ਵਿਆਹ ਬੰਧਨ ‘ਚ ਬੱਝੀ ਪ੍ਰੀਤੀ ਜ਼ਿੰਟਾ
March 02
11:27
2016
ਲਾਸ ਏਂਜਲਸ, 2 ਮਾਰਚ (ਪੰਜਾਬ ਮੇਲ)- ਬਾਲੀਵੁੱਡ ਅਦਾਕਾਰਾ ਪ੍ਰੀਤੀ ਜ਼ਿੰਟਾ ਆਪਣੇ ਪ੍ਰੇਮੀ ਜੀਨ ਗੁਡਇਨਫ ਨਾਲ ਵਿਆਹ ਦੇ ਬੰਧਨ ਵਿਚ ਬੱਝ ਗਈ ਹੈ। ਦੋਵੇਂ ਲਾਸ ਏਂਜਲਸ ਵਿਚ ਇੱਕ ਨਿੱਜੀ ਸਮਾਗਮ ਦੌਰਾਨ ਵਿਆਹ ਦੇ ਬੰਧਨ ਵਿਚ ਬੱਝੇ।
ਦੱਸਣਯੋਗ ਹੈ ਕਿ ਕਾਫ਼ੀ ਸਮੇਂ ਤੋਂ ਪ੍ਰੀਤੀ ਦੇ ਵਿਆਹ ਦੇ ਚਰਚੇ ਸਨ ਹਲਾਂਕਿ ਉਸ ਨੇ ਇਸ ਬਾਰੇ ਕੋਈ ਖੁਲਾਸਾ ਨਹੀਂ ਕੀਤਾ। ਪ੍ਰੀਤੀ ਦੇ ਦੋਸਤ ਤੇ ਅਦਾਕਾਰ ਕਬੀਰ ਬੇਦੀ ਨੇ ਟਵਿੱਟਰ ‘ਤੇ ਨਵ-ਵਿਆਹੁਤਾ ਜੋੜੇ ਨੂੰ ਵਧਾਈ ਦਿੱਤੀ, ਜਿਸ ਤੋਂ ਪ੍ਰੀਤੀ ਦੇ ਵਿਆਹ ਦੀ ਪੁਸ਼ਟੀ ਹੋ ਗਈ ਹੈ। ਇਸ ਤੋਂ ਇਲਾਵਾ ਪ੍ਰੀਤੀ ਦੀ ਸਹੇਲੀ ਤੇ ਮਸ਼ਹੂਰ ਡਿਜ਼ਾਈਨਰ ਫਰਾਹ ਖਾਨ ਅਲੀ ਨੇ ਵੀ ਦੋਹਾਂ ਨੂੰ ਵਿਆਹ ਦੀ ਵਧਾਈ ਦਿੱਤੀ ਅਤੇ ਖੁਸ਼ੀਆਂ ਭਰੀ ਜ਼ਿੰਦਗੀ ਦੀ ਕਾਮਨਾ ਕੀਤੀ। 41 ਸਾਲਾ ਅਦਾਕਾਰਾ ‘ਕੱਲ ਹੋ ਨਾ ਹੋ’, ‘ਵੀਰ ਜ਼ਾਰਾ’, ‘ਦਿਲ ਸੇ’, ‘ਕਿਆ ਕਹਿਨਾ’ ਜਿਹੀਆਂ ਕਈ ਫਿਲਮਾਂ ਵਿਚ ਸ਼ਾਨਦਾਰ ਕੰਮ ਕਰ ਚੁੱਕੀ ਹੈ।
There are no comments at the moment, do you want to add one?
Write a comment