ਕੈਲੇਫੋਰਨੀਆ ’ਚ ਵੈਕਸੀਨ ਜੈਕਪਾਟ ਦੇ 10 ਜੇਤੂਆਂ ਦਾ ਐਲਾਨ

195
Share

-ਹਰੇਕ ਜੇਤੂ ਨੂੰ ਮਿਲਣਗੇ 15 ਲੱਖ ਰੁਪਏ
ਲਾਸ ਏਂਜਲਸ, 16 ਜੂਨ (ਪੰਜਾਬ ਮੇਲ)- ਕੈਲੀਫੋਰਨੀਆ ’ਚ ਵੈਕਸੀਨ ਲਾਟਰੀ ਦੇ ਦਸ ਜੇਤੂਆਂ ਦੇ ਨਾਵਾਂ ਦਾ ਐਲਾਨ ਕੀਤਾ ਗਿਆ ਹੈ। ਵੈਕਸੀਨ ਜੈਕਪਾਟ ਰਾਹੀਂ ਐਲਾਨੇ ਗਏ ਹਰੇਕ ਜੇਤੂ ਨੂੰ 15 ਲੱਖ ਰੁਪਏ ਦੀ ਇਨਾਮੀ ਰਾਸ਼ੀ ਦਿੱਤੀ ਜਾਵੇਗੀ। ਸੂਬੇ ਵਿਚ ਕੋਰੋਨਾ ਵਾਇਰਸ ਸਬੰਧੀ ਸਖ਼ਤੀ ਨੂੰ ਖ਼ਤਮ ਕਰਨ ਲਈ, ਰਾਜਪਾਲ ਗੋਵਿਨ ਨਿਊਸਮ ਨੇ ਮੰਗਲਵਾਰ ਨੂੰ ਯੂਨੀਵਰਸਲ ਸਟੂਡੀਓਜ਼ ’ਚ ਵੈਕਸੀਨ ਦੀ ਖੁਰਾਕ ਲੈ ਚੁੱਕੇ ਕੈਲੀਫੋਰਨੀਆ ਦੇ 10 ਲੋਕਾਂ ਨੂੰ, ਇਨਾਮ ਦੇਣ ਦਾ ਐਲਾਨ ਕੀਤਾ। ਦਰਅਸਲ, ਟੀਕਾਕਰਨ ਲਈ ਲੋਕਾਂ ਨੂੰ ਉਤਸ਼ਾਹਤ ਕਰਨ ਲਈ, ਇਥੇ ਵੈਕਸੀਨ ਲੈਣ ਤੋਂ ਬਾਅਦ ਇਨਾਮ ਦੇਣ ਦਾ ਇਕ ਪ੍ਰੋਗਰਾਮ ‘ਵੈਕਸ ਫਾਰ ਦ ਵਿਨ’ ਚਲਾਇਆ ਗਿਆ ਸੀ।
ਲਾਸ ਏਂਜਲਸ ’ਚ ਨਰਸ ਕੋਰਡੋਵਾ ਸੂਬੇ ਦੀ ਪਹਿਲੀ ਨਾਗਰਿਕ ਹੈ, ਜਿਸਨੇ ਪਿਛਲੇ ਸਾਲ ਦਸੰਬਰ ਵਿਚ ਕੋਰੋਨਾ ਵੈਕਸੀਨ ਦੀ ਇਕ ਖੁਰਾਕ ਪ੍ਰਾਪਤ ਕੀਤੀ ਸੀ। ਉਸਨੇ ਕਿਹਾ ਕਿ ਇਹ ਉਸਦੇ ਕਰੀਅਰ ਦਾ ਸਭ ਤੋਂ ਬੁਰਾ ਪੜਾਅ ਹੈ, ਜਦੋਂ ਉਸਨੂੰ ਬਹੁਤ ਸਾਰੀਆਂ ਮੌਤਾਂ ਦਾ ਸਾਹਮਣਾ ਕਰਨਾ ਪਿਆ। 22 ਮਿਲੀਅਨ ਲੋਕਾਂ ਵਿਚੋਂ 10 ਜੇਤੂਆਂ ਦੇ ਨਾਵਾਂ ਦੀ ਘੋਸ਼ਣਾ ਕੀਤੀ ਗਈ ਸੀ, ਜਿਨ੍ਹਾਂ ਨੂੰ ਵੈਕਸੀਨ ਦੀ ਘੱਟੋ-ਘੱਟ ਇਕ ਖੁਰਾਕ ਮਿਲੀ ਹੈ। ਦੱਸ ਦੇਈਏ ਕਿ ਸਾਲ 2019 ਦੇ ਅੰਤ ਵਿਚ, ਚੀਨ ਦੇ ਵੁਹਾਨ ਵਿਚ ਕੋਰੋਨਾਵਾਇਰਸ ਦਾ ਪਹਿਲਾ ਕੇਸ ਸਾਹਮਣੇ ਆਇਆ ਸੀ। ਦੋ-ਤਿੰਨ ਮਹੀਨਿਆਂ ਬਾਅਦ, 11 ਮਾਰਚ ਨੂੰ, ਵਿਸ਼ਵ ਸਿਹਤ ਸੰਗਠਨ ਨੇ ਇਸ ਨੂੰ ਮਹਾਮਾਰੀ ਘੋਸ਼ਿਤ ਕੀਤਾ। ਅਮਰੀਕਾ ਕੋਰੋਨਾਵਾਰਇਸ ਕਾਰਨ ਸਭ ਤੋਂ ਭੈੜੀ ਸਥਿਤੀ ਵਿਚ ਸੀ।
ਕੈਲੀਫੋਰਨੀਆ ’ਚ ਪੂਰੀ ਤਰ੍ਹਾਂ ਪਾਬੰਦੀਆਂ ਹਟਾਏ ਜਾਣ ਤੋਂ ਪਹਿਲਾਂ ਵਧ ਤੋਂ ਵਧ ਲੋਕਾਂ ਨੂੰ ਵੈਕਸੀਨ ਲਗਾਉਣ ਲਈ ਅਜਿਹੇ ਪ੍ਰੋਗਰਾਮ ਚੱਲਦੇ ਰਹਿਣਗੇ। ਕੈਲੀਫੋਰਨੀਆ ਕੋਈ ਵੈਕਸੀਨ ਬਦਲੇ ਇਨਾਮ ਦੀ ਰਕਮ ਦਾ ਐਲਾਨ ਕਰਨ ਵਾਲਾ ਪਹਿਲਾ ਸੂਬਾ ਨਹੀਂ ਹੈ। ਓਹਾਇਓ ਵਿਚ ਇਕ ‘ਵੈਕਸ-ਏ-ਮਿਲੀਅਨ’ ਮੁਕਾਬਲਾ ਵੀ ਹੋਇਆ ਅਤੇ 10 ਜੇਤੂਆਂ ਨੂੰ ਸਨਮਾਨਤ ਕੀਤਾ ਗਿਆ। ਇਸ ਤੋਂ ਇਲਾਵਾ, ਕੋਲੋਰਾਡੋ ਅਤੇ ਓਰੇਗਨ ਨੇ ਵੀ ਇਕ ਮਿਲੀਅਨ ਡਾਲਰ ਦਾ ਇਨਾਮ ਦੇਣ ਦਾ ਐਲਾਨ ਕੀਤਾ ਹੈ। ਇਹ ਧਿਆਨਦੇਣ ਯੋਗ ਹੈ ਕਿ ਦੁਨੀਆਂ ਦੇ ਬਹੁਤੇ ਦੇਸ਼ਾਂ ਵਿਚ ਲੋਕ ਕੋਰੋਨਾ ਵੈਕਸੀਨ ਦੀ ਖੁਰਾਕ ਲੈਣ ਤੋਂ ਝਿਜਕਦੇ ਹਨ।


Share