ਖੁਦ ਨੂੰ ਮਾਰੀ ਗੋਲੀ, ਸਿਰ ਤੋਂ ਹੁੰਦੀ ਹੋਈ ਪਿੱਛੇ ਮੌਜੂਦ ਪ੍ਰੇਮਿਕਾ ਦੇ ਲੱਗੀ, ਮੌਤ

May 26

08:37 2017

Print This Article Share it With Friends

ਵਾਸ਼ਿੰਗਟਨ, 26 ਮਈ (ਪੰਜਾਬ ਮੇਲ)- ਖੁਦਕੁਸ਼ੀ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਇਕ ਵਿਅਕਤੀ ਦੀ ਬੰਦੂਕ ਕਾਰਨ ਚਲੀ ਗੋਲੀ ਨੇ ਉਸ ਦੀ ਪ੍ਰੇਮਿਕਾ ਦੀ ਜਾਨ ਲੈ ਲਈ। ਹੈਰਾਨ ਕਰਨ ਵਾਲੇ ਇਸ ਮਾਮਲੇ ਵਿਚ ਗੋਲੀ ਮੁੰਡੇ ਦੇ ਸਿਰ ਤੋਂ ਹੁੰਦੀ ਹੋਈ ਪਿੱਛੇ ਮੌਜੂਦ ਉਸ ਦੀ ਪ੍ਰੇਮਿਕਾ ਨੂੰ ਜਾ ਲੱਗੀ। ਦੋਵੇਂ ਗੰਭੀਰ ਤੌਰ ‘ਤੇ ਜ਼ਖ਼ਮੀ ਹੋ ਗਏ। ਇਕ ਦਿਨ ਬਾਅਦ ਲੜਕੀ ਨੇ ਹਸਪਤਾਲ ਵਿਚ ਦਮ ਤੋੜ ਦਿੱਤਾ। ਅਦਾਲਤ ਵਿਚ ਪੇਸ਼ ਹੋਏ ਵਿਕਟਰ ‘ਤੇ ਸੈਕੰਡ ਡਿਗਰੀ ਕਤਲ ਦਾ ਦੋਸ਼ ਲੱਗਾ ਹੈ। ਅਮਰੀਕੀ ਕਾਨੂੰਨ ਦੇ ਮੁਤਾਬਕ ਸੈਕੰਡ ਡਿਗਰੀ ਕਤਲ ਦਾ ਮਤਲਬ ਇਹ ਹੁੰਦਾ ਹੈ ਕਿ ਹੱਤਿਆ ਕਰਨ ਵਾਲੇ ਦੀ ਮਨਸ਼ਾ ਹੱਤਿਆ ਦੀ ਹੀ ਸੀ ਪਰ ਉਸ ਨੇ ਹੱਤਿਆ ਦੀ ਸਾਜ਼ਿਸ਼ ਜਾਂ ਯੋਜਨਾ ਪਹਿਲਾਂ ਤੋਂ ਨਹੀਂ ਬਣਾਈ ਸੀ। ਇਕ ਅਧਿਕਾਰੀ ਨੇ ਦੱਸਿਆ ਕਿ ਵਿਕਟਰ ਦੇ ਸਿਰ ‘ਚ ਗੋਲੀ ਲੱਗਣ ਦਾ ਨਿਸ਼ਾਨ ਸੀ ਤੇ ਉਪਰੀ ਹਿੱਸੇ ਵਿਚ ਗੋਲੀ ਨਿਕਲਣ ਦਾ ਬਣਿਆ ਨਿਸ਼ਾਨ ਸੀ। ਅਧਿਕਾਰੀ ਨੇ ਕਿਹਾ ਕਿ ਸਬੂਤਾਂ ਕਾਰਨ ਪਤਾ ਚਲਦਾ ਹੈ ਕਿ ਵਿਕਟਰ ਦੇ ਸਿਰ ਤੋਂ ਨਿਕਲਣ ਤੋਂ ਬਾਅਦ ਗੋਲੀ ਉਸ ਦੀ ਪ੍ਰੇਮਿਕਾ ਨੂੰ ਲੱਗ ਗਈ। ਅਦਾਲਤ ਵਿਚ ਪੇਸ਼ੀ ਦੌਰਾਨ ਵਿਕਟਰ ਨੇ ਹੈਲਮਟ ਪਾਇਆ ਹੋਇਆ ਸੀ। ਵਿਕਟਰ ਨੇ ਦੱਸਿਆ ਕਿ ਉਹ ਬੇਰੋਜਗਾਰ ਹੈ ਅਤੇ ਜ਼ਮਾਨਤ ਦੇ ਲਈ ਪੈਸੇ ਨਹੀਂ ਹਨ। ਜੱਜ ਨੇ ਖੁਦ ਵਿਕਟਰ ਵਲੋਂ ‘ਦੋਸ਼ੀ ਨਹੀਂ’ ਹੋਣ ਦੀ ਪਟੀਸ਼ਨ ਦਾਇਰ ਕੀਤੀ। ਜੇਕਰ ਇਸ ਮਾਮਲੇ ਵਿਚ ਦੋਸ਼ੀ ਪਾਇਆ ਜਾਂਦਾ ਹੈ ਤਾਂ ਉਸ ਨੂੰ 99 ਸਾਲ ਤੱਕ ਦੀ ਸਜ਼ਾ ਹੋ ਸਕਦੀ ਹੈ।