ਵਾਸ਼ਿੰਗਟਨ, 24 ਜੁਲਾਈ (ਪੰਜਾਬ ਮੇਲ)- Fox News ਵੱਲੋਂ ਜਾਰੀ ਤਾਜ਼ਾ ਸਰਵੇਖਣ ਵਿੱਚ ਸਾਹਮਣੇ ਆਇਆ ਹੈ ਕਿ ਅਮਰੀਕਾ ਵਿੱਚ ਵੱਡੀ ਗਿਣਤੀ ਵੋਟਰ ਮੌਜੂਦਾ ਆਰਥਿਕ ਅਤੇ ਰਾਜਨੀਤਿਕ ਹਾਲਾਤ ਤੋਂ ਅਸੰਤੁਸ਼ਟ ਹਨ ਅਤੇ ਦੇਸ਼ ਵਿੱਚ ਵੱਡੇ ਬਦਲਾਅ ਦੀ ਮੰਗ ਕਰ ਰਹੇ ਹਨ।
ਸਰਵੇਖਣ ਅਨੁਸਾਰ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਜੌਬ ਅਪ੍ਰੂਵਲ ਰੇਟਿੰਗ ਆਪਣੇ ਸਭ ਤੋਂ ਹੇਠਲੇ ਪੱਧਰਾਂ ਦੇ ਨੇੜੇ ਹੈ। ਇਸ ਦੇ ਨਾਲ ਹੀ ਡੈਮੋਕ੍ਰੈਟਿਕ ਪਾਰਟੀ ਨੂੰ ਜਨਰਿਕ ਕਾਂਗਰੈਸ਼ਨਲ ਬੈਲਟ ਵਿੱਚ ਰਿਪਬਲਿਕਨ ਪਾਰਟੀ ਉੱਤੇ 7 ਅੰਕਾਂ ਦੀ ਬੜ੍ਹਤ ਮਿਲਦੀ ਦਿਖਾਈ ਗਈ ਹੈ, ਜੋ Fox News ਦੇ ਸਰਵੇਖਣਾਂ ਵਿੱਚ ਕਈ ਦਹਾਕਿਆਂ ਬਾਅਦ ਸਭ ਤੋਂ ਵੱਡੀ ਬੜ੍ਹਤ ਦੱਸੀ ਜਾ ਰਹੀ ਹੈ।
ਅਰਥਵਿਵਸਥਾ ਨੂੰ ਲੈ ਕੇ ਵੀ ਲੋਕਾਂ ਵਿੱਚ ਨਾਰਾਜ਼ਗੀ ਦਿਖਾਈ ਦਿੱਤੀ। ਸਰਵੇ ਮੁਤਾਬਕ ਮਹਿੰਗਾਈ, ਰੋਜ਼ਾਨਾ ਖਰਚੇ ਅਤੇ ਆਰਥਿਕ ਹਾਲਾਤ ਕਾਰਨ ਵੋਟਰਾਂ ਦੀ ਵੱਡੀ ਗਿਣਤੀ ਨਕਾਰਾਤਮਕ ਰਾਏ ਰੱਖਦੀ ਹੈ। ਲਗਭਗ 10 ਵਿੱਚੋਂ 4 ਵੋਟਰ ਦੇਸ਼ ਵਿੱਚ “ਨਾਟਕੀ” ਜਾਂ “ਕ੍ਰਾਂਤੀਕਾਰੀ” ਬਦਲਾਅ ਚਾਹੁੰਦੇ ਹਨ।
ਸਰਵੇ ਵਿੱਚ ਇਹ ਵੀ ਸਾਹਮਣੇ ਆਇਆ ਕਿ ਪਹਿਲਾਂ ਦੇ ਮੁਕਾਬਲੇ ਵੱਧ ਵੋਟਰ ਰਿਪਬਲਿਕਨ ਪਾਰਟੀ ਨੂੰ ਧਨਾਢ ਵਰਗ (Elites) ਨਾਲ ਜੁੜਿਆ ਹੋਇਆ ਮੰਨਦੇ ਹਨ। ਵਿਸ਼ਲੇਸ਼ਕਾਂ ਦਾ ਮੰਨਣਾ ਹੈ ਕਿ ਜੇਕਰ ਇਹ ਰੁਝਾਨ ਜਾਰੀ ਰਹਿੰਦਾ ਹੈ ਤਾਂ ਆਉਣ ਵਾਲੀਆਂ ਮੱਧ-ਅਵਧੀ (Midterm) ਚੋਣਾਂ ਵਿੱਚ ਰਿਪਬਲਿਕਨ ਪਾਰਟੀ ਲਈ ਚੁਣੌਤੀਆਂ ਵੱਧ ਸਕਦੀਆਂ ਹਨ।
