ਬਾਇਡਨ ਪ੍ਰਸ਼ਾਸਨ ਅਮਰੀਕਾ-ਮੈਕਸੀਕੋ ਸਰਹੱਦ ’ਤੇ ਸ਼ਰਨ ਲੈਣ ਵਾਲਿਆਂ ਲਈ ਖਤਮ ਕਰੇਗਾ ਪਾਬੰਦੀਆਂ

68
Share

– 17 ਲੱਖ ਤੋਂ ਜ਼ਿਆਦਾ ਸ਼ਰਨ ਮਾਮਲਿਆਂ ’ਚ ਬੈਕਲਾਗ ’ਚ ਫਸਿਆ
– 23 ਮਈ ਨੂੰ ਪਾਬੰਦੀਆਂ ਖ਼ਤਮ ਹੋਣ ਦੇ ਨਾਲ ਹੀ ਸਰਹੱਦ ਪਾਰ ਪ੍ਰਵਾਸ ’ਚ ਸੰਭਾਵਿਤ ਵਾਧੇ ਦਾ ਕਰਨਾ ਪੈ ਰਿਹੈ ਸਾਹਮਣਾ
ਵਾਸ਼ਿੰਗਟਨ, 6 ਅਪ੍ਰੈਲ (ਪੰਜਾਬ ਮੇਲ)- ਇਕ ਅਮਰੀਕੀ ਰਾਸ਼ਟਰਪਤੀ ਨੇ ਅਮਰੀਕਾ-ਮੈਕਸੀਕੋ ਦੀ ਸਰਹੱਦ ’ਤੇ ਸ਼ਰਨ ਚਾਹੁਣ ਵਾਲਿਆਂ ’ਤੇ ਜਨਤਕ ਸਿਹਤ ਦੇ ਆਧਾਰ ’ਤੇ ਪਾਬੰਦੀ ਲਾਈ ਸਨ, ਜੋ ਇਮੀਗ੍ਰੇਸ਼ਨ ਨੂੰ ਪੂਰੀ ਤਰ੍ਹਾਂ ਨਾਲ ਪਾਬੰਦੀਸ਼ੁਦਾ ਕਰਨਾ ਚਾਹੁੰਦੇ ਸਨ ਪਰ ਹੁਣ ਇਸ ਨੂੰ ਜਲਦ ਹੀ ਦੂਜੇ ਰਾਸ਼ਟਰਪਤੀ ਦੁਆਰਾ ਖ਼ਤਮ ਕੀਤਾ ਜਾਵੇਗਾ, ਜੋ ਪ੍ਰਵਾਸੀਆਂ ਦਾ ਸਵਾਗਤ ਕਰਨ ਲਈ ਆਪਣੀ ਹੀ ਪਾਰਟੀ ਦੇ ਅੰਦਰੋਂ ਵਧਦੇ ਦਬਾਅ ਦਾ ਸਾਹਮਣਾ ਕਰ ਰਹੇ ਹਨ।
ਰਾਸ਼ਟਰਪਤੀ ਜੋਅ ਬਾਇਡਨ ਲਈ ਅੱਗੇ ਦਾ ਰਸਤਾ ਨਿਰਵਿਘਨ ਨਹੀਂ ਹੈ। 23 ਮਈ ਨੂੰ ਪਾਬੰਦੀਆਂ ਖ਼ਤਮ ਹੋਣ ਦੇ ਨਾਲ ਹੀ, ਉਨ੍ਹਾਂ ਨੂੰ ਸਰਹੱਦ ਪਾਰ ਪ੍ਰਵਾਸ ’ਚ ਸੰਭਾਵਿਤ ਵਾਧੇ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ, ਜੋ ਪ੍ਰਵਾਸੀਆਂ ਦੀ ਵੱਡੀ ਗਿਣਤੀ ਆਮਦ ਨੂੰ ਪਾਬੰਦੀਸ਼ੁਦਾ ਕਰਨ ’ਚ ਅਸਮਰਥ ਹੈ ਅਤੇ 17 ਲੱਖ ਤੋਂ ਜ਼ਿਆਦਾ ਸ਼ਰਨ ਮਾਮਲਿਆਂ ’ਚ ਬੈਕਲਾਗ ’ਚ ਫਸਿਆ ਹੈ। ਰਿਪਬਲਿਕਨ ਪਹਿਲਾਂ ਤੋਂ ਹੀ ਅਸਥਾਈ ਸਰਹੱਦ ਸੁਵਿਧਾਵਾਂ ’ਚ ਫਸੇ ਹਜ਼ਾਰਾਂ ਲੋਕਾਂ ਲਈ ਬਾਇਡਨ ਨੂੰ ਦੋਸ਼ੀ ਠਹਿਰਾਉਣਾ ਚਾਹੁੰਦੇ ਹਨ, ਤਾਂ ਕਿ ਇਸ ਨਾਲ ਉਨ੍ਹਾਂ ਦਾ ਅਕਸ ਖ਼ਰਾਬ ਹੋਵੇ।
‘ਸੈਂਟਰ ਫ਼ਾਰ ਡਿਜੀਜ਼ ਕੰਟਰੋਲ ਐਂਡ ਪ੍ਰੀਵੈਂਸ਼ਨ’ ਨੇ ਸ਼ੁੱਕਰਵਾਰ ਨੂੰ ਐਲਾਨ ਕੀਤਾ ਸੀ ਕਿ ਉਹ ਸ਼ਰਨ ’ਤੇ ਅਗਲੇ ਮਹੀਨੇ ਤੋਂ ਪਾਬੰਦੀ ਹਟਾ ਲਵੇਗਾ। ਕਈ ਡੈਮੋਕ੍ਰੇਟ ਨੇਤਾ ਅਤੇ ਇਮੀਗ੍ਰੇਸ਼ਨ ਦੇ ਹਮਾਇਤੀ ਇਸ ਨੂੰ ਸਿਰਫ਼ ਸਰਹੱਦ ’ਤੇ ਸ਼ਰਨ ਮੰਗਣ ਵਾਲਿਆਂ ਨੂੰ ਸੁਰੱਖਿਅਤ ਸਥਾਨ ਪ੍ਰਦਾਨ ਕਰਨ ਤੋਂ ਬਚਣ ਨੂੰ ਅਮਰੀਕਾ ਵੱਲੋਂ ਆਪਣੇ ਨੈਤਿਕ ਅਤੇ ਕਾਨੂੰਨੀ ਜ਼ਿੰਮੇਵਾਰੀਆਂ ਤੋਂ ਪਿੱਛਾ ਛਡਾਉਣ ਤੋਂ ਜ਼ਿਆਦਾ ਕੁਝ ਨਹੀਂ ਮੰਨਦੇ।

Share