ਫਾਂਸੀ ਤੋਂ ਬਚਣ ਲਈ ਹਰ ਕਾਨੂੰਨੀ ਦਾਅ ਦਾ ਇਸਤੇਮਾਲ ਕਰ ਰਹੇ ਨਿਰਭਿਆ ਦੇ ਦੋਸ਼ੀ

341
Share

ਨਵੀਂ ਦਿੱਲੀ, 16 ਮਾਰਚ (ਪੰਜਾਬ ਮੇਲ)- ਨਿਰਭਿਆ ਦੇ ਦੋਸ਼ੀਆਂ ਨੂੰ 20 ਮਾਰਚ ਨੂੰ ਫਾਂਸੀ ਦਿੱਤੀ ਜਾਵੇਗੀ। ਇਸ ਤੋਂ ਪਹਿਲਾਂ ਇਹ ਦੋਸ਼ੀ ਫਾਂਸੀ ਤੋਂ ਬਚਣ ਲਈ ਹਰ ਕਾਨੂੰਨੀ ਦਾਅ ਦਾ ਇਸਤੇਮਾਲ ਕਰ ਰਹੇ ਹਨ। ਚਾਰ ਵਿੱਚੋਂ ਤਿੰਨ ਦੋਸ਼ਿਆਂ ਅਕਸ਼ੈ, ਪਵਨ ਤੇ ਵਿਨੈ ਨੇ ਇੰਟਰਨੈਸ਼ਨਲ ਕੋਰਟ ਆਫ਼ ਜਸਟਿਸ (ਆਈਸੀਜੇ) ਦਾ ਰੁਖ ਕੀਤਾ ਹੈ ਤੇ ਫਾਂਸੀ ਦੀ ਸਜ਼ਾ ਦੀ ਸਜ਼ਾ ‘ਤੇ ਰੋਕ ਲਾਏ ਜਾਣ ਦੀ ਮੰਗ ਕੀਤੀ ਹੈ।

ਇਸ ਤੋਂ ਪਹਿਲਾਂ ਅੱਜ ਸੁਪਰੀਮ ਕੋਰਟ ਨੇ ਦੋਸ਼ੀ ਮੁਕੇਸ਼ ਸਿੰਘ ਦੀ ਉਸ ਪਟੀਸ਼ਨ ਨੂੰ ਖਾਰਜ ਕਰ ਦਿੱਤਾ ਜਿਸ ਵਿੱਚ ਉਸ ਨੇ ਆਪਣੇ ਸਾਰੇ ਕਾਨੂੰਨੀ ਉਪਚਾਰਾਂ ਨੂੰ ਬਹਾਲ ਕਰਨ ਦੀ ਬੇਨਤੀ ਕਰਦਿਆਂ ਕਿਹਾ ਸੀ ਕਿ ਉਸ ਦੇ ਪੁਰਾਣੇ ਵਕੀਲ ਨੇ ਉਸ ਨੂੰ ਗੁੰਮਰਾਹ ਕੀਤਾ ਸੀ। ਸੁਪਰੀਮ ਕੋਰਟ ਨੇ ਕਿਹਾ ਕਿ ਨਿਰਭਿਆ ਕੇਸ ‘ਚ ਦੋਸ਼ੀ ਮੁਕੇਸ਼ ਸਿੰਘ ਦੀ ਅਪੀਲ ਸਾਰੇ ਕਾਨੂੰਨੀ ਉਪਾਅ ਮੁੜ ਬਹਾਲ ਕਰਨ ਦੀ ਬੇਨਤੀ ਗੱਲਬਾਤ ਯੋਗ ਨਹੀਂ।

ਇਸ ਦੇ ਨਾਲ ਹੀ ਨਿਰਭਿਯਾ ਦੀ ਮਾਂ ਆਸ਼ਾ ਦੇਵੀ ਨੇ ਕਿਹਾ ਕਿ ਅਦਾਲਤਾਂ ਨੂੰ ਪਤਾ ਹੈ ਕਿ ਕਿਵੇਂ ਫਾਂਸੀ ਨੂੰ ਵਾਰ-ਵਾਰ ਅੱਗੇ ਕੀਤਾ ਜਾ ਸਕਦਾ ਹੈ, ਇਹ ਚੌਥਾ ਮੌਤ ਵਾਰੰਟ ਹੈ। ਹੁਣ ਉਸ ਕੋਲ ਕੋਈ ਉਪਚਾਰ ਨਹੀਂ ਬਚਿਆ, ਇਸ ਲਈ ਮੈਨੂੰ ਪੂਰਾ ਯਕੀਨ ਹੈ ਕਿ ਉਨ੍ਹਾਂ ਸਭ ਨੂੰ 20 ਮਾਰਚ ਨੂੰ ਫਾਂਸੀ ਦਿੱਤੀ ਜਾਵੇਗੀ ਤੇ ਉਸ ਨੂੰ ਤੇ ਨਿਰਭਿਆ ਨੂੰ ਇਨਸਾਫ ਜ਼ਰੂਰ ਮਿਲੇਗਾ। ਦੱਸ ਦੇਈਏ ਕਿ ਸਾਲ 2012 ਦੇ ਨਿਰਭਿਆ ਮਾਮਲੇ ‘ਚ ਦੋਸ਼ੀਆਂ ਨੂੰ 20 ਮਾਰਚ ਨੂੰ ਸਵੇਰੇ 5:30 ਵਜੇ ਫਾਂਸੀ ਦਿੱਤੀ ਜਾਵੇਗੀ।


Share