ਸਨਸਨੀਖੇਜ਼ : ਦਿੱਲੀ ’ਚ ਪਤਨੀ ਅਤੇ ਬੱਚਿਆਂ ਦੀ ਹੱਤਿਆ ਕਰਕੇ ਵਿਅਕਤੀ ਨੇ ਖੁਦਕੁਸ਼ੀ ਕੀਤੀ

136
Share

ਨਵੀਂ ਦਿੱਲੀ, 1 ਅਪ੍ਰੈਲ  (ਪੰਜਾਬ ਮੇਲ)- ਬੀਤੀ ਰਾਤ ਰੋਹਿਨੀ ਦੇ ਨਾਹਰਪੁਰ ’ਚ ਪਤਨੀ ਅਤੇ ਦੋ ਬੱਚਿਆਂ ਦੀ ਹੱਤਿਆ ਕਰਨ ਤੋਂ ਬਾਅਦ ਕਥਿਤ ਤੌਰ’ ਤੇ ਇਕ ਵਿਅਕਤੀ ਨੇ ਖੁਦਕੁਸ਼ੀ ਕਰ ਲਈ। ਪੁਲਿਸ ਦੀ ਜਾਂਚ ਚੱਲ ਰਹੀ ਹੈ। ਇਸ ਸਨਸਨੀਖੇਜ਼ ਘਟਨਾ ਤੋਂ ਬਾਅਦ ਰੋਹਿਨੀ ਜ਼ਿਲ੍ਹੇ ਦੇ ਡੀਸੀਪੀ, ਐਸਐਚਓ ਅਤੇ ਹੋਰ ਅਧਿਕਾਰੀ ਮੌਕੇ ਤੇ ਮੌਜੂਦ ਹਨ। ਫਿਲਹਾਲ ਪੁਲਿਸ ਨੂੰ ਮੌਕੇ ਤੋਂ ਕੋਈ ਸੁਸਾਈਡ ਨੋਟ ਨਹੀਂ ਮਿਲਿਆ ਹੈ। ਅਪਰਾਧ ਜਾਂਚ ਟੀਮ ਫੋਰੈਂਸਿਕ ਟੀਮ ਤੋਂ ਸਬੂਤ ਇਕੱਠੇ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ। ਦੱਸਿਆ ਗਿਆ ਹੈ ਕਿ ਮ੍ਰਿਤਕ ਧੀਰਜ ਯਾਦਵ ਡੀਟੀਸੀ ਬੱਸ ਦਾ ਡਰਾਈਵਰ ਸੀ। ਉਹ ਪਤਨੀ ਆਰਤੀ ਅਤੇ ਦੋ ਬੇਟੇ ਹਿਤੇਨ ਅਤੇ ਅਥਰਵਾ ਨਾਲ ਤਿੰਨ ਮੰਜ਼ਿਲਾ ਮਕਾਨ ਵਿਚ ਦੂਸਰੀ ਮੰਜ਼ਲ ਤੇ ਰਹਿੰਦਾ ਸੀ। ਪਹਿਲੀ ਮੰਜ਼ਿਲ ’ਤੇ ਉਸ ਦਾ ਭਰਾ ਨੀਰਜ ਆਪਣੀ ਪਤਨੀ ਅਤੇ ਦੋ ਬੱਚਿਆਂ ਨਾਲ ਰਹਿੰਦਾ ਸੀ। ਬਜ਼ੁਰਗ ਮਾਪੇ ਮਹਾ ਸਿੰਘ ਅਤੇ ਸੁਦੇਸ਼ ਰਾਣੀ ਸਭ ਤੋਂ ਹੇਠਲੀ ਮੰਜ਼ਲ ਤੇ ਰਹਿੰਦੇ ਸਨ। ਪਿਤਾ ਮਹਾਂ ਸਿੰਘ ਹਰ ਰੋਜ਼ ਸਵੇਰੇ ਨੀਂਦ ਤੋਂ ਧੀਰਜ ਨੂੰ ਜਗਾਉਂਦੇ ਸਨ ਜਦੋਂ ਉਹ ਵੀਰਵਾਰ ਦੀ ਸਵੇਰ ਤੀਜੀ ਮੰਜ਼ਲ ’ਤੇ ਪਹੁੰਚਿਆ ਤਾਂ ਉਸਨੇ ਦੇਖਿਆ ਕਿ ਬੇਟੇ ਦੀ ਲਾਸ਼ ਲਟਕ ਰਹੀ ਸੀ ਅਤੇ ਨੂੰਹ ਦਾ ਗਲਾ ਕੱਟਿਆ ਹੋਇਆ ਸੀ। ਇਹ ਵੇਖਦਿਆਂ ਉਸ ਦੇ ਪੈਰਾਂ ਹੇਠੋਂ ਜ਼ਮੀਨ ਖਿਸਕ ਗਈ। ਮਹਾ ਸਿੰਘ ਨੇ ਪਰਿਵਾਰ ਨੂੰ ਜਾਣੂ ਕਰਵਾਇਆ ਅਤੇ ਪੁਲਿਸ ਨੂੰ ਸੂਚਿਤ ਕੀਤਾ, ਜਿਸ ਤੋਂ ਬਾਅਦ ਅਧਿਕਾਰੀ ਮੌਕੇ ’ਤੇ ਪਹੁੰਚੇ।


Share