ਅਮਰੀਕੀ Department of Homeland Security (DHS) ਵੱਲੋਂ ਪੇਸ਼ ਕੀਤੇ ਗਏ ਪ੍ਰਸਤਾਵ ਅਨੁਸਾਰ U.S. Immigration and Customs Enforcement ਇਸ ਸਹੂਲਤ ਵਿੱਚ ਲਗਭਗ 1,600 ਇਮੀਗ੍ਰੈਂਟ ਹਿਰਾਸਤੀਆਂ ਨੂੰ ਰੱਖ ਸਕੇਗੀ।

ਅਮਰੀਕੀ ਜਨਰਲ ਸਰਵਿਸਿਜ਼ ਐਡਮਿਨਿਸਟ੍ਰੇਸ਼ਨ (GSA) ਦੀ ਵੈੱਬਸਾਈਟ ‘ਤੇ ਪ੍ਰਕਾਸ਼ਿਤ ਜਾਣਕਾਰੀ ਮੁਤਾਬਕ DHS ਅਤੇ ICE ਨੂੰ ਆਪਣੀਆਂ ਅੰਦਰੂਨੀ ਇਮੀਗ੍ਰੇਸ਼ਨ ਕਾਰਵਾਈਆਂ ਅਤੇ ਸਰਹੱਦੀ ਦਬਾਅ ਘਟਾਉਣ ਦੇ ਟੀਚਿਆਂ ਨੂੰ ਪੂਰਾ ਕਰਨ ਲਈ ਵਧੇਰੇ ਬੈੱਡ ਸਮਰੱਥਾ ਦੀ ਲੋੜ ਹੈ।

ਪ੍ਰਸਤਾਵ ਅਨੁਸਾਰ ਇਸ ਜੇਲ੍ਹ ਦੀ ਮਾਲਕ ਕੰਪਨੀ CoreCivic ਸੁਰੱਖਿਆ ਕਰਮਚਾਰੀ, ਭੋਜਨ, ਮੈਡੀਕਲ ਸੇਵਾਵਾਂ ਅਤੇ ਆਵਾਜਾਈ ਦੀ ਸਹੂਲਤ ਪ੍ਰਦਾਨ ਕਰੇਗੀ। ਇਹ ਸੇਵਾਵਾਂ ICE ਦੇ ICE Field Office ਦੇ ਅਧੀਨ ਚਲਣਗੀਆਂ।

ਐਪਲਟਨ ਸ਼ਹਿਰ ਦੇ ਪ੍ਰਸ਼ਾਸਕ John Olinger ਨੇ ਕਿਹਾ ਕਿ ਸ਼ਹਿਰ ਦੀ ਜ਼ੋਨਿੰਗ ਇਸ ਤਰ੍ਹਾਂ ਦੀ ਵਰਤੋਂ ਦੀ ਆਗਿਆ ਦਿੰਦੀ ਹੈ, ਪਰ ਸ਼ਹਿਰੀ ਪ੍ਰਸ਼ਾਸਨ ਨੂੰ ਵੀ ਇਸ ਯੋਜਨਾ ਬਾਰੇ ਉਸੇ ਦਿਨ ਪਤਾ ਲੱਗਾ ਅਤੇ ਉਨ੍ਹਾਂ ਕੋਲ ਇਸ ਵੇਲੇ ਹੋਰ ਕੋਈ ਵਿਸਥਾਰਪੂਰਵਕ ਜਾਣਕਾਰੀ ਨਹੀਂ ਹੈ।

DHS ਦੇ ਇੱਕ ਬੁਲਾਰੇ ਨੇ ਬਿਆਨ ਜਾਰੀ ਕਰਦੇ ਹੋਏ ਕਿਹਾ ਕਿ ਇਸ ਸਮੇਂ ਕੋਈ ਨਵਾਂ ਡਿਟੇਨਸ਼ਨ ਸੈਂਟਰ ਅਧਿਕਾਰਕ ਤੌਰ ‘ਤੇ ਐਲਾਨਿਆ ਨਹੀਂ ਗਿਆ। ਹਾਲਾਂਕਿ ਉਨ੍ਹਾਂ ਇਹ ਵੀ ਕਿਹਾ ਕਿ ICE ਦੇਸ਼ ਭਰ ਵਿੱਚ ਕਾਨੂੰਨੀ ਕਾਰਵਾਈਆਂ ਕਰ ਰਹੀ ਹੈ ਅਤੇ ਹਿਰਾਸਤੀ ਥਾਵਾਂ ਦੀ ਸਮਰੱਥਾ ਵਧਾਉਣ ਲਈ ਸਰਗਰਮ ਤੌਰ ‘ਤੇ ਕੰਮ ਕਰ ਰਹੀ ਹੈ।

ਇਹ ਕਦਮ ਉਸ ਸਮੇਂ ਸਾਹਮਣੇ ਆਇਆ ਹੈ ਜਦੋਂ ਟਰੰਪ ਪ੍ਰਸ਼ਾਸਨ ਇਮੀਗ੍ਰੇਸ਼ਨ ਕਾਨੂੰਨਾਂ ਦੀ ਸਖ਼ਤ ਲਾਗੂਅਤ, ਵਧੀਆਂ ਗ੍ਰਿਫ਼ਤਾਰੀਆਂ ਅਤੇ ਡਿਪੋਰਟੇਸ਼ਨ ਕਾਰਵਾਈਆਂ ਲਈ ਹੋਰ ਹਿਰਾਸਤੀ ਥਾਵਾਂ ਬਣਾਉਣ ‘ਤੇ ਜ਼ੋਰ ਦੇ ਰਿਹਾ ਹੈ।