PUNJABMAILUSA.COM

ਹਿਲੇਰੀ ਨਾਲ ਬਹਿਸ ਦੌਰਾਨ ਟਰੰਪ ਚਾਰੋ ਖਾਨੇ ਚਿੱਤ

ਹਿਲੇਰੀ ਨਾਲ ਬਹਿਸ ਦੌਰਾਨ ਟਰੰਪ ਚਾਰੋ ਖਾਨੇ ਚਿੱਤ

ਹਿਲੇਰੀ ਨਾਲ ਬਹਿਸ ਦੌਰਾਨ ਟਰੰਪ ਚਾਰੋ ਖਾਨੇ ਚਿੱਤ
September 28
10:34 2016

* ਹਿਲੇਰੀ ਨੂੰ ਮਿਲਿਆ ਭਾਰੀ ਸਮਰਥਨ
* ਟਰੰਪ ਦੇ ਸਵਾਲਾਂ ਦਾ ਦਿੱਤਾ ਠੋਕਵਾਂ ਜਵਾਬ
* 8 ਨਵੰਬਰ ਨੂੰ ਹੋਣ ਜਾ ਰਹੀਆਂ ਨੇ ਰਾਸ਼ਟਰਪਤੀ ਚੋਣਾਂ

trump-hillaryਹੈਂਪਸਟੱਡ, 28 ਸਤੰਬਰ (ਪੰਜਾਬ ਮੇਲ)- ਅਮਰੀਕੀ ਰਾਸ਼ਟਰਪਤੀ ਅਹੁਦੇ ਦੀ ਚੋਣ ਤੋਂ ਪਹਿਲਾਂ ਹਿਲੇਰੀ ਕਲਿੰਟਨ (68) ਅਤੇ ਡੋਨਲਡ ਟਰੰਪ (70) ਵਿਚਕਾਰ ਹੋਈ ਪਹਿਲੀ ਬਹਿਸ ਦੌਰਾਨ ਵੱਖ-ਵੱਖ ਮੁੱਦਿਆਂ ਨੂੰ ਲੈ ਕੇ ਦੋਵੇਂ ਉਮੀਦਵਾਰ ਮਿਹਣੋ-ਮਿਹਣੀ ਹੋਏ। ਹਿਲੇਰੀ ਦੀਆਂ ਦਲੀਲਾਂ ਅਤੇ ਠਰ੍ਹੰਮੇ ਨਾਲ ਦਿੱਤੇ ਜਵਾਬਾਂ ਨਾਲ ਟਰੰਪ ਬਹਿਸ ‘ਚ ਚਾਰੋ ਖਾਨੇ ਚਿੱਤ ਹੋ ਗਏ। ਲੱਖਾਂ ਅਮਰੀਕੀਆਂ ਨੇ ਕਰੀਬ ਡੇਢ ਘੰਟੇ ਦੀ ਬਹਿਸ ਨੂੰ ਦੇਖਿਆ ਅਤੇ ਨਸਲਵਾਦ, ਦਹਿਸ਼ਤਗਰਦੀ ਬਾਰੇ ਦੋਹਾਂ ਆਗੂਆਂ ਨੂੰ ਜਾਣਨ ਦੇ ਨਾਲ ਉਨ੍ਹਾਂ ਦੇ ਮਿਜ਼ਾਜ ਨੂੰ ਵੀ ਜਾਣਿਆ। ਬਹਿਸ ਦੀ ਸ਼ੁਰੂਆਤ ‘ਚ ਭਾਵੇਂ ਟਰੰਪ ਭਾਰੂ ਹੁੰਦੇ ਦਿਖਾਈ ਦਿੱਤੇ ਪਰ ਬਾਅਦ ‘ਚ ਉਹ ਆਪਣੀਆਂ ਬੇਤੁਕੀਆਂ ਦਲੀਲਾਂ ਦੇ ਜਾਲ ‘ਚ ਫਸ ਗਏ ਅਤੇ ਫਿਰ ਹਿਲੇਰੀ ਕਲਿੰਟਨ ਨੇ ਮੇਲਾ ਲੁੱਟ ਲਿਆ। ਟੀ.ਵੀ. ‘ਤੇ ਹੋਣ ਵਾਲੀਆਂ ਤਿੰਨ ਬਹਿਸਾਂ ‘ਚੋਂ ਪਹਿਲੀ ਬਹਿਸ ਦੌਰਾਨ ਕੋਈ ਫ਼ੈਸਲਾ ਨਾ ਲੈ ਸਕਣ ਵਾਲੇ ਵੋਟਰਾਂ ਨੂੰ ਲੁਭਾਉਣ ਲਈ ਹਰ ਹਰਬਾ ਵਰਤਿਆ ਗਿਆ। ਹਿਲੇਰੀ ਨੇ ਦ੍ਰਿੜ੍ਹਤਾ ਨਾਲ ਮੌਜੂਦਾ ਅਮਰੀਕੀ ਰਾਸ਼ਟਰਪਤੀ ਬਰਾਕ ਓਬਾਮਾ ਦੀਆਂ ਨੀਤੀਆਂ ਦਾ ਵੀ ਬਚਾਅ ਕੀਤਾ।
ਆਪਣੇ ਚੋਣ ਪ੍ਰਚਾਰ ਦੌਰਾਨ ਸਾਬਕਾ ਵਿਦੇਸ਼ ਮੰਤਰੀ ਹਿਲੇਰੀ ਅਤੇ ਰਿਐਲਟੀ ਟੀ.ਵੀ. ਸਟਾਰ ਟਰੰਪ ਇਕ-ਦੂਜੇ ਖ਼ਿਲਾਫ਼ ਜ਼ਹਿਰ ਉਗਲਦੇ ਰਹੇ ਸਨ ਪਰ 8 ਨਵੰਬਰ ਨੂੰ ਹੋਣ ਜਾ ਰਹੀ ਵੋਟਿੰਗ ਤੋਂ ਪਹਿਲਾਂ ਇਹ ਪਹਿਲੀ ਵਾਰੀ ਸੀ, ਜਦੋਂ ਦੋਵੇਂ ਆਗੂ ਆਹਮੋ-ਸਾਹਮਣੇ ਆਏ ਅਤੇ ਉਨ੍ਹਾਂ ਇਕ-ਦੂਜੇ ਦੀਆਂ ਨੀਤੀਆਂ ਨੂੰ ਭੰਡਦਿਆਂ ਨਿੱਜੀ ਹਮਲੇ ਵੀ ਕੀਤੇ।
ਸੀ.ਐੱਨ.ਐੱਨ./ਓ.ਆਰ.ਸੀ. ਸਰਵੇਖਣ ‘ਚ ਹਿਲੇਰੀ ਨੂੰ 62 ਫ਼ੀਸਦੀ ਵੋਟਰਾਂ ਦੀ ਹਮਾਇਤ ਦਰਸਾਉਂਦਿਆਂ ਸਪੱਸ਼ਟ ਜੇਤੂ ਐਲਾਨਿਆ ਗਿਆ ਹੈ, ਜਦਕਿ ਟਰੰਪ ਨੂੰ ਮਹਿਜ਼ 27 ਫ਼ੀਸਦੀ ਵੋਟਰਾਂ ਨੇ ਹਮਾਇਤ ਦਿੱਤੀ। ਰੀਅਲ ਐਸਟੇਟ ਦੇ ਸਭ ਤੋਂ ਵੱਡੇ ਕਾਰੋਬਾਰੀ ਅਤੇ ਵਿਵਾਦਤ ਆਗੂ ਟਰੰਪ ਨੇ ਹਿਲੇਰੀ ਨੂੰ ਪਿੱਛੇ ਜਿਹੇ ਹੋਏ ਨਮੂਨੀਏ ‘ਤੇ ਤਨਜ਼ ਕਸਦਿਆਂ ਉਸ ਦੇ ਦਮ-ਖ਼ਮ ‘ਤੇ ਹੀ ਸਵਾਲ ਖੜ੍ਹੇ ਕਰ ਦਿੱਤੇ। ਹਿਲੇਰੀ ਕਲਿੰਟਨ ਪੂਰੀ ਬਹਿਸ ਦੌਰਾਨ ਟਰੰਪ ਦੇ ਹਰ ਸਵਾਲ ਦਾ ਮੂੰਹ ਤੋੜਵਾਂ ਜਵਾਬ ਦਿੰਦੀ ਰਹੀ ਅਤੇ ਟਰੰਪ ਦੇ ਮਿਜ਼ਾਜ ਰਾਹੀਂ ਉਸ ਨੂੰ ਰੱਖਿਆਤਮਕ ਅੰਦਾਜ਼ ‘ਚ ਲੈ ਆਂਦਾ। ਉਸ ਨੇ ਟਰੰਪ ਦੇ ਟੈਕਸ ਭਰਨ ਦੀ ਜਾਣਕਾਰੀ ਸਾਂਝਿਆ ਨਾ ਕਰਨ, ਨਸਲੀ ਅਤੇ ਮਹਿਲਾਵਾਂ ਖ਼ਿਲਾਫ਼ ਕੀਤੀਆਂ ਗਈਆਂ ਟਿੱਪਣੀਆਂ ਨੂੰ ਜ਼ੋਰਦਾਰ ਢੰਗ ਨਾਲ ਉਠਾਇਆ।
ਹਿਲੇਰੀ ਦੇ ਦਮ-ਖ਼ਮ (ਸਟੈਮਿਨਾ) ਬਾਰੇ ਟਰੰਪ ਨੇ ਕਿਹਾ, ”ਉਸ ਦੀ ਦਿੱਖ ਚੰਗੀ ਨਹੀਂ ਹੈ। ਉਸ ਕੋਲ ਦਮ-ਖ਼ਮ ਵੀ ਨਹੀਂ ਹੈ। ਇਸ ਮੁਲਕ ਦਾ ਰਾਸ਼ਟਰਪਤੀ ਬਣਨ ਲਈ ਤੁਹਾਡੇ ਕੋਲ ਚੰਗਾ ਦਮ-ਖ਼ਮ ਹੋਣਾ ਚਾਹੀਦਾ ਹੈ।” ਹਿਲੇਰੀ ਨੇ ਇਸ ਦਾ ਠੋਕਵਾਂ ਜਵਾਬ ਦਿੰਦਿਆਂ ਕਿਹਾ, ”ਤੁਸੀਂ ਜਦੋਂ 112 ਮੁਲਕਾਂ ‘ਚ ਜਾਓਗੇ ਅਤੇ ਸ਼ਾਂਤੀ ਸਮਝੌਤੇ, ਗੋਲੀਬੰਦੀ ਜਾਂ ਨਾਰਾਜ਼ਗੀ ਨੂੰ ਝੱਲੋਗੇ ਜਾਂ ਕਾਂਗਰਸ ਕਮੇਟੀ ਮੂਹਰੇ 11 ਘੰਟਿਆਂ ਤੱਕ ਆਪਣੀ ਹਾਜ਼ਰੀ ਭਰੋਗੇ, ਤਾਂ ਹੀ ਤੁਸੀਂ ਮੇਰੇ ਨਾਲ ਸਟੈਮਿਨਾ ਬਾਰੇ ਗੱਲ ਕਰ ਸਕਦੇ ਹੋ।”
ਟਰੰਪ ਨੇ ਕਿਹਾ ਕਿ ਉਹ ਆਪਣੀਆਂ ਟੈਕਸ ਰਿਟਰਨਾਂ ਤਾਂ ਹੀ ਜਾਰੀ ਕਰੇਗਾ ਜੇਕਰ ਹਿਲੇਰੀ ਵੱਲੋਂ ਹਟਾਈਆਂ ਗਈਆਂ 33 ਹਜ਼ਾਰ ਈਮੇਲ ਨੂੰ ਉਹ ਜਨਤਕ ਕਰੇਗੀ। ਹਿਲੇਰੀ ਨੇ ਨਿੱਜੀ ਈਮੇਲਾਂ ਨੂੰ ਪ੍ਰਾਈਵੇਟ ਸਰਵਰ ‘ਤੇ ਪਾਉਣ ਦੀ ਆਪਣੀ ਗਲਤੀ ਸਵੀਕਾਰਦਿਆਂ ਆਖਿਆ ਕਿ ਟਰੰਪ ਕੁਝ ਖ਼ਾਸ ਕਾਰਨਾਂ ਕਰ ਕੇ ਟੈਕਸ ਰਿਟਰਨਾਂ ਜਾਰੀ ਨਹੀਂ ਕਰ ਰਹੇ। ਉਨ੍ਹਾਂ ਕਿਹਾ ਕਿ ਹੋ ਸਕਦਾ ਹੈ ਉਹ ਅਮੀਰ ਨਾ ਹੋਵੇ। ਦੂਜਾ, ਉਹ ਦਾਨੀ ਨਾ ਹੋਵੇ। ਤੀਜਾ ਉਸ ਦੇ ਕਾਰੋਬਾਰੀ ਸੌਦਿਆਂ ਦੀ ਕੋਈ ਜਾਣਕਾਰੀ ਨਹੀਂ ਹੈ ਪਰ ਰਿਪੋਰਟਾਂ ਮੁਤਾਬਕ ਉਹ ਵਾਲ ਸਟਰੀਟ ਤੇ ਵਿਦੇਸ਼ੀ ਬੈਂਕਾਂ ਦਾ 65 ਕਰੋੜ ਡਾਲਰ ਦਾ ਕਰਜ਼ਦਾਰ ਹੈ।
ਬਹਿਸ ਦੌਰਾਨ ਟਰੰਪ ਨੂੰ ਵਾਰ-ਵਾਰ ਪਾਣੀ ਪੀਂਦੇ ਦੇਖਿਆ ਗਿਆ। ਡੈਮੋਕਰੇਟਿਕ ਪਾਰਟੀ ਦੀ ਉਮੀਦਵਾਰ ਹਿਲੇਰੀ ਕਲਿੰਟਨ ਨੇ ਟਰੰਪ ਦੇ ਮਿਜ਼ਾਜ ਨੂੰ ਘੇਰੇ ‘ਚ ਲੈਂਦਿਆਂ ਕਿਹਾ ਕਿ ਉਹ ਛੇਤੀ ਹੀ ਅਤੇ ਆਸਾਨੀ ਨਾਲ ਭੜਕ ਜਾਂਦਾ ਹੈ। ਇਸ ਕਰ ਕੇ ਉਸ ਦੀਆਂ ਉਂਗਲਾਂ ਪਰਮਾਣੂ ਕੋਡ ਨੇੜੇ ਨਹੀਂ ਹੋਣੀਆਂ ਚਾਹੀਦੀਆਂ। ਉਨ੍ਹਾਂ ਸੰਕੇਤ ਦਿੱਤਾ ਕਿ ਉਹ ਅਮਰੀਕਾ ਦਾ ਅਗਲਾ ਰਾਸ਼ਟਰਪਤੀ ਬਣਨ ਦਾ ਹੱਕਦਾਰ ਨਹੀਂ ਹੈ ਕਿਉਂਕਿ ਪਤਾ ਨਹੀਂ ਕਿਹੜੇ ਵੇਲੇ ਰੌਂਅ ‘ਚ ਆ ਕੇ ਪਰਮਾਣੂ ਹਥਿਆਰਾਂ ਦਾ ਬਟਨ ਹੀ ਨਾ ਨੱਪ ਦੇਵੇ।
ਹਿਲੇਰੀ ਕਲਿੰਟਨ ਨੇ ਕਿਹਾ ਕਿ ਟਰੰਪ ਮਹਿਲਾਵਾਂ ਦਾ ਸਨਮਾਨ ਕਰਨਾ ਨਹੀਂ ਜਾਣਦੇ ਅਤੇ ਬੀਤੇ ‘ਚ ਉਹ ਔਰਤਾਂ ਨੂੰ ਬੇਇੱਜ਼ਤ ਕਰਦੇ ਰਹੇ ਹਨ। ਉਨ੍ਹਾਂ ਕਿਹਾ, ”ਟਰੰਪ ਸੁੰਦਰਤਾ ਮੁਕਾਬਲਿਆਂ ਨੂੰ ਪਸੰਦ ਕਰਦੇ ਹਨ, ਉਨ੍ਹਾਂ ਔਰਤਾਂ ਨਾਲ ਘੁੰਮਦੇ ਵੀ ਰਹਿੰਦੇ ਹਨ ਪਰ ਫਿਰ ਉਨ੍ਹਾਂ ਨੂੰ ਹੀ ‘ਮਿਸ ਪਿੱਗੀ’ ਆਖਦੇ ਹਨ। ਇਥੋਂ ਤੱਕ ਕਿ ਉਨ੍ਹਾਂ ਨੂੰ ‘ਮਿਸ ਹਾਊਸਕੀਪਿੰਗ’ ਵੀ ਪੁਕਾਰਦੇ ਹਨ।” ਬਹਿਸ ਦੌਰਾਨ ਟਰੰਪ ਕੁਝ ਆਖਦੇ-ਆਖਦੇ ਰੁਕ ਗਏ ਪਰ ਉਨ੍ਹਾਂ ਬਾਅਦ ‘ਚ ਪੱਤਰਕਾਰਾਂ ਨੂੰ ਕਿਹਾ ਕਿ ਉਨ੍ਹਾਂ ਹਿਲੇਰੀ ਦੇ ਪਤੀ ਅਤੇ ਸਾਬਕਾ ਰਾਸ਼ਟਰਪਤੀ ਬਿਲ ਕਲਿੰਟਨ ਦੇ ਸੈਕਸ ਸਕੈਂਡਲ ਨੂੰ ਉਠਾਉਣ ਬਾਰੇ ਸੋਚਿਆ ਸੀ ਪਰ ਉਨ੍ਹਾਂ ਸੋਚਿਆ ਕਿ ਅਜਿਹਾ ਵਤੀਰਾ ਨਹੀਂ ਅਪਣਾਇਆ ਜਾਣਾ ਚਾਹੀਦਾ ਕਿਉਂਕਿ ਬਹਿਸ ਦੌਰਾਨ ਉਨ੍ਹਾਂ ਦੀ ਧੀ ਅਤੇ ਹੋਰ ਮੈਂਬਰ ਵੀ ਹਾਜ਼ਰ ਸਨ।

**********************************

About Author

Punjab Mail USA

Punjab Mail USA

Related Articles

0 Comments

No Comments Yet!

There are no comments at the moment, do you want to add one?

Write a comment

Only registered users can comment.

ads

Latest Category Posts

    ਡੈਮੋਕ੍ਰੇਟ ਸੰਸਦ ਮੈਂਬਰਾਂ ਵੱਲੋਂ ਟਰੰਪ ਦਾ ਬਜਟ ਸੰਕਟ ਅਤੇ ਸ਼ੱਟਡਾਊਨ ਖਤਮ ਕਰਨ ਦਾ ਪ੍ਰਸਤਾਵ ਸਿਰੇ ਤੋਂ ਖਾਰਿਜ

ਡੈਮੋਕ੍ਰੇਟ ਸੰਸਦ ਮੈਂਬਰਾਂ ਵੱਲੋਂ ਟਰੰਪ ਦਾ ਬਜਟ ਸੰਕਟ ਅਤੇ ਸ਼ੱਟਡਾਊਨ ਖਤਮ ਕਰਨ ਦਾ ਪ੍ਰਸਤਾਵ ਸਿਰੇ ਤੋਂ ਖਾਰਿਜ

Read Full Article
    ਸ਼ੱਟਡਾਊਨ ਦੌਰਾਨ ਸਿੱਖ ਭਾਈਚਾਰੇ ਨੇ ਲਾਇਆ ਅਮਰੀਕੀ ਮੁਲਾਜ਼ਮਾਂ ਲਈ ਲੰਗਰ

ਸ਼ੱਟਡਾਊਨ ਦੌਰਾਨ ਸਿੱਖ ਭਾਈਚਾਰੇ ਨੇ ਲਾਇਆ ਅਮਰੀਕੀ ਮੁਲਾਜ਼ਮਾਂ ਲਈ ਲੰਗਰ

Read Full Article
    ਅਮਰੀਕਾ ਵਿਚ 18 ਤੋਂ 37 ਸਾਲ ਤੱਕ ਦੇ 62 ਫ਼ੀਸਦੀ ਨੌਜਵਾਨਾਂ ਨੂੰ ਟਰੰਪ ਦਾ ਕੰਮ ਬਿਲਕੁਲ ਨਹੀਂ ਪਸੰਦ

ਅਮਰੀਕਾ ਵਿਚ 18 ਤੋਂ 37 ਸਾਲ ਤੱਕ ਦੇ 62 ਫ਼ੀਸਦੀ ਨੌਜਵਾਨਾਂ ਨੂੰ ਟਰੰਪ ਦਾ ਕੰਮ ਬਿਲਕੁਲ ਨਹੀਂ ਪਸੰਦ

Read Full Article
    ਅਮਰੀਕੀ ਐੱਮ.ਪੀ. ਅਲੈਗਜ਼ੈਂਡਰੀਆ ਓਕਾਸੀਓ ਸਾਥੀਆਂ ਨੂੰ ਸਿਖਾਏਗੀ ਟਵਿੱਟਰ

ਅਮਰੀਕੀ ਐੱਮ.ਪੀ. ਅਲੈਗਜ਼ੈਂਡਰੀਆ ਓਕਾਸੀਓ ਸਾਥੀਆਂ ਨੂੰ ਸਿਖਾਏਗੀ ਟਵਿੱਟਰ

Read Full Article
    ਵ੍ਹਾਈਟ ਹਾਊਸ ‘ਤੇ ਹਮਲੇ ਦੀ ਸਾਜ਼ਿਸ਼ ‘ਚ ਜਾਰਜੀਆ ਤੋਂ ਨੌਜਵਾਨ ਗ੍ਰਿਫਤਾਰ

ਵ੍ਹਾਈਟ ਹਾਊਸ ‘ਤੇ ਹਮਲੇ ਦੀ ਸਾਜ਼ਿਸ਼ ‘ਚ ਜਾਰਜੀਆ ਤੋਂ ਨੌਜਵਾਨ ਗ੍ਰਿਫਤਾਰ

Read Full Article
    ਤਿੰਨ ਮੁੱਖ ਅਮਰੀਕੀ ਅਹੁਦਿਆਂ ਲਈ ਟਰੰਪ ਨੇ ਚੁਣੇ 3 ਭਾਰਤੀ

ਤਿੰਨ ਮੁੱਖ ਅਮਰੀਕੀ ਅਹੁਦਿਆਂ ਲਈ ਟਰੰਪ ਨੇ ਚੁਣੇ 3 ਭਾਰਤੀ

Read Full Article
    ਅਮਰੀਕਾ ਦੇ ਓਰੇਗਨ ‘ਚ ਸਿੱਖ ਸਟੋਰ ਮਾਲਕ ‘ਤੇ ਨਸਲੀ ਹਮਲਾ, ਹਮਲਾਵਰ ਕਾਬੂ

ਅਮਰੀਕਾ ਦੇ ਓਰੇਗਨ ‘ਚ ਸਿੱਖ ਸਟੋਰ ਮਾਲਕ ‘ਤੇ ਨਸਲੀ ਹਮਲਾ, ਹਮਲਾਵਰ ਕਾਬੂ

Read Full Article
    H-1B ਵੀਜ਼ੇ ਨੂੰ ਲੈ ਕੇ ਅਮਰੀਕਾ ‘ਚ ਮਚਿਆ ਹਾਹਾਕਾਰ

H-1B ਵੀਜ਼ੇ ਨੂੰ ਲੈ ਕੇ ਅਮਰੀਕਾ ‘ਚ ਮਚਿਆ ਹਾਹਾਕਾਰ

Read Full Article
    ਟਰੰਪ ਪ੍ਰਸ਼ਾਸਨ ਨੇ 3 ਅਹਿਮ ਅਹੁਦਿਆਂ ਲਈ ਭਾਰਤੀ ਮੂਲ ਦੇ ਨਾਗਰਿਕਾਂ ਨੂੰ ਕੀਤਾ ਨਾਮਜ਼ਦ

ਟਰੰਪ ਪ੍ਰਸ਼ਾਸਨ ਨੇ 3 ਅਹਿਮ ਅਹੁਦਿਆਂ ਲਈ ਭਾਰਤੀ ਮੂਲ ਦੇ ਨਾਗਰਿਕਾਂ ਨੂੰ ਕੀਤਾ ਨਾਮਜ਼ਦ

Read Full Article
    ਪੰਜਾਬ ‘ਚ ਰਾਜਸੀ ਪਾਰਟੀਆਂ ਦੇ ਨਵੇਂ ਸਮੀਕਰਣ ਬਣਨੇ ਸ਼ੁਰੂ

ਪੰਜਾਬ ‘ਚ ਰਾਜਸੀ ਪਾਰਟੀਆਂ ਦੇ ਨਵੇਂ ਸਮੀਕਰਣ ਬਣਨੇ ਸ਼ੁਰੂ

Read Full Article
    ਫਰਿਜ਼ਨੋ ਵਿਖੇ ਪੰਜਾਬੀ ਨੌਜਵਾਨ ਦੀ ਸੜਕ ਹਾਦਸੇ ‘ਚ ਮੌਤ

ਫਰਿਜ਼ਨੋ ਵਿਖੇ ਪੰਜਾਬੀ ਨੌਜਵਾਨ ਦੀ ਸੜਕ ਹਾਦਸੇ ‘ਚ ਮੌਤ

Read Full Article
    ਪੁਲਿਸ ਅਫਸਰ ਨਤਾਲੀ ਕਰੋਨਾ ਦੀ ਯਾਦ ਵਿਚ ਕੈਂਡਲ ਵੀਜਲ ਦਾ ਆਯੋਜਨ

ਪੁਲਿਸ ਅਫਸਰ ਨਤਾਲੀ ਕਰੋਨਾ ਦੀ ਯਾਦ ਵਿਚ ਕੈਂਡਲ ਵੀਜਲ ਦਾ ਆਯੋਜਨ

Read Full Article
    ਬੈਨ ਸਿੰਘ ਦੀ ਪਹਿਲੀ ਲੋਹੜੀ ਮਨਾਈ ਗਈ

ਬੈਨ ਸਿੰਘ ਦੀ ਪਹਿਲੀ ਲੋਹੜੀ ਮਨਾਈ ਗਈ

Read Full Article
    ਐਲਕ ਗਰੋਵ ‘ਚ ਅਧੂਰੇ ਪਏ ਮਾਲ ਨੂੰ ਢਾਹਿਆ ਜਾਵੇਗਾ

ਐਲਕ ਗਰੋਵ ‘ਚ ਅਧੂਰੇ ਪਏ ਮਾਲ ਨੂੰ ਢਾਹਿਆ ਜਾਵੇਗਾ

Read Full Article
    ਅਮਰੀਕੀ ਅਦਾਲਤ ਵੱਲੋਂ ਪੰਜਾਬੀ ਕੁੜੀ ਦੇ ਕਾਤਲ ਨੂੰ 10 ਮਹੀਨੇ ਦੀ ਸਜ਼ਾ

ਅਮਰੀਕੀ ਅਦਾਲਤ ਵੱਲੋਂ ਪੰਜਾਬੀ ਕੁੜੀ ਦੇ ਕਾਤਲ ਨੂੰ 10 ਮਹੀਨੇ ਦੀ ਸਜ਼ਾ

Read Full Article