੇ ਟਰੰਪ ਦੀ ਤਸਵੀਰ ਵਾਲੇ ਸਿੱਕੇ ਨੂੰ ਮਨਜ਼ੂਰੀ ਦਿੱਤੀ ਗਈ ਹੈ।
ਫਿਰ ਵੀ, ਸੰਘੀ ਕਾਨੂੰਨ ਅਨੁਸਾਰ ਅਜਿਹੇ ਯਾਦਗਾਰੀ ਸਿੱਕਿਆਂ ਦੇ ਡਿਜ਼ਾਈਨ ਦੀ ਸਮੀਖਿਆ ਅਤੇ ਮਨਜ਼ੂਰੀ Citizens Coinage Advisory Committee ਵੱਲੋਂ ਕੀਤੀ ਜਾਂਦੀ ਹੈ।
