PUNJABMAILUSA.COM

ਭਾਰਤ- ਦੱਖਣੀ ਅਫਰੀਕਾ ਪਹਿਲਾ ਟੈਸਟ ਮੈਚ ਅੱਜ ਤੋਂ

ਭਾਰਤ- ਦੱਖਣੀ ਅਫਰੀਕਾ ਪਹਿਲਾ ਟੈਸਟ ਮੈਚ ਅੱਜ ਤੋਂ

ਭਾਰਤ- ਦੱਖਣੀ ਅਫਰੀਕਾ ਪਹਿਲਾ ਟੈਸਟ ਮੈਚ ਅੱਜ ਤੋਂ
January 04
21:17 2018

ਕੇਪਟਾਊਨ, 4 ਜਨਵਰੀ (ਪੰਜਾਬ ਮੇਲ)- ਭਾਰਤੀ ਕਿ੍ਕਟ ਟੀਮ ਭਲਕੇ ਇੱਥੇ ਦੱਖਣੀ ਅਫਰੀਕਾ ਦੇ ਖਿਲਾਫ਼ ਤਿੰਨ ਟੈਸਟ ਮੈਚਾਂ ਦੀ ਲੜੀ ਦੇ ਪਹਿਲੇ ਟੈਸਟ ਵਿੱਚ ਜਦੋਂ ਵਿਦੇਸ਼ੀ ਧਰਤੀ ਉੱਤੇ ਆਪਣੇ 12 ਵੇਂ ਟੈਸਟ ਮੈਚ ਦੀ ਸ਼ੁਰੂਆਤ ਕਰੇਗੀ ਤਾਂ ਉਸਦਾ ਟੀਚਾ ਵਿਦੇਸ਼ੀ ਧਰਤੀ ਉੱਤੇ ਮੈਚ ਹਾਰਨ ਦੀ ਧਾਰਨਾ ਨੂੰ ਤੋੜ ਕੇ ਆਪਣੀ ਮੁਹਿੰਮ ਜਿੱਤ ਨਾਲ ਸ਼ੁਰੂ ਕਰਨ ਦਾ ਹੋਵੇਗਾ।
ਦੱਖਣੀ ਅਫਰੀਕਾ ਦਾ ਦੌਰਾ ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਅਤੇ ਉਸਦੀ ਟੀਮ ਦੇ ਲਈ ਕਾਫੀ ਅਹਿਮ ਹੈ। ਉਨ੍ਹਾਂ ਦੇ ਸਾਹਮਣੇ ਵਿਦੇਸ਼ੀ ਧਰਤੀ ਉੱਤੇ ਭਾਰਤ ਦੇ ਪ੍ਰਦਰਸ਼ਨ ਵਿੱਚ ਸੁਧਾਰ ਕਰਨ ਦੀ ਚੁਣੌਤੀ ਹੈ। ਦੱਖਣੀ ਅਫਰੀਕਾ ਵਿੱਚ ਭਾਰਤੀ ਟੀਮ ਦੀ ਸਫਲਤਾ ਇਸ ਦੇ ਤੇਜ਼ ਗੇਂਦਬਾਜ਼ਾਂ ਉੱਤੇ ਕਾਫੀ ਨਿਰਭਰ ਕਰੇਗੀ। ਭਾਰਤੀ ਟੀਮ ਆਲਮੀ ਦਰਜਾਬੰਦੀ ਵਿੱਚ ਨੰਬਰ ਇੱਕ ਦੇ ਸਥਾਨ ਉੱਤੇ ਬਰਕਰਾਰ ਹੈ। ਟੀਮ ਦੀ ਲੀਡ ਏਨੀ ਵੱਡੀ ਹੈ ਕਿ ਜੇ ਭਾਰਤੀ ਟੀਮ 0-3 ਨਾਲ ਹਾਰ ਵੀ ਜਾਂਦੀ ਹੈ ਤਾਂ ਵੀ ਭਾਰਤੀ ਟੀਮ ਆਲਮੀ ਦਰਜਾਬੰਦੀ ਵਿੱਚ ਨੰਬਰ ਇੱਕ ਬਣੀ ਰਹੇਗੀ। ਕੋਹਲੀ ਦੀ ਟੀਮ ਲਈ ਇਹ ਸਿਰਫ ਅੰਕਾਂ ਦੀ ਮਾਮਲਾ ਨਹੀ ਸਗੋਂ ਇਸ ਧਾਰਨਾ ਨੂੰ ਤੋੜਨਾ ਹੈ ਕਿ ਭਾਰਤ, ਦੱਖਣੀ ਅਫਰੀਕਾ ਵਿੱਚ ਜਿੱਤ ਨਹੀ ਸਕਦਾ।
ਮੇਜ਼ਬਾਨ ਦੱਖਣੀ ਅਫਰੀਕਾ ਨੂੰ ਆਪਣੇ ਤੇਜ਼ ਗੇਂਦਬਾਜ਼ਾਂ ਉੱਤੇ ਆਸਾਂ ਹਨ ਕਿ ਉਹ ਭਾਰਤ ਦੀ ਬੱਲੇਬਾਜ਼ੀ ਲਾਈਨ ਨੂੰ ਉਖਾੜ ਸੁੱਟਣਗੇ। ਦੂਜੇ ਪਾਸੇ ਭਾਰਤੀ ਟੀਮ ਲਗਾਤਾਰ 9 ਲੜੀਆਂ ਜਿੱਤ ਚੁੱਕੀ ਹੈ ਤੇ ਟੀਮ ਪੂਰੇ ਆਤਮ ਵਿਸ਼ਵਾਸ ਨਾਲ ਭਰੀ ਹੋਈ ਹੈ ਤੇ ਉਹ ਕਿਸੇ ਵੀ ਹਾਲਾਤ ਵਿੱਚ ਜਿੱਤ ਦਰਜ ਕਰਨ ਦੇ ਸਮਰੱਥ ਹੈ। ਟੀਮ ਨੇ ਛੇ ਲੜੀਆਂ ਭਾਰਤ ਵਿੱਚ ਜਿੱਤੀਆਂ ਹਨ ਤੇ ਦੋ ਸ੍ਰੀਲੰਕਾ ਵਿੱਚ ਅਤੇ ਇੱਕ ਵੈਸਟ ਇੰਡੀਜ਼ ਵਿੱਚ ਜਿੱਤੀ ਹੈ। ਭਾਰਤ ਪਿਛਲੀ ਲੜੀ 2014-15 ਵਿੱਚ ਆਸਟਰੇਲੀਆ ਵਿੱਚ ਹਾਰਿਆ ਸੀ। ਭਾਰਤ ਨੂੰ ਚਾਰ ਟੈਸਟ ਮੈਚਾਂ ਦੀ ਲੜੀ ਵਿੱਚ 0-2 ਨਾਲ ਹਾਰਨਾ ਪਿਆ ਸੀ। ਦੱਖਣੀ ਅਫਰੀਕਾ ਵਿੱਚ ਭਾਰਤ ਦਾ ਰਿਕਾਰਡ ਕਾਫੀ ਖ਼ਰਾਬ ਰਿਹਾ ਹੈ, ਇੱਥੇ ਟੀਮ ਨੇ ਛੇ ਵਿੱਚੋਂ ਪੰਜ ਲੜੀਆਂ ਹਾਰੀਆਂ ਹਨ ਤੇ ਇੱਕ ਡਰਾਅ ਰਹੀ ਹੈ।
ਜਿੱਥੋਂ ਤੱਕ ਮੈਚ ਦੇ ਸਥਾਨ ਦਾ ਸਵਾਲ ਹੈ ਭਾਰਤੀ ਟੀਮ ਨਿਊਲੈਂਡਜ਼ ਵਿੱਚ ਕਦੇ ਵੀ ਨਹੀ ਜਿੱਤੀ।
ਦੂਜੇ ਪਾਸੇ ਦੱਖਣੀ ਅਫਰੀਕਾ ਦੇ ਕਪਤਾਨ ਫਾਫ ਡੂ ਪਲੇਸਿਸ ਦਾ ਆਪਣੀ ਧਰਤੀ ਉੱਤੇ ਸਿਰਫ ਤੀਜਾ ਟੈਸਟ ਹੋਵੇਗਾ। ਇਸ ਵਾਰ ਭਾਰਤ ਦਾ ਤੇਜ਼ ਗੇਂਦਬਾਜ਼ੀ ਹਮਲਾ ਮਜ਼ਬੂਤ ਹੈ ਜੋ ਕਿਸੇ ਵੀ ਬੱਲੇਬਾਜ਼ੀ ਲਾਈਨ ਦੇ ਛੱਕੇ ਛੁਡਾਉਣ ਦੇ ਸਮਰੱਥ ਹੈ। ਇੱਥੇ ਸੋਕੇ ਦੇ ਬਾਵਜੂਦ ਨਿਊਜ਼ੀਲੈਂਡ ਦਾ ਘਾਹ ਵਾਲਾ ਵਿਕਟ ਹਰ ਇੱਕ ਦਾ ਧਿਆਨ ਖਿੱਚਦਾ ਹੈ। ਪਹਿਲੇ ਟੈਸਟ ਦੀ ਵਿਕਟ ਨੂੰ ਦੇਖਦਿਆਂ ਭਾਰਤ ਘੱਟੋ ਘੱਟ ਤਿੰਨ ਤੇਜ਼ ਗੇਂਦਬਾਜ਼ਾਂ ਈਸ਼ਾਂਤ ਸ਼ਰਮਾ, ਭੁਵਨੇਸ਼ਵਰ ਕੁਮਾਰ, ਮੁਹੰਮਦ ਸ਼ਮੀ ਨਾਲ ਮੈਦਾਨ ਵਿੱਚ ਉੱਤਰ ਸਕਦਾ ਹੈ। ਇੱਕੋ ਇੱਕ ਸਪਿੰਨਰ ਦੇ ਲਈ ਆਰ ਅਸ਼ਵਿਨ ਦਾ ਦਾਅਵਾ ਮਜ਼ਬੂਤ ਹੈ। ਭਾਰਤ ਲੈਅ ਵਿੱਚ ਚੱਲ ਰਹੇ ਰੋਹਿਤ ਸ਼ਰਮਾ ਦੇ ਨਾਲ ਵਾਧੂ ਬੱਲੇਬਾਜ਼ ਵਜੋਂ ਉੱਤਰ ਸਕਦਾ ਹੈ। ਹਾਰਦਿਕ ਪੰਡਯ ਹਰਫਨਮੌਲਾ ਵਜੋਂ ਟੀਮ ਵਿੱਚ ਆ ਸਕਦਾ ਹੈ। ਅਜਿੰਕਿਆ ਰਹਾਣੇ ਭਾਵੇਂ ਲੈਅ ਵਿੱਚ ਨਹੀ ਹੈ ਪਰ ਫਿਰ ਵੀ ਉਸ ਨੂੰ ਟੀਮ ਵਿੱਚ ਸ਼ਾਮਲ ਕੀਤਾ ਜਾ ਸਕਦਾ ਹੈ।
ਭਾਰਤ ਦੀ ਤਰ੍ਹਾਂ ਦੱਖਣੀ ਅਫਰੀਕੀ ਟੀਮ ਵਿੱਚ ਵੀ ਸਭ ਕੁੱਝ ਸਪੱਸ਼ਟ ਨਹੀ ਹੈ। ਡੈਲ ਸਟੈਨ ਨੂੰ ਫਿੱਟ ਐਲਾਨਿਆ ਗਿਆ ਹੈ ਪਰ ਉਸਦਾ ਖੇਡਣਾ ਤੈਅ ਨਹੀ ਹੈ। ਮੇਜ਼ਬਾਨ ਟੀਮ ਤਿੰਨ ਤੇਜ਼ ਗੇਂਦਬਾਜ਼ਾਂ ਅਤੇ ਇੱਕ ਸਪਿੰਨਰ ਵਜੋਂ ਉੱਤਰ ਸਕਦੀ ਹੈ ਤੇ ਅਜਿਹੀ ਸਥਿਤੀ ਵਿੱਚ ਕੇਸ਼ਵ ਮਹਾਰਾਜ ਨੂੰ ਮੌਕਾ ਮਿਲ ਸਕਦਾ ਹੈ। ਕਾਗਿਸੋ ਰਵਾਦਾ, ਵਰਨਰ ਫਿਲੈਂਡਰ ਅਤੇ ਮੋਰਨੇ ਮੋਰਕਲ ਤੇਜ਼ ਗੇਂਦਬਾਜ਼ੀ ਹਮਲੇ ਵਿੱਚ ਸ਼ਾਮਲ ਹੋ ਸਕਦੇ ਹਨ। ਵਿਕਟ ਕੀਪਰ ਕਵਿੰਟਨ ਡੀ ਕਾਕ ਵੀ ਤਿਆਰ ਹੈ। ਇੱਕੋ ਇੱਕ ਚਿੰਤਾ ਏਬੀ ਡਿਵੀਲੀਅਰਜ਼ ਦੀ ਫਿਟਨੈੱਸ ਹੈ। ਮੈਚ ਭਾਰਤੀ ਸਮੇਂ ਅਨੁਸਾਰ ਦੁਪਹਿਰ ਦੋ ਵਜੇ ਸ਼ੁਰੂ ਹੋਵੇਗਾ।
ਟੀਮਾਂ ਇਸ ਪ੍ਰਕਾਰ ਹਨ:-
ਭਾਰਤ: ਕਪਤਾਨ ਵਿਰਾਟ ਕੋਹਲੀ, ਸ਼ਿਖਰ ਧਵਨ, ਮੁਰਲੀ ਵਿਜੈ, ਲੋਕੇਸ਼ ਰਾਹੁਲ, ਚੇਤੇਸ਼ਵਰ ਪੁਜਾਰਾ, ਅਜਿੰਕਿਆ ਰਹਾਣੇ, ਰੋਹਿਤ ਸ਼ਰਮਾ, ਰਿੱਧੀਮਾਨ ਸਾਹਾ ਹਾਰਦਿਕ ਪੰਡਯ, ਆਰ ਅਸ਼ਵਿਨ, ਰਵਿੰਦਰ ਜਡੇਜਾ, ਭੁਵਨੇਸ਼ਵਰ ਕੁਮਾਰ, ਈਸ਼ਾਂਤ ਸ਼ਰਮਾ, ੳੇਮੇਸ਼ ਯਾਦਵ, ਮੁਹੰਮਦ ਸ਼ਮੀ, ਜਸਪ੍ਰੀਤ ਬੁਮਰਾ, ਪਾਰਥਿਵ ਪਟੇਲ ’ਚੋਂ।
ਦੱਖਣੀ ਅਫਰੀਕਾ: ਕਪਤਾਨ ਫਾਫ ਡੂ ਪਲੇਸਿਸ, ਡੀਨ ਐਲਗਰ, ਐਡਨ ਮਾਰਕਰਾਮ, ਹਾਸ਼ਿਮ ਅਮਲਾ, ਤੇਂਵਾ ਬਾਵੂਮਾ, ਟਿਊਨੈੱਸ ਡੇ ਬਰਾਇਨ, ਕਵਿੰਟਨ ਡੀ ਕਾਕ, ਕੇਸ਼ਵ ਮਹਾਰਾਜ, ਮੋਰਨੇ ਮੋਰਕਲ, ਡੈੱਲ ਸਟੇਨ, ਕ੍ਰਿਸ ਮੌਰਿਸ, ਵਰਨਰ ਫਿਲੈਂਡਰ, ਕਾਗਿਸੋ ਰਵਾਦਾ, ਐਂਡਿਲੇ ਫੇਹਲੁਕਵਾਓ।
ਭਾਰਤੀ ਟੀਮ ਨੇ ਨਾ ਕੀਤਾ ਅਭਿਆਸ ਤੇ ਕੋਹਲੀ ਨੇ ਨਾ ਕੀਤੀ ਪ੍ਰੈਸ ਕਾਨਫਰੰਸ
ਕੇਪਟਾਊਨ: ਭਾਰਤੀ ਕ੍ਰਿਕਟ ਟੀਮ ਨੇ ਭਲਕੇ ਦੇ ਮੈਚ ਤੋਂ ਪਹਿਲਾਂ ਅੱਜ ਅਭਿਆਸ ਨਹੀ ਕੀਤਾ। ਕਪਤਾਨ ਵਿਰਾਟ ਕੋਹਲੀ ਨੇ ਵੀ ਭਲਕੇ ਦਾ ਮੈਚ ਸ਼ੁਰੂ ਹੋਣ ਤੋਂ ਪਹਿਲਾਂ ਕੀਤੀ ਜਾਂਦੀ ਪ੍ਰੈਸ ਕਾਨਫਰੰਸ ਨਾ ਕਰਨ ਦਾ ਫੈਸਲਾ ਲਿਆ। ਉਸਦੀ ਗੈਰਹਾਜ਼ਰੀ ਵਿੱਚ ਟੀਮ ਦੇ ਸਹਾਇਕ ਕੋਚ ਸੰਜੇ ਬਾਗੜ ਇੱਕ ਘੰਟੇ ਬਾਅਦ ਪੱਤਰਕਾਰਾਂ ਨੂੰ ਸੰਬੋਧਨ ਕਰਨ ਆਏ ਪਰ ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਦੇ ਫੈਸਲੇ ਨੇ ਪੱਤਰਾਕਾਰਾਂ ਨੂੰ ਨਾਰਾਜ਼ ਕਰ ਦਿੱਤਾ।

About Author

Punjab Mail USA

Punjab Mail USA

Related Articles

ads

Latest Category Posts

    ਅੰਤਰਰਾਸ਼ਟਰੀ ਮੁਦਰਾ ਕੋਸ਼ ਤੋਂ ਮਿਲੇ ਫੰਡ ਦੀ ਵਰਤੋਂ ਆਪਣੇ ਚੀਨੀ ਕਰਜ਼ੇ ਚੁਕਾਉਣ ਲਈ ਨਾ ਕਰੇ ਪਾਕਿਸਤਾਨ : ਅਮਰੀਕਾ

ਅੰਤਰਰਾਸ਼ਟਰੀ ਮੁਦਰਾ ਕੋਸ਼ ਤੋਂ ਮਿਲੇ ਫੰਡ ਦੀ ਵਰਤੋਂ ਆਪਣੇ ਚੀਨੀ ਕਰਜ਼ੇ ਚੁਕਾਉਣ ਲਈ ਨਾ ਕਰੇ ਪਾਕਿਸਤਾਨ : ਅਮਰੀਕਾ

Read Full Article
    ਕੈਲੀਫੋਰਨੀਆ ਦੀ ਸਿਆਸਤ ‘ਚ ਸਿੱਖਾਂ ਦੀ ਚੰਗੀ ਸ਼ੁਰੂਆਤ

ਕੈਲੀਫੋਰਨੀਆ ਦੀ ਸਿਆਸਤ ‘ਚ ਸਿੱਖਾਂ ਦੀ ਚੰਗੀ ਸ਼ੁਰੂਆਤ

Read Full Article
    ਬੌਬੀ ਸਿੰਘ ਐਲਨ ਐਲਕ ਗਰੋਵ ਸਕੂਲ ਡਿਸਟ੍ਰਿਕ ਲਈ ਦੁਬਾਰਾ ਚੁਣੀ ਗਈ

ਬੌਬੀ ਸਿੰਘ ਐਲਨ ਐਲਕ ਗਰੋਵ ਸਕੂਲ ਡਿਸਟ੍ਰਿਕ ਲਈ ਦੁਬਾਰਾ ਚੁਣੀ ਗਈ

Read Full Article
    APAPA ਵੱਲੋਂ ਰੰਗਾਰੰਗ ਪ੍ਰੋਗਰਾਮ ਦਾ ਆਯੋਜਨ

APAPA ਵੱਲੋਂ ਰੰਗਾਰੰਗ ਪ੍ਰੋਗਰਾਮ ਦਾ ਆਯੋਜਨ

Read Full Article
    ਸੀ.ਐੱਸ.ਡੀ ਡਾਇਰੈਕਟਰਾਂ ਨੇ ਚੁੱਕੀ ਸਹੁੰ

ਸੀ.ਐੱਸ.ਡੀ ਡਾਇਰੈਕਟਰਾਂ ਨੇ ਚੁੱਕੀ ਸਹੁੰ

Read Full Article
    ਨਵੇਂ ਬਣੇ ਜੱਜ ਸੰਦੀਪ ਸੰਧੂ ਗੁਰਦੁਆਰਾ ਸਾਹਿਬ ਮੋਡੈਸਟੋ ਵਿਖੇ ਹੋਏ ਨਤਮਸਤਕ

ਨਵੇਂ ਬਣੇ ਜੱਜ ਸੰਦੀਪ ਸੰਧੂ ਗੁਰਦੁਆਰਾ ਸਾਹਿਬ ਮੋਡੈਸਟੋ ਵਿਖੇ ਹੋਏ ਨਤਮਸਤਕ

Read Full Article
    ਸਾਹਿਬਜ਼ਾਦਿਆਂ ਦੀ ਮਹਾਨ ਸ਼ਹਾਦਤ ਨੂੰ ਸਮਰਪਿਤ ‘ਦਸਤਾਰ ਮੁਕਾਬਲਾ’ 29 ਦਸੰਬਰ ਨੂੰ

ਸਾਹਿਬਜ਼ਾਦਿਆਂ ਦੀ ਮਹਾਨ ਸ਼ਹਾਦਤ ਨੂੰ ਸਮਰਪਿਤ ‘ਦਸਤਾਰ ਮੁਕਾਬਲਾ’ 29 ਦਸੰਬਰ ਨੂੰ

Read Full Article
    ਰੁਸਤਮ-ਏ-ਕੈਨੇਡਾ ਦਾ ਖਿਤਾਬ ਡੌਮ ਬਰੈਡਲੀ ਪਹਿਲਵਾਨ ਨੇ ਜਿੱਤਿਆ

ਰੁਸਤਮ-ਏ-ਕੈਨੇਡਾ ਦਾ ਖਿਤਾਬ ਡੌਮ ਬਰੈਡਲੀ ਪਹਿਲਵਾਨ ਨੇ ਜਿੱਤਿਆ

Read Full Article
    ਸਿਆਟਲ ‘ਚ ਲੈਥਰੋਪ ਸ਼ਹਿਰ ਦੇ ਕਮਿਸ਼ਨਰ ਅਜੀਤ ਸਿੰਘ ਸੰਧੂ ਦਾ ਨਿੱਘਾ ਸੁਆਗਤ

ਸਿਆਟਲ ‘ਚ ਲੈਥਰੋਪ ਸ਼ਹਿਰ ਦੇ ਕਮਿਸ਼ਨਰ ਅਜੀਤ ਸਿੰਘ ਸੰਧੂ ਦਾ ਨਿੱਘਾ ਸੁਆਗਤ

Read Full Article
    ਅਮਰੀਕੀ ਸੰਸਦ ਮੈਂਬਰ ਨੇ 100 ਅਮਰੀਕੀ ਬੱਚਿਆਂ ਨੂੰ ਅਗਵਾ ਕਰਕੇ ਭਾਰਤ ਲਿਜਾਣ ਦਾ ਲਾਇਆ ਦੋਸ਼

ਅਮਰੀਕੀ ਸੰਸਦ ਮੈਂਬਰ ਨੇ 100 ਅਮਰੀਕੀ ਬੱਚਿਆਂ ਨੂੰ ਅਗਵਾ ਕਰਕੇ ਭਾਰਤ ਲਿਜਾਣ ਦਾ ਲਾਇਆ ਦੋਸ਼

Read Full Article
    ਪਾਕਿਸਤਾਨ ਅੱਤਵਾਦੀਆਂ ਨੂੰ ਲਗਾਤਾਰ ਦੇ ਰਿਹਾ ਹੈ ਪਨਾਹ : ਨਿੱਕੀ ਹੈਲੀ

ਪਾਕਿਸਤਾਨ ਅੱਤਵਾਦੀਆਂ ਨੂੰ ਲਗਾਤਾਰ ਦੇ ਰਿਹਾ ਹੈ ਪਨਾਹ : ਨਿੱਕੀ ਹੈਲੀ

Read Full Article
    ਅੱਤਵਾਦੀਆਂ ਨੂੰ ਲਗਾਤਾਰ ਪਨਾਹ ਦੇ ਰਿਹਾ ਪਾਕਿਸਤਾਨ : ਨਿੱਕੀ ਹੈਲੀ

ਅੱਤਵਾਦੀਆਂ ਨੂੰ ਲਗਾਤਾਰ ਪਨਾਹ ਦੇ ਰਿਹਾ ਪਾਕਿਸਤਾਨ : ਨਿੱਕੀ ਹੈਲੀ

Read Full Article
    ਟਰੰਪ ਵੱਲੋਂ ਰਾਸ਼ਟਰਪਤੀ ਦੀ ਚੋਣ ਮੁਹਿੰਮ ਦੌਰਾਨ ਰੂਸੀ ਗੰਢ-ਤੁੱਪ ਤੋਂ ਇਕ ਵਾਰ ਮੁੜ ਨਾਂਹ

ਟਰੰਪ ਵੱਲੋਂ ਰਾਸ਼ਟਰਪਤੀ ਦੀ ਚੋਣ ਮੁਹਿੰਮ ਦੌਰਾਨ ਰੂਸੀ ਗੰਢ-ਤੁੱਪ ਤੋਂ ਇਕ ਵਾਰ ਮੁੜ ਨਾਂਹ

Read Full Article
    ਅਮਰੀਕਾ ‘ਚ ਕਤਲ ਦੇ ਦੋਸ਼ੀ ਨੇ ਇਲੈਕਟ੍ਰਿਕ ਚੇਅਰ ਨਾਲ ਮਰਨ ਦੀ ਕੀਤੀ ਮੰਗ

ਅਮਰੀਕਾ ‘ਚ ਕਤਲ ਦੇ ਦੋਸ਼ੀ ਨੇ ਇਲੈਕਟ੍ਰਿਕ ਚੇਅਰ ਨਾਲ ਮਰਨ ਦੀ ਕੀਤੀ ਮੰਗ

Read Full Article
    ਸੀਨੀਅਰ ਬੁਸ਼ ਨੂੰ ਪਤਨੀ ਬਾਰਬਰਾ ਦੀ ਕਬਰ ਨੇੜੇ ਦਫਨਾਇਆ ਗਿਆ

ਸੀਨੀਅਰ ਬੁਸ਼ ਨੂੰ ਪਤਨੀ ਬਾਰਬਰਾ ਦੀ ਕਬਰ ਨੇੜੇ ਦਫਨਾਇਆ ਗਿਆ

Read Full Article