ਅਮਰੀਕਾ ਵੱਲੋਂ ਚੀਨ-ਪਾਕਿਸਤਾਨ ਸਮੇਤ ਕਈ ਦੇਸ਼ਾਂ ਦੀਆਂ 36 ਕੰਪਨੀਆਂ ਬਲੈਕਲਿਸਟ

52
Share

ਵਾਸ਼ਿੰਗਟਨ, 30 ਜੂਨ (ਪੰਜਾਬ ਮੇਲ)- ਯੂਕਰੇਨ-ਰੂਸ ਜੰਗ ਦੌਰਾਨ ਰੂਸ ਦਾ ਸਮਰਥਨ ਕਰਨ ਲਈ ਅਮਰੀਕਾ ਨੇ ਚੀਨ ਅਤੇ ਪਾਕਿਸਤਾਨ ਸਮੇਤ ਕਈ ਦੇਸ਼ਾਂ ਦੀਆਂ 36 ਤੋਂ ਵੱਧ ਕੰਪਨੀਆਂ ਨੂੰ ਬਲੈਕਲਿਸਟ ਕੀਤਾ ਹੈ।
ਜੋਅ ਬਾਇਡਨ ਦੇ ਪ੍ਰਸ਼ਾਸਨ ਨੇ ਇਹ ਕਦਮ ਉਦੋਂ ਚੁੱਕਿਆ ਹੈ, ਜਦੋਂ ਉਹ ਰੂਸ ਦੇ ਫੌਜੀ ਅਤੇ ਉਦਯੋਗਿਕ ਕਾਰਜਾਂ ਦਾ ਸਮਰਥਨ ਕਰਦਾ ਹੈ। ਇਨ੍ਹਾਂ ਵਿਚ ਪੰਜ ਚੀਨੀ ਕੰਪਨੀਆਂ ਸ਼ਾਮਲ ਹਨ, ਜਿਨ੍ਹਾਂ ਨੇ ਰੂਸੀ ਫੌਜੀ ਅਤੇ ਰੱਖਿਆ ਪ੍ਰਣਾਲੀਆਂ ਨੂੰ ਸਹਾਇਤਾ ਪ੍ਰਦਾਨ ਕੀਤੀ ਸੀ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਅਮਰੀਕਾ ਵੱਲੋਂ ਜਿਨ੍ਹਾਂ ਕੰਪਨੀਆਂ ਨੂੰ ਬਲੈਕਲਿਸਟ ਕੀਤਾ ਗਿਆ ਹੈ, ਉਨ੍ਹਾਂ ਵਿਚ ਰੂਸ, ਸੰਯੁਕਤ ਅਰਬ ਅਮੀਰਾਤ, ਲਿਥੁਆਨੀਆ, ਪਾਕਿਸਤਾਨ, ਸਿੰਗਾਪੁਰ, ਯੂ.ਕੇ., ਉਜ਼ਬੇਕਿਸਤਾਨ, ਵੀਅਤਨਾਮ ਆਦਿ ਦੇਸ਼ਾਂ ਦੀਆਂ ਕੰਪਨੀਆਂ ਸ਼ਾਮਲ ਹਨ। ਇਨ੍ਹਾਂ 36 ਕੰਪਨੀਆਂ ਵਿਚੋਂ 25 ਨੇ ਆਪਣੇ ਸੰਚਾਲਨ ਚੀਨ ਵਿਚ ਕੀਤੇ ਸਨ। ਅਮਰੀਕਾ ਨੇ ਕਿਹਾ ਕਿ ਪਾਬੰਦੀਆਂ ਲੱਗਣ ਤੋਂ ਬਾਅਦ ਵੀ ਇਨ੍ਹਾਂ ਕੰਪਨੀਆਂ ਨੇ ਰੂਸ ਨਾਲ ਸਮਝੌਤਾ ਕਰਨਾ ਅਤੇ ਮਾਲ ਦੀ ਸਪਲਾਈ ਜਾਰੀ ਰੱਖੀ ਹੈ। ਇਹ ਉਨ੍ਹਾਂ ਕੰਪਨੀਆਂ ਅਤੇ ਦੇਸ਼ਾਂ ਲਈ ਸਖ਼ਤ ਸੰਦੇਸ਼ ਹੈ ਕਿ ਜੋ ਰੂਸ ਦਾ ਸਮਰਥਨ ਕਰਨਗੇ, ਅਮਰੀਕਾ ਉਸ ਨੂੰ ਬਾਕੀ ਦੁਨੀਆਂ ਨਾਲੋਂ ਕੱਟ ਦੇਵੇਗਾ। ਤਿੰਨ ਚੀਨੀ ਕੰਪਨੀਆਂ ਕੋਨੇਕ ਇਲੈਕਟ੍ਰਾਨਿਕ ਲਿਮਟਿਡ, ਹਾਂਗਕਾਂਗ ਸਥਿਤ ਵਰਲਡ ਜੇਟਾ ਅਤੇ ਲੌਜਿਸਟਿਕਸ ਲਿਮਟਿਡ ’ਤੇ ਰੂਸੀ ਫੌਜ ਦੀ ਮਦਦ ਕਰਨ ਦਾ ਦੋਸ਼ ਹੈ।

Share