PUNJABMAILUSA.COM

ਫੋਨ ਹੈਕ, ਲੈਂਡ ਲਾਈਨ ਹੈਕ, ਸਭ ਨਿੱਜੀ ਜਾਣਕਾਰੀ ਸੀ ਉਨ੍ਹਾਂ ਕੋਲ ਤੇ ਫਿਰ ਮਹਿਲਾ ਨੂੰ ਬਣਾਇਆ ਧੋਖੇ ਦਾ ਸ਼ਿਕਾਰ

ਫੋਨ ਹੈਕ, ਲੈਂਡ ਲਾਈਨ ਹੈਕ, ਸਭ ਨਿੱਜੀ ਜਾਣਕਾਰੀ ਸੀ ਉਨ੍ਹਾਂ ਕੋਲ ਤੇ ਫਿਰ ਮਹਿਲਾ ਨੂੰ ਬਣਾਇਆ ਧੋਖੇ ਦਾ ਸ਼ਿਕਾਰ

ਫੋਨ ਹੈਕ, ਲੈਂਡ ਲਾਈਨ ਹੈਕ, ਸਭ ਨਿੱਜੀ ਜਾਣਕਾਰੀ ਸੀ ਉਨ੍ਹਾਂ ਕੋਲ ਤੇ ਫਿਰ ਮਹਿਲਾ ਨੂੰ ਬਣਾਇਆ ਧੋਖੇ ਦਾ ਸ਼ਿਕਾਰ
December 11
17:30 2017

– ਪਤੀ ਦੇ ਗ੍ਰਿਫਤਾਰ ਹੋਣ ਅਤੇ ਕਾਨੂੰਨੀ ਕਾਰਵਾਈ ਦੀ ਦਿੱਤੀ ਧਮਕੀ
ਔਕਲੈਂਡ 11 ਦਸੰਬਰ (ਹਰਜਿੰਦਰ ਸਿੰਘ ਬਸਿਆਲਾ)-ਨਿਊਜ਼ੀਲੈਂਡ ਦੇ ਵਿਚ ਵੱਖ-ਵੱਖ ਤਰ੍ਹਾਂ ਦੇ ਮਾਡਰਨ ਤਰੀਕਿਆਂ ਨਾਲ ਹੁੰਦੇ ਧੋਖੇ (ਸਕੈਮ) ਜਿਨ੍ਹਾਂ ਵਿਚ ਜਾਅਲੀ ਫੋਨ ਸਕੈਮ, ਜਾਅਲੀ ਆਈ. ਆਰ. ਡੀ. ਸਕੈਮ, ਜਾਅਲੀ ਪੁਲਿਸ ਦੀ ਫੋਨ ਕਾਲ ਵਾਲੇ ਸਕੈਮ ਚਰਚਾ ਵਿਚ ਬਣੇ ਰਹਿੰਦੇ ਹਨ। ਬਹੁਤ ਸਾਰੇ ਲੋਕ ਨਾ ਸ਼ੱਕ ਪ੍ਰਗਟ ਹੋਣ ਦੇ ਬਾਵਜੂਦ ਵੀ ਅਜਿਹੇ ਧੋਖੇ ਦਾ ਸ਼ਿਕਾਰ ਹੋ ਜਾਂਦੇ ਹਨ। ਅੱਜ ਇਕ ਅਜਿਹੀ ਹੀ ਇਕ ਘਟਨਾ ਟੀਪੁੱਕੀ ਰਹਿੰਦੇ ਪੰਜਾਬੀ ਪਰਿਵਾਰ ( ਸ. ਜਤਿੰਦਰ ਸਿੰਘ-ਸ੍ਰੀਮਤੀ ਗੁਰਪ੍ਰੀਤ ਕੌਰ) ਦੇ ਨਾਲ ਹੋਈ। ਅੱਜ ਸਵੇਰੇ 10 ਵਜੇ ਦੇ ਕਰੀਬ ਇਨ੍ਹਾਂ ਧੋਖੇਬਾਜਾਂ ਵੱਲੋਂ ਸ੍ਰੀਮਤੀ ਗੁਰਪ੍ਰੀਤ ਕੌਰ ਦੇ ਘਰ ਦੇ ਲੈਂਡ ਲਾਈਨ ਨੰਬਰ ਉਤੇ ਕਾਲ ਆਈ ਕਿ ”ਅਸੀਂ ਟੀ ਪੁੱਕੀ ਸਟੇਸ਼ਨ ਤੋਂ ਬੋਲ ਰਹੇ ਹਾਂ ਤੁਹਾਡੇ ਪਤੀ ਨੂੰ ਗੈਰ ਕਾਨੂੰਨੀ ਕਾਰਵਾਈਆਂ ਦੇ ਚਲਦਿਆਂ ਗ੍ਰਿਫਤਾਰ ਕੀਤਾ ਗਿਆ ਹੈ, ਤੁਹਾਡੇ ਪਤੀ ਤੁਹਾਨੂੰ ਫੋਨ ਕਰ ਰਹੇ ਹਨ ਸੋ ਆਪਣਾ ਫੋਨ ਚੈਕ ਕਰੋ।” ਜਦੋਂ ਗੁਰਪ੍ਰੀਤ ਹੋਰਾਂ ਫੋਨ ਚੈਕ ਕੀਤਾ ਤਾਂ ਮਿਸ ਕਾਲਜ ਨਜ਼ਰ ਆਈਆਂ। ਐਨੇ ਨੂੰ ਇਨ੍ਹਾਂ ਦੇ ਪਤੀ ਦੇ ਫੋਨ ਨੰਬਰ ਤੋਂ ਹੀ ਦੁਬਾਰਾ ਫੋਨ ਆਇਆ ਅਤੇ ਜਦੋਂ ਫੋਨ ਚੁੱਕਿਆ ਤਾਂ ਮੂਹਰੇ ਤੋਂ ਉਹੀ ਧੋਖੇਬਾਜ ਬੋਲੇ ਕਿ ਤੁਹਾਡੇ ਪਤੀ ਨੂੰ ਟੌਰੰਗਾ ਪੁਲਿਸ ਸਟੇਸ਼ਨ ਵਿਚ ਲਿਜਾ ਕੇ ਪੁੱਛ-ਗਿਛ ਕੀਤੀ ਜਾ ਰਹੀ ਹੈ। ਭਾਵੇਂ ਇਸ ਨੇ ਸ਼ੁਰੂ ਵਿਚ ਵਿਸ਼ਵਾਸ਼ ਨਹੀਂ ਕੀਤਾ ਪਰ ਉਨ੍ਹਾਂ ਨੇ ਡਰਾ ਹੀ ਐਨਾ ਦਿੱਤਾ ਅਤੇ ਦੋ ਹੱਲ ਸਮਝਾਏ ਜਿਨ੍ਹਾਂ ਵਿਚ ਇਕ ਕਾਨੂੰਨੀ ਕਾਰਵਾਈ ਜਿਸ ਵਿਚ 7 ਤੋ 10 ਦਿਨ ਤੱਕ ਪੁਲਿਸ ਸਟੇਸ਼ਨ ਰੱਖਿਆ ਜਾਵੇਗਾ, ਪੀ. ਆਰ. ਕੈਂਸਲ ਹੋਵੇਗੀ ਅਤੇ ਤੁਹਾਡੀ ਜਾਇਦਾਦ ਜ਼ਬਤ ਕਰ ਲਈ ਜਾਵੇਗੀ, ਦੂਜਾ ਹੱਲ ਸੀ ਕਿ ਦੋ ਪੁਲਿਸ ਕੁਝ ਫਾਰਮ ਲੈਣ ਆਉਣਗੇ ਜਿਹੜੇ ਭਰ ਕੇ ਦੇਣੇ ਹੋਣਗੇ। ਫਾਰਮਾਂ ਦੇ ਨਾਲ 2000 ਡਾਲਰ ਦੇਣੇ ਪੈਣਗੇ ਜੋ ਕਿ ਆਖਰੀ ਅਦਾਲਤੀ ਫੈਸਲਾ ਆਉਣ ‘ਤੇ ਵਾਪਿਸ ਕੀਤੇ ਜਾ ਸਕਦੇ ਹਨ। ਗੁਰਪ੍ਰੀਤ ਕੌਰ ਨੇ ਕਿਹਾ ਕਿ ਪੁਲਿਸ ਵਾਲੇ ਭੇਜ ਦਿਓ ਪਰ ਮੈਂ ਆਪਣੇ ਪਰਿਵਾਰਕ ਮੈਂਬਰਾਂ ਨਾਲ ਗੱਲ ਕਰਨਾ ਚਾਹੁੰਦੀ ਹਾਂ। ਫਿਰ ਉਨ੍ਹਾਂ ਕਿਹਾ ਕਿ ਤੇਰੇ ਪਤੀ ਨਹੀਂ ਚਾਹੁੰਦੇ ਕਿ ਤੁਸੀਂ ਕਿਸੇ ਹੋਰ ਨੂੰ ਦੱਸੋ। ਉਨ੍ਹਾਂ ਕਿਹਾ ਕਿ ਸਾਨੂੰ ਪਤਾ ਹੈ ਕਿ ਤੇਰੇ ਕੋਲ ਛੋਟਾ ਬੱਚਾ ਹੈ ਅਤੇ ਤੁਸੀਂ ਕਾਰ ਨਹੀਂ ਚਲਾ ਸਕਦੇ। ਇਸ ਕਰਕੇ ਅਸੀਂ ਟੈਕਸੀ ਦਾ ਪ੍ਰਬੰਧ ਕੀਤਾ ਹੈ। ਟੈਕਸੀ ਦੋ ਵਾਰ ਆਈ ਪਰ ਗੁਰਪ੍ਰੀਤ ਕੌਰ ਨੇ ਸਿਆਣਪ ਵਰਤ ਕੇ ਮੋੜ ਦਿੱਤੀ ਕਿ ਉਸ ਵਿਚ ਬੇਬੀ ਸੀਟ ਨਹੀਂ ਸੀ। ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਕੋਈ ਗੱਲ ਨਹੀਂ ਤੁਸੀਂ ਬੱਚਾ ਗੋਦੀ ਸਾਂਭ ਰੱਖਿਓ।
ਇਸ ਦੌਰਾਨ ਉਸਨੇ ਮੋਬਾਇਲ, ਲੈਪਟਾਪ ਆਦਿ ਤੋਂ ਪਰਿਵਾਰ ਦੇ ਦੂਜੇ ਮੈਂਬਰਾਂ ਨਾਲ ਸੰਪਰਕ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਸਾਰਾ ਕੁਝ ਹੈਕ ਕੀਤਾ ਹੋਇਆ ਸੀ। 10-15 ਮਿੰਟ ਫਿਰ ਉਨ੍ਹਾਂ ਨੇ ਦਿੱਤੇ ਅਤੇ ਕਿਹਾ ਕਿ ਕੁਝ ਫਾਰਮ ਭਰਨੇ ਪੈਣਗੇ ਜਿਹੜੇ ਕਿ ਨਿਊ ਵਰਲਡ ਸਟੋਰ ਤੋਂ ਮਿਲ ਜਾਣਗੇ। ਗੁਰਪ੍ਰੀਤ ਕੌਰ ਆਪਣੇ ਬੱਚੇ ਨੂੰ ਨਾਲ ਲੈ ਕੇ ਜਦੋਂ ਬਾਹਰ ਜਾ ਰਹੀ ਸੀ ਤਾਂ ਉਹ ਉਸ ਨੂੰ ਪੂਰਾ ਟ੍ਰੈਕ ਕਰ ਰਹੇ ਸਨ। ਫੋਨ ਉਤੇ ਲਗਾਤਾਰ ਉਹ ਬਣੇ ਹੋਏ ਸਨ। ਉਨ੍ਹਾਂ ਕਿਹਾ ਕਿ ਹੁਣ ਫੋਰ ਸਕੇਅਰ ਚਲੇ ਜਾਓ। ਇਸ ਸਾਰੇ ਵਰਤਾਰੇ ਦੌਰਾਨ ਬੱਚੇ ਦੀ ਸੁਰੱਖਿਆ ਨੂੰ ਲੈ ਕੇ ਗੁਰਪ੍ਰੀਤ ਕੌਰ ਨੇ ਲਾਗੇ ਹੀ ਥਾਣੇ ਜਾਣ ਦੀ ਇੱਛਾ ਰੱਖਣ ਦੇ ਬਾਵਜੂਦ ਉਹ ਫੋਰ ਸੁਕੇਅਰ ਵਿਖੇ ਫਾਰਮ ਲੈਣ ਨੂੰ ਸਹੀ ਸਮਝਣ ਲੱਗੀ ਤਾਂ ਕਿ ਕੋਈ ਉਸਦਾ ਹੋਰ ਨੁਕਸਾਨ ਨਾ ਕਰ ਦੇਵੇ। ਜਦੋਂ ਕੋਈ ਫਾਰਮ ਨਹੀਂ ਮਿਲੇ ਤਾਂ ਗੱਲ ‘ਆਈ.ਟਿਊਨ’ ਕਾਰਡਾਂ ਉਤੇ ਆ ਕੇ ਰੁਕੀ। ਉਨ੍ਹਾਂ ਨੇ 2350 ਡਾਲਰ ਦੇ ਕਾਰਡ ਲੋਡ ਕਰਵਾ ਕੇ ਸੀਰੀਅਲ ਨੰਬਰ ਉਸੇ ਵੇਲੇ ਪੁੱਛ ਲਏ। ਧੋਖੇਬਾਜ਼ਾਂ ਨੇ ਕਿਹਾ ਕਿ ਜੇਕਰ ਨੰਬਰ ਹੁਣੇ ਨਾ ਦਿੱਤੇ ਗਏ ਤਾਂ ਤੁਹਾਨੂੰ ਵੀ ਗ੍ਰਿਫਤਾਰ ਕੀਤਾ ਜਾ ਸਕਦਾ ਹੈ। ਇਸ ਦੌਰਾਨ ਨਾ ਤਾਂ 111 ਲੱਗ ਰਿਹਾ ਸੀ ਅਤੇ ਨਾ ਹੀ ਉਸਦੇ ਪਤੀ ਦਾ ਨੰਬਰ। ਇਸ ਤਰ੍ਹਾਂ ਇਸ ਪਰਿਵਾਰ ਦੇ ਨਾਲ 12 ਵਜੇ ਤੱਕ 2350 ਡਾਲਰ ਦਾ ਧੋਖਾ ਹੋ ਗਿਆ। ਘਰ ਪਹੁੰਚਣ ਉਤੇ ਲੈਂਡ ਲਾਈਨ ਉਤੇ ਕਾਲ ਆ ਗਈ ਕਿ ਰਿਸੀਵਰ ਪਰ੍ਹੇ ਰੱਖ ਦਿਓ ਤੇ ਆਪ ਉਹ ਮੋਬਾਇਲ ਉਤੇ ਸਨ। ਉਨ੍ਹਾਂ ਕਿਹਾ ਕਿ ਤੇਰੇ ਪਤੀ ਉਤੇ ਚਾਰ-ਪੰਜ ਹੋਰ ਦੋਸ਼ ਹਨ ਤੇ 4000 ਡਾਲਰ ਹੋਰ ਦੇਣੇ ਪੈਣਗੇ। ਜਦੋਂ ਅਜਿਹਾ ਕਰਨ ਤੋਂ ਅਸਮਰਥਾ ਦਿਖਾਈ ਤਾਂ ਦੁਬਾਰਾ ਫਿਰ ਟੈਕਸੀ ਭੇਜੀ ਅਤੇ ਕਿਹਾ ਕਿ ਤੁਸੀਂ ਆਪਣੇ ਪਾਸਪੋਰਟ, ਕ੍ਰੈਡਿਟ ਕਾਰਡ ਅਤੇ ਹੋਰ ਕਾਗਜ਼ ਲੈ ਕੇ ਟੈਕਸੀ ਵਿਚ ਬੈਠੋ ਅਤੇ ਅਸੀਂ ਤੈਨੂੰ ਐਡਰੈਸ ਭੇਜਦੇ ਹਾਂ ਕਿੱਥੇ ਜਾਣਾ ਹੈ।
ਇਸ ਦੌਰਾਨ ਗੁਰਪ੍ਰੀਤ ਕੌਰ ਨੇ ਥੋੜ੍ਹੀ ਹੁਸ਼ਿਆਰੀ ਵਰਤ ਕੇ ਗੁਆਂਢ ਵਿਚ ਆ ਚੁੱਕੀ ਇਕ ਔਰਤ ਦੇ ਫੋਨ ਤੋਂ ਆਪਣੇ ਪਤੀ ਦੇ ਦੋਸਤ ਨੂੰ ਫੋਨ ਲਾਇਆ ਅਤੇ ਪਤਾ ਲੱਗਾ ਕਿ ਉਹ ਤਾਂ ਆਪਣੇ ਕੰਮ ‘ਤੇ ਹੀ ਹੈ। ਜਦੋਂ ਪਤੀ ਨੇ ਧੋਖੇਬਾਜਾਂ ਨਾਲ ਗੱਲ ਕੀਤੀ ਤਾਂ ਉਹ ਕਹਿਣ ਲੱਗੇ ਕਿ ਤੁਹਾਡੀ ਪਤਨੀ ਨੂੰ ਗ੍ਰਿਫਤਾਰ ਕਰ ਲਿਆ ਜਾਵੇਗਾ। ਜਦੋਂ ਗੱਲ ਵਿਗੜਦੀ ਵਿਖੀ ਤਾਂ ਉਹ ਫੋਨ ਬੰਦ ਕਰ ਗਏ। ਇਸ ਸਬੰਧੀ ਪੁਲਿਸ ਨੂੰ ਭਾਵੇਂ ਸੂਚਿਤ ਕਰ ਦਿੱਤਾ ਗਿਆ ਹੈ, ਪਰ ਸ਼ਾਇਦ ਹੀ ਪੈਸੇ ਵਾਪਿਸ ਆਉਣ।
ਇਸ ਜੋੜੇ ਨੇ ਨਿਊਜ਼ੀਲੈਂਡ ਵਸਦੇ ਆਪਣੇ ਸਾਰੇ ਭਾਈਚਾਰੇ ਨੂੰ ਅਪੀਲ ਕੀਤੀ ਹੈ ਅਜਿਹੇ ਫੋਨ ਕਾਲਾਂ ਤੋਂ ਆਪਣਾ ਬਚਾਅ ਰੱਖਣ। ਇਹ ਧੋਖੇਬਾਜ ਜਿੱਥੇ ਪੈਸਾ ਹੜੱਪ ਕਰ ਰਹੇ ਹਨ ਉਥੇ ਜਿਸ ਤਰ੍ਹਾਂ ਦਾ ਤੁਹਾਡੇ ਉਤੇ ਮਾਨਸਿਕ ਦਬਾਅ ਬਣਾਉਂਦੇ ਹਨ ਉਸ ਨਾਲ ਉਹ ਕਿਤੇ ਵੀ ਕਿਸੇ ਨੂੰ ਅਗਵਾ ਕਰਕੇ ਵੀ ਲਿਜਾ ਸਕਦੇ ਹਨ। ਅਜਿਹੇ ਧੋਖੇਬਾਜ਼ ਇਹ ਵੀ ਕਹਿ ਸਕਦੇ ਹਨ ਕਿ ਤੁਹਾਡੇ ਕਿਸੇ ਪਰਿਵਾਰਕ ਮੈਂਬਰ ਦਾ ਐਕਸੀਡੈਂਟ ਹੋ ਗਿਆ ਹੈ, ਤੇ ਉਹ ਹਸਪਤਾਲ ਦਾਖਲ ਹੈ।
ਇਸ ਇਸ ਕਰਕੇ ਸਾਵਧਾਨ! ਰਹੋ ਅਜਿਹੇ ਧੋਖੇਬਾਜਾਂ ਤੋਂ।

About Author

Punjab Mail USA

Punjab Mail USA

Related Articles

ads

Latest Category Posts

    ਅਮਰੀਕਾ ‘ਚ 22 ਸਤੰਬਰ ਨੂੰ ਟਰੰਪ-ਮੋਦੀ ਕਰਨਗੇ ਮੁਲਾਕਾਤ

ਅਮਰੀਕਾ ‘ਚ 22 ਸਤੰਬਰ ਨੂੰ ਟਰੰਪ-ਮੋਦੀ ਕਰਨਗੇ ਮੁਲਾਕਾਤ

Read Full Article
    ਭਾਰਤੀ ਮੂਲ ਦੇ ਡਾਕਟਰ ਜੋੜੇ ਨੇ ਮੈਡੀਕਲ ਕਾਲਜ ਨੂੰ 1775 ਕਰੋੜ ਰੁਪਏ ਦਾਨ ‘ਚ ਦਿੱਤੇ

ਭਾਰਤੀ ਮੂਲ ਦੇ ਡਾਕਟਰ ਜੋੜੇ ਨੇ ਮੈਡੀਕਲ ਕਾਲਜ ਨੂੰ 1775 ਕਰੋੜ ਰੁਪਏ ਦਾਨ ‘ਚ ਦਿੱਤੇ

Read Full Article
    9/11 ‘ਤੇ ਟਰੰਪ ਦੇ ਟਵੀਟ ਨੇ ਮੇਲਾਨੀਆ ਨੂੰ ਦੁਚਿੱਤੀ ‘ਚ ਪਾਇਆ

9/11 ‘ਤੇ ਟਰੰਪ ਦੇ ਟਵੀਟ ਨੇ ਮੇਲਾਨੀਆ ਨੂੰ ਦੁਚਿੱਤੀ ‘ਚ ਪਾਇਆ

Read Full Article
    ਮਾਰਿਆ ਗਿਆ ਹਮਜ਼ਾ ਬਿਨ ਲਾਦੇਨ

ਮਾਰਿਆ ਗਿਆ ਹਮਜ਼ਾ ਬਿਨ ਲਾਦੇਨ

Read Full Article
    ਪ੍ਰਿੰਸ ਜੌਰਜ ਕਾਊਂਟੀ ਵਿਚ ਛੋਟਾ ਜਹਾਜ਼ ਹਾਈਵੇ ‘ਤੇ ਹਾਦਸਾਗ੍ਰਸਤ, ਦੋ ਜ਼ਖਮੀ

ਪ੍ਰਿੰਸ ਜੌਰਜ ਕਾਊਂਟੀ ਵਿਚ ਛੋਟਾ ਜਹਾਜ਼ ਹਾਈਵੇ ‘ਤੇ ਹਾਦਸਾਗ੍ਰਸਤ, ਦੋ ਜ਼ਖਮੀ

Read Full Article
    ਅਮਰੀਕਾ ਵਿਚ ਗੋਲੀਬਾਰੀ ਦੀ ਅਲੱਗ ਅਲੱਗ ਘਟਨਾਵਾਂ ਵਿਚ ਛੇ ਲੋਕਾਂ ਦੀ ਮੌਤ

ਅਮਰੀਕਾ ਵਿਚ ਗੋਲੀਬਾਰੀ ਦੀ ਅਲੱਗ ਅਲੱਗ ਘਟਨਾਵਾਂ ਵਿਚ ਛੇ ਲੋਕਾਂ ਦੀ ਮੌਤ

Read Full Article
    ਅਮਰੀਕਾ ਦੇ ਸਾਰੇ ਸੂਬਿਆਂ ਨੇ ਗੂਗਲ ਦੀ ਸੰਭਾਵੀ ਅਜ਼ਾਰੇਦਾਰੀ ਬਾਰੇ ਜਾਂਚ ਦਾ ਕੀਤਾ ਐਲਾਨ

ਅਮਰੀਕਾ ਦੇ ਸਾਰੇ ਸੂਬਿਆਂ ਨੇ ਗੂਗਲ ਦੀ ਸੰਭਾਵੀ ਅਜ਼ਾਰੇਦਾਰੀ ਬਾਰੇ ਜਾਂਚ ਦਾ ਕੀਤਾ ਐਲਾਨ

Read Full Article
    ਅਮਰੀਕਾ ਨੇ ਪਾਕਿਸਤਾਨ ‘ਚ ਸਰਗਰਮ ਤਹਿਰੀਕ-ਏ-ਤਾਲਿਬਾਨ ਪਾਕਿਸਤਾਨ ਦੇ ਸਰਗਨਾ ਮੁਫਤੀ ਨੂਰ ਵਲੀ ਮਸੂਦ ਨੂੰ ਆਲਮੀ ਅੱਤਵਾਦੀ ਐਲਾਨਿਆ

ਅਮਰੀਕਾ ਨੇ ਪਾਕਿਸਤਾਨ ‘ਚ ਸਰਗਰਮ ਤਹਿਰੀਕ-ਏ-ਤਾਲਿਬਾਨ ਪਾਕਿਸਤਾਨ ਦੇ ਸਰਗਨਾ ਮੁਫਤੀ ਨੂਰ ਵਲੀ ਮਸੂਦ ਨੂੰ ਆਲਮੀ ਅੱਤਵਾਦੀ ਐਲਾਨਿਆ

Read Full Article
    ਟਰੰਪ ਪ੍ਰਸ਼ਾਸਨ ਨੇ ਈ-ਸਿਗਰਟ ‘ਤੇ ਪਾਬੰਦੀ ਲਗਾਉਣ ਦੀ ਬਣਾਈ ਯੋਜਨਾ

ਟਰੰਪ ਪ੍ਰਸ਼ਾਸਨ ਨੇ ਈ-ਸਿਗਰਟ ‘ਤੇ ਪਾਬੰਦੀ ਲਗਾਉਣ ਦੀ ਬਣਾਈ ਯੋਜਨਾ

Read Full Article
    ਟਰੰਪ ਪ੍ਰਸ਼ਾਸਨ ਨੂੰ ਨਵੇਂ ਸ਼ਰਨਾਰਥੀ ਨਿਯਮਾਂ ਦੀ ਸੁਪਰੀਮ ਕੋਰਟ ਵੱਲੋਂ ਮਨਜ਼ੂਰੀ

ਟਰੰਪ ਪ੍ਰਸ਼ਾਸਨ ਨੂੰ ਨਵੇਂ ਸ਼ਰਨਾਰਥੀ ਨਿਯਮਾਂ ਦੀ ਸੁਪਰੀਮ ਕੋਰਟ ਵੱਲੋਂ ਮਨਜ਼ੂਰੀ

Read Full Article
    ਪੰਜਾਬ ਵੀ ਆਇਆ ਆਰਥਿਕ ਮੰਦੀ ਦੀ ਮਾਰ ਹੇਠ

ਪੰਜਾਬ ਵੀ ਆਇਆ ਆਰਥਿਕ ਮੰਦੀ ਦੀ ਮਾਰ ਹੇਠ

Read Full Article
    ਵਿਦੇਸ਼ੀ ਕਰੰਸੀ ‘ਤੇ ਭਾਰਤ ‘ਚ ਲੱਗੇਗਾ 2 ਫੀਸਦੀ ਟੈਕਸ

ਵਿਦੇਸ਼ੀ ਕਰੰਸੀ ‘ਤੇ ਭਾਰਤ ‘ਚ ਲੱਗੇਗਾ 2 ਫੀਸਦੀ ਟੈਕਸ

Read Full Article
    15ਵੇਂ ਵਿਸ਼ਵ ਕਬੱਡੀ ਕੱਪ ਲਈ ਸਮੁੱਚੀਆਂ ਤਿਆਰੀਆਂ ਮੁਕੰਮਲ

15ਵੇਂ ਵਿਸ਼ਵ ਕਬੱਡੀ ਕੱਪ ਲਈ ਸਮੁੱਚੀਆਂ ਤਿਆਰੀਆਂ ਮੁਕੰਮਲ

Read Full Article
    ਅਮਰੀਕਨ ਸਿੱਖ ਕਾਕਸ ਕਮੇਟੀ ਨੇ ਅਮਰੀਕਨ ਸਿੱਖ ਕਾਂਗਰੈਸ਼ਨਲ ਕਾਕਸ ਨੂੰ ਮੋਦੀ ਦੀ ਅਮਰੀਕਾ ਫੇਰੀ ਦੌਰਾਨ ਮਨੁੱਖੀ ਅਧਿਕਾਰਾਂ ਬਾਰੇ ਪੁੱਛਗਿੱਛ ਕਰਨ ਲਈ ਕਿਹਾ

ਅਮਰੀਕਨ ਸਿੱਖ ਕਾਕਸ ਕਮੇਟੀ ਨੇ ਅਮਰੀਕਨ ਸਿੱਖ ਕਾਂਗਰੈਸ਼ਨਲ ਕਾਕਸ ਨੂੰ ਮੋਦੀ ਦੀ ਅਮਰੀਕਾ ਫੇਰੀ ਦੌਰਾਨ ਮਨੁੱਖੀ ਅਧਿਕਾਰਾਂ ਬਾਰੇ ਪੁੱਛਗਿੱਛ ਕਰਨ ਲਈ ਕਿਹਾ

Read Full Article
    ਸਿੱਖ ਪੰਚਾਇਤ ਨੇ ਹੜ੍ਹਾਂ ਦੇ ਸ਼ਿਕਾਰ ਸਿੱਖਾਂ ਦੀ ਸਹਾਇਤਾ ਲਈ ਖਾਲਸਾ ਏਡ ਨੂੰ 31 ਹਜ਼ਾਰ ਡਾਲਰ ਭੇਜੇ

ਸਿੱਖ ਪੰਚਾਇਤ ਨੇ ਹੜ੍ਹਾਂ ਦੇ ਸ਼ਿਕਾਰ ਸਿੱਖਾਂ ਦੀ ਸਹਾਇਤਾ ਲਈ ਖਾਲਸਾ ਏਡ ਨੂੰ 31 ਹਜ਼ਾਰ ਡਾਲਰ ਭੇਜੇ

Read Full Article