ਸੈਕਰਾਮੈਂਟੋ, 15 ਅਗਸਤ (ਪੰਜਾਬ ਮੇਲ)- ਅਮਰੀਕਾ ਵਿੱਚ ਇਮੀਗ੍ਰੇਸ਼ਨ ਨਾਲ ਜੁੜੇ ਦੋ ਅਹਿਮ ਫਾਰਮਾਂ ਵਿੱਚ 15 ਸਤੰਬਰ 2026 ਤੋਂ ਵੱਡਾ ਬਦਲਾਅ ਹੋਣ ਜਾ ਰਿਹਾ ਹੈ। U.S. Citizenship and Immigration Services (USCIS) ਮੁਤਾਬਕ Form I-539 ਅਤੇ Form I-765 ਦੇ ਨਵੇਂ ਐਡੀਸ਼ਨ 15 ਸਤੰਬਰ ਤੋਂ ਲਾਗੂ ਹੋਣਗੇ।

Form I-539 ਦੀ ਵਰਤੋਂ ਆਮ ਤੌਰ ’ਤੇ ਅਮਰੀਕਾ ਵਿੱਚ ਗੈਰ-ਇਮੀਗ੍ਰੈਂਟ ਸਟੇਟਸ ਨੂੰ ਵਧਾਉਣ ਜਾਂ ਬਦਲਣ ਲਈ ਕੀਤੀ ਜਾਂਦੀ ਹੈ। Form I-765 ਰਾਹੀਂ ਯੋਗ ਵਿਅਕਤੀ Employment Authorization, ਯਾਨੀ ਕੰਮ ਕਰਨ ਦੀ ਇਜਾਜ਼ਤ ਲਈ ਅਰਜ਼ੀ ਦਿੰਦੇ ਹਨ।

USCIS ਨੇ ਸਪੱਸ਼ਟ ਕੀਤਾ ਹੈ ਕਿ ਇਸ ਵਾਰ ਕੋਈ grace period ਨਹੀਂ ਦਿੱਤਾ ਜਾਵੇਗਾ। ਇਸ ਲਈ ਤਾਰੀਖ ਦਾ ਖਾਸ ਧਿਆਨ ਰੱਖਣਾ ਬਹੁਤ ਜ਼ਰੂਰੀ ਹੈ।

ਜੇ Form I-539 15 ਸਤੰਬਰ 2026 ਤੋਂ ਪਹਿਲਾਂ ਡਾਕ ਰਾਹੀਂ ਭੇਜਿਆ ਜਾਂ ਆਨਲਾਈਨ ਜਮ੍ਹਾਂ ਕੀਤਾ ਜਾਂਦਾ ਹੈ, ਤਾਂ 28 ਅਗਸਤ 2024 ਵਾਲਾ ਪੁਰਾਣਾ ਐਡੀਸ਼ਨ ਮਨਜ਼ੂਰ ਹੋਵੇਗਾ। ਪਰ 15 ਸਤੰਬਰ ਜਾਂ ਉਸ ਤੋਂ ਬਾਅਦ ਪੁਰਾਣੇ ਐਡੀਸ਼ਨ ਨਾਲ ਭੇਜੀ ਅਰਜ਼ੀ USCIS ਵੱਲੋਂ ਰੱਦ ਕਰ ਦਿੱਤੀ ਜਾਵੇਗੀ। ਉਸ ਦਿਨ ਤੋਂ ਸਿਰਫ਼ 09/15/26 edition ਹੀ ਵਰਤਿਆ ਜਾ ਸਕੇਗਾ।

ਇਸੇ ਤਰ੍ਹਾਂ Form I-765 ਲਈ 21 ਅਗਸਤ 2025 ਵਾਲਾ ਐਡੀਸ਼ਨ ਸਿਰਫ਼ 15 ਸਤੰਬਰ ਤੋਂ ਪਹਿਲਾਂ ਜਮ੍ਹਾਂ ਕੀਤੀਆਂ ਅਰਜ਼ੀਆਂ ਲਈ ਮੰਨਿਆ ਜਾਵੇਗਾ। 15 ਸਤੰਬਰ 2026 ਤੋਂ ਬਾਅਦ ਸਿਰਫ਼ ਨਵਾਂ 09/15/26 edition ਹੀ USCIS ਸਵੀਕਾਰ ਕਰੇਗਾ।

USCIS ਨੇ ਨਵੇਂ ਫਾਰਮ ਪਹਿਲਾਂ ਹੀ preview ਲਈ ਉਪਲਬਧ ਕਰਵਾ ਦਿੱਤੇ ਹਨ, ਪਰ ਲੋਕਾਂ ਨੂੰ ਹਦਾਇਤ ਕੀਤੀ ਗਈ ਹੈ ਕਿ ਨਵੇਂ ਫਾਰਮ 15 ਸਤੰਬਰ ਤੋਂ ਪਹਿਲਾਂ ਫਾਇਲ ਨਾ ਕੀਤੇ ਜਾਣ।

ਇਹ ਤਬਦੀਲੀਆਂ ਵਿਦਿਆਰਥੀਆਂ, exchange visitors ਅਤੇ foreign information media representatives ਲਈ ਨਿਰਧਾਰਤ ਸਮੇਂ ਦੀ admission ਅਤੇ extension of stay ਨਾਲ ਜੁੜੇ ਨਵੇਂ ਨਿਯਮਾਂ ਦੇ ਅਨੁਸਾਰ ਕੀਤੀਆਂ ਗਈਆਂ ਹਨ।

ਇਸ ਲਈ ਜਿਹੜੇ ਲੋਕ ਸਤੰਬਰ ਵਿੱਚ I-539 ਜਾਂ I-765 ਫਾਇਲ ਕਰਨ ਦੀ ਤਿਆਰੀ ਕਰ ਰਹੇ ਹਨ, ਉਹ ਫਾਰਮ ਦੀ edition date ਜ਼ਰੂਰ ਚੈੱਕ ਕਰਨ, ਨਹੀਂ ਤਾਂ ਅਰਜ਼ੀ ਰੱਦ ਹੋ ਸਕਦੀ ਹੈ।