ਮਿਸ਼ੀਗਨ ‘ਚ ਪੰਜਾਬੀ ਨੂੰ ਮਾਰੀ ਗਈ ਗੋਲੀ
ਮਿਸ਼ੀਗਨ, 16 ਦਸੰਬਰ (ਪੰਜਾਬ ਮੇਲ)- ਮਿਸ਼ੀਗਨ ਦੇ ਸ਼ਹਿਰ ਗਰੈਂਡ ਰੈਪਿਡ ਵਿਖੇ ਬੋਟਲ ਨੈਕਸਟ ਫੂਡ ਐਂਡ ਡਰਿੰਕ ਸ਼ਾਪ ‘ਚ ਕੰਮ ਕਰਦੇ 34 ਸਾਲਾ ਪੰਜਾਬੀ ਕਲਰਕ ਨੂੰ ਇਕ ਲੁਟੇਰੇ ਵੱਲੋਂ ਗੋਲੀ ਮਾਰਨ ਦੀ ਸੂਚਨਾ ਪ੍ਰਾਪਤ ਹੋਈ ਹੈ। ਇਕ ਲੁਟੇਰਾ ਜਿਸ ਦਾ ਮੂੰਹ ਢਕਿਆ ਹੋਇਆ ਸੀ ਅਤੇ ਹੱਥਾਂ ਵਿਚ ਦਸਤਾਨੇ ਪਾਏ ਹੋਏ ਸਨ, ਉਹ ਇਸ ਸਟੋਰ ਵਿਚ ਆਇਆ ਤੇ ਉਸ ਨੇ ਸਾਰੇ ਪੈਸੇ ਉਸ ਹਵਾਲੇ ਕਰਨ ਦੀ ਗੱਲ ਕਹੀ। ਲੁਟੇਰੇ ਕੋਲ ਵੱਡੀ ਗੰਨ ਸੀ। ਕਲਰਕ ਨੇ ਉਸ ਦੇ ਕਹਿਣ ਮੁਤਾਬਕ ਉਸ ਨੂੰ ਨਕਦੀ ਦੇਣੀ ਸ਼ੁਰੂ ਕਰ ਦਿੱਤੀ। ਪੈਸੇ ਲੈਣ ਤੋਂ ਬਾਅਦ ਵੀ ਲੁਟੇਰੇ ਨੇ ਸਟੋਰ ਕਲਰਕ ਨੂੰ ਮੁਸਲਿਮ ਅੱਤਵਾਦੀ ਕਿਹਾ ਅਤੇ ਉਸ ਦੇ ਮੂੰਹ ‘ਤੇ ਗੋਲੀ ਮਾਰ ਦਿੱਤੀ। ਘਟਨਾ ਤੋਂ ਬਾਅਦ ਲੁਟੇਰਾ ਭੱਜਣ ਵਿਚ ਕਾਮਯਾਬ ਹੋ ਗਿਆ। ਘਟਨਾ ਤੋਂ ਬਾਅਦ ਪੁਲਿਸ ਮੌਕੇ ‘ਤੇ ਪਹੁੰਚ ਗਈ ਅਤੇ ਸਟੋਰ ਕਲਰਕ ਨੂੰ ਤੁਰੰਤ ਹਸਪਤਾਲ ਦਾਖਲ ਕਰਵਾਇਆ ਗਿਆ, ਜਿਥੇ ਉਸ ਦੀ ਹਾਲਤ ਹੁਣ ਖਤਰੇ ਤੋਂ ਬਾਹਰ ਹੈ। ਪੁਲਿਸ ਨੇ ਸਟੋਰ ਕਲਰਕ ਦਾ ਨਾਂ ਮੀਡੀਆ ਲਈ ਜਾਰੀ ਨਹੀਂ ਕੀਤਾ। ਸਟੋਰ ਮਾਲਕ ਦੀ ਲੜਕੀ ਗੁਰਲੀਨ ਕੌਰ ਨੇ ਦੱਸਿਆ ਕਿ ਲੁਟੇਰਾ ਪੈਸਿਆਂ ਦੀ ਮੰਗ ਕਰਨ ਦੇ ਨਾਲ-ਨਾਲ ਉਸ ਨੂੰ ਵਾਰ-ਵਾਰ ਅੱਤਵਾਦੀ ਕਹਿ ਰਿਹਾ ਸੀ। ਇਹ ਕਲਰਕ ਹਾਲੇ ਕੁਝ ਸਮਾਂ ਪਹਿਲਾਂ ਹੀ ਇਸ ਸਟੋਰ ‘ਤੇ ਕੰਮ ਕਰਨ ਆਇਆ ਸੀ।
There are no comments at the moment, do you want to add one?
Write a comment