PUNJABMAILUSA.COM

ਕਰੁਣ ਨਾਇਰ ਬਣਿਆ ਟੈਸਟ ਮੈਚਾਂ ’ਚ ਤੀਹਰਾ ਸੈਂਕੜਾ ਲਾਉਣ ਵਾਲਾ ਦੂਜਾ ਭਾਰਤੀ ਬੱਲੇਬਾਜ਼

ਕਰੁਣ ਨਾਇਰ ਬਣਿਆ ਟੈਸਟ ਮੈਚਾਂ ’ਚ ਤੀਹਰਾ ਸੈਂਕੜਾ ਲਾਉਣ ਵਾਲਾ ਦੂਜਾ ਭਾਰਤੀ ਬੱਲੇਬਾਜ਼

ਕਰੁਣ ਨਾਇਰ ਬਣਿਆ ਟੈਸਟ ਮੈਚਾਂ ’ਚ ਤੀਹਰਾ ਸੈਂਕੜਾ ਲਾਉਣ ਵਾਲਾ ਦੂਜਾ ਭਾਰਤੀ ਬੱਲੇਬਾਜ਼
December 19
21:07 2016

Ind vs Eng fifth Test Match
ਚੇਨੱਈ, 19 ਦਸੰਬਰ(ਪੰਜਾਬ ਮੇਲ)- ਕਰੁਣ ਨਾਇਰ ਨੇ ਟੈਸਟ ਕ੍ਰਿਕਟ ਵਿੱਚ ਆਪਣੇ ਪਹਿਲੇ ਸੈਂਕੜੇ ਨੂੰ ਤੀਹਰੇ ਸੈਂਕੜੇ ਵਿੱਚ ਬਦਲ ਕੇ ਅੱਜ ਇੱਥੇ ਨਾਬਾਦ 303 ਦੌੜਾਂ ਦੀ ਰਿਕਾਰਡ ਪਾਰੀ ਖੇਡੀ ਜਿਸ ਨਾਲ ਭਾਰਤ ਨੇ ਆਪਣਾ ਹੁਣ ਤੱਕ ਦਾ ਸਭ ਤੋਂ ਵੱਧ ਸਕੋਰ ਬਣਾ ਕੇ ਇੰਗਲੈਂਡ ਖ਼ਿਲਾਫ਼ ਪੰਜਵੇਂ ਤੇ ਅੰਤਿਮ ਟੈਸਟ ਮੈਚ ਵਿੱਚ ਆਪਣੀ ਸਥਿਤੀ ਮਜ਼ਬੂਤ ਕਰ ਲਈ।
ਰਾਜਸਥਾਨ ਵਿੱਚ ਜਨਮੇ ਤੇ ਕਰਨਾਟਕ ਵੱਲੋਂ ਖੇਡਣ ਵਾਲੇ 25 ਸਾਲਾ ਨਾਇਰ ਨੇ ਰਿਕਾਰਡਾਂ ਤੋਂ ਭਰੀ ਆਪਣੀ ਪਾਰੀ ਵਿੱਚ 381 ਗੇਂਦਾਂ ਖੇਡੀਆਂ ਅਤੇ 32 ਚੌਕੇ ਤੇ ਚਾਰ ਛੱਕੇ ਲਾਏ। ਉਹ ਵੀਰੇਂਦਰ ਸਹਿਵਾਗ ਤੋਂ ਬਾਅਦ ਟੈਸਟ ਮੈਚਾਂ ਵਿੱਚ ਤੀਹਰਾ ਸੈਂਕੜਾ ਲਾਉਣ ਵਾਲਾ ਦੂਜਾ ਭਾਰਤੀ ਬੱਲੇਬਾਜ਼ ਹੈ। ਸਹਿਵਾਗ ਨੇ ਦੋ ਤੀਹਰੇ ਸੈਂਕੜੇ(319) ਤੇ (309) ਲਾਏ ਹਨ। ਨਾਇਰ ਦਾ ਤੀਹਰਾ ਸੈਂਕੜਾ ਪੂਰਾ ਹੁੰਦੇ ਹੀ ਕਪਤਾਨ ਵਿਰਾਟ ਕੋਹਲੀ ਨੇ ਸੱਤ ਵਿਕਟਾ ’ਤੇ 759 ਦੌੜਾਂ ਦੇ ਸਕੋਰ ’ਤੇ ਪਾਰੀ ਸਮਾਪਤ ਐਲਾਨ ਦਿੱਤੀ। ਇਹ ਭਾਰਤ ਦਾ ਟੈਸਟ ਮੈਚਾਂ ਵਿੱਚ ਸਭ ਤੋਂ ਵੱਧ ਸਕੋਰ ਵੀ ਹੈ। ਭਾਰਤੀ ਪਾਰੀ ਵਿੱਚ ਨਾਇਰ ਦੇ ਕਰਨਾਟਕ ਦੇ ਸਾਥੀ ਸਲਾਮੀ ਬੱਲੇਬਾਜ਼ ਲੋਕੇਸ਼ ਰਾਹੁਲ ਦੀਆਂ 199 ਦੌੜਾਂ ਵੀ ਸ਼ਾਮਲ ਹਨ।
ਭਾਰਤ ਨੇ ਪਹਿਲੀ ਪਾਰੀ ਵਿੱਚ 282 ਦੌੜਾਂ ਦੀ ਬੜ੍ਹਤ ਹਾਸਲ ਕੀਤੀ। ਆਪਣੀ ਪਹਿਲੀ ਪਾਰੀ ਵਿੱਚ 477 ਦੌੜਾਂ ਬਣਾਉਣ ਵਾਲੇ ਇੰਗਲੈਂਡ ਨੂੰ ਚੌਥੇ ਦਿਨ ਪੰਜ ਓਵਰ ਖੇਡਣ ਦਾ ਮੌਕਾ ਮਿਲਿਆ ਜਿਸ ਵਿੱਚ ਉਸ ਨੇ ਬਿਨਾਂ ਕਿਸੇ ਨੁਕਸਾਨ ਤੋਂ 12 ਦੌੜਾਂ ਬਣਾਈਆਂ। ਉਹ ਹੁਣ ਵੀ ਭਾਰਤ ਤੋਂ 270 ਦੌੜਾਂ ਪਿੱਛੇ ਹੈ ਅਤੇ ਭਲਕੇ ਪੰਜਵੇਂ ਦਿਨ ਉਸ ਦੇ ਬੱਲੇਬਾਜ਼ਾਂ ਨੂੰ ਭਾਰਤੀ ਸਪਿੰਨਰਾਂ ਦੀ ਸਖ਼ਤ ਚੁਣੌਤੀ ਦਾ ਸਾਹਮਣਾ ਕਰਨਾ ਹੋਵੇਗਾ। ਸਟੰਪ ਉਖੜਨ ਦੇ ਸਮੇਂ ਕਪਤਾਨ ਐਲਸਟੇਅਰ ਕੁੱਕ ਤਿੰਨ ਤੇ ਕੀਟੋਨ ਜੈਨਿੰਗਜ਼ ਨੌਂ ਦੌੜਾਂ ’ਤੇ ਖੇਡ ਰਿਹਾ ਸੀ।
ਇਸ ਤੋਂ ਪਹਿਲਾਂ ਭਾਰਤ ਦਾ ਸਭ ਤੋਂ ਵੱਧ ਸਕੋਰ ਦਾ ਰਿਕਾਰਡ ਨੌਂ ਵਿਕਟਾਂ ’ਤੇ 726 ਦੌੜਾਂ ਰਿਹਾ ਸੀ ਜੋ ਕਿ ਉਸ ਨੇ ਸ੍ਰੀਲੰਕਾ ਖ਼ਿਲਾਫ਼ 2009 ਵਿੱਚ ਮੁੰਬਈ ’ਚ ਬਣਾਇਆ ਸੀ। ਇਹ ਇੰਗਲੈਂਡ ਖ਼ਿਲਾਫ਼ ਕਿਸੇ ਵੀ ਟੀਮ ਦਾ ਸਭ ਤੋਂ ਵੱਡਾ ਸਕੋਰ ਹੈ। ਭਾਰਤ ਨੇ ਵੈਸਟਇੰਡੀਜ਼ ਦਾ ਰਿਕਾਰਡ ਤੋੜਿਆ ਜਿਸ ਨੇ 2004 ਵਿੱਚ ਸੇਂਟ ਜੋਨਜ਼ ਵਿੱਚ ਪੰਜ ਵਿਕਟਾਂ ’ਤੇ 751 ਦੌੜਾਂ ਬਣਾਈਆਂ ਸਨ। ਆਪਣੀ ਰਿਕਾਰਡ ਪਾਰੀ ਦੌਰਾਨ ਨਾਇਰ ਨੇ ਰਵੀਚੰਦਰਨ ਅਸ਼ਵਿਨ(67) ਨਾਲ ਮਿਲ ਕੇ ਛੇਵੇਂ ਵਿਕਟ ਲਈ 181 ਦੌੜਾਂ ਤੇ ਫਿਰ ਰਵਿੰਦਰ ਜਡੇਜਾ(51) ਨਾਲ ਸੱਤਵੇਂ ਵਿਕਟ ਲਈ 138 ਦੌੜਾਂ ਦੀਆਂ ਦੋ ਵੱਡੀਆਂ ਸਾਂਝੇਦਾਰੀਆਂ ਕੀਤੀਆਂ।
ਨਾਇਰ ਨੇ ਲੈੱਗ ਸਪਿੰਨਰ ਆਦਿਲ ਰਸ਼ੀਦ ਦੀ ਗੇਂਦ ਪੁਆਇੰਟ ਤੋਂ ਚਾਰ ਦੌੜਾਂ ਲਈ ਭੇਜ ਕੇ ਆਪਣਾ ਤੀਹਰਾ ਸੈਂਕੜਾ ਪੂਰਾ ਕੀਤਾ ਅਤੇ ਫਿਰ ਐਮ.ਏ. ਚਿਦੰਬਰਮ ਸਟੇਡੀਮਅ ਵਿੱਚ ਮੌਜੂਦ ਦਰਸ਼ਕਾਂ ਤੇ ਆਪਣੇ ਸਾਥੀਆਂ ਦਾ ਆਭਾਰ ਪ੍ਰਗਟਾਇਆ। ਨਾਇਰ ਦਾ ਇਹ ਪਹਿਲੀ ਸ਼੍ਰੇਣੀ ਮੈਚਾਂ ਵਿੱਚ ਦੂਜਾ ਤੀਹਰਾ ਸੈਂਕੜਾ ਹੈ। ਉਸ ਨੇ ਪਿਛਲੇ ਸਾਲ ਮਾਰਚ ਵਿੱਚ ਕਰਨਾਟਕ ਵੱਲੋਂ ਤਾਮਿਲਨਾਡੂ ਖ਼ਿਲਾਫ਼ ਮੁੰਬਈ ਵਿੱਚ ਰਣਜੀ ਟਰਾਫੀ ਫਾਈਨਲ ਵਿੱਚ ਵੀ 328 ਦੌੜਾਂ ਬਣਾਈਆਂ ਸਨ। ਇਹੀ ਨਹੀਂ ਉਹ ਟੈਸਟ ਮੈਚਾਂ ਵਿੱਚ ਆਪਣੇ ਪਹਿਲੇ ਸੈਂਕੜੇ ਨੂੰ ਤੀਹਰੇ ਸੈਂਕੜੇ ਵਿੱਚ ਤਬਦੀਲ ਕਰਨ ਵਾਲਾ ਦੁਨੀਆਂ ਦਾ ਤੀਜਾ ਬੱਲੇਬਾਜ਼ ਬਣ ਗਿਆ ਹੈ। ਉਸ ਤੋਂ ਪਹਿਲਾਂ ਵੈਸਟਇੰਡੀਜ਼ ਦੇ ਸਰ ਗਾਰਫੀਲਡ ਸੋਬਰਜ਼(ਨਾਬਾਦ 365) ਅਤੇ ਆਸਟਰੇਲੀਆ ਦੇ ਬਾਬ ਸਿੰਪਸਨ(311) ਨੇ ਇਹ ਕਾਰਨਾਮਾ ਕੀਤਾ ਸੀ।
ਨਾਇਰ ਨੇ ਸਵੇਰੇ 71 ਦੌੜਾਂ ਤੋਂ ਆਪਣੀ ਪਾਰੀ ਅੱਗੇ ਵਧਾਈ ਸੀ। ਉਸ ਨੇ ਪਹਿਲੇ ਸੈਸ਼ਨ ਵਿੱਚ ਬੈਨ ਸਟੋਕਸ ਦੀ ਗੇਂਦ ’ਤੇ ਚੌਕਾ ਲਾ ਕੇ ਸੈਂਕੜਾ ਪੂਰਾ ਕੀਤਾ ਅਤੇ ਫਿਰ ਕਾਫੀ ਤੇਜੀ ਦਿਖਾਈ। ਚਾਹ ਦੀ ਬਰੇਕ ਤੋਂ ਬਾਅਦ ਉਸ ਨੇ ਜੈਨਿੰਗਜ਼ ਦੀ ਗੇਂਦ ’ਤੇ ਚੌਕਾ ਲਾ ਕੇ ਆਪਣਾ ਦੂਹਰਾ ਸੈਂਕੜਾ ਪੂਰਾ ਕੀਤਾ ਅਤੇ ਫਿਰ ਅਗਲੀਆਂ 100 ਦੌੜਾਂ ਕੇਵਲ 75 ਗੇਂਦਾਂ ਵਿੱਚ ਪੂਰੀ ਕੀਤੀਆਂ। ਉਸ ਨੇ ਮੋਈਨ ਅਲੀ ਤੇ ਰਸ਼ੀਦ ਦੀਆਂ ਗੇਂਦਾਂ ’ਤੇ ਛੱਕੇ ਵੀ ਲਾਏ। ਪਿੱਚ ਤੋਂ ਸਪਿੰਨਰਾਂ ਨੂੰ ਕਾਫੀ ਜ਼ਿਆਦਾ ਟਰਨ ਮਿਲ ਰਿਹਾ ਹੈ ਅਤੇ ਨਾਇਰ ਨੇ ਇਸ ਦਾ ਫਾਇਦਾ ਉਠਾਇਆ। ਇਸ ਦੌਰਾਨ ਕਿਸਮਤ ਨੇ ਵੀ ਉਸ ਦਾ ਸਾਥ ਦਿੱਤਾ।
ਕੁੱਲ 34 ਦੌੜਾਂ ਦੇ ਨਿੱਜੀ ਯੋਗ ’ਤੇ ਕੁੱਕ ਨੇ ਉਸ ਨੂੰ ਜੀਵਨਦਾਨ ਦਿੱਤਾ ਸੀ। ਅੱਜ ਵੀ ਦੋ ਵਾਰ ਉਹ ਆਊਟ ਹੋਣ ਤੋਂ ਬਚਿਆ। ਪਹਿਲੇ ਮੌਕੇ ’ਤੇ ਜਦੋਂ ਉਹ 216 ਦੌੜਾਂ ’ਤੇ ਸੀ ਤਾਂ ਜੈਕ ਬਾਲ ਦੀ ਗੇਂਦ ’ਤੇ ਜੋਅ ਰੂਟ ਨੇ ਸਲਿੱਪ ਵਿੱਚ ਉਸ ਦਾ ਕੈਚ ਛੱਡਿਆ ਜਦੋਂਕਿ 246 ਦੌੜਾਂ ਦੇ ਨਿੱਜੀ ਯੋਗ ’ਤੇ ਜੌਨੀ ਬੇਅਰਸਟੋ ਉਸ ਨੂੰ ਸਟੰਪ ਕਰਨ ਤੋਂ ਚੂਕ ਗਿਆ ਸੀ। ਇਨ੍ਹਾਂ ਕੁਝ ਮੌਕਿਆਂ ਨੂੰ ਛੱਡ ਕੇ ਨਾਇਰ ਦੀ ਪਾਰੀ ਲਾਜਵਾਬ ਰਹੀ ਅਤੇ ਉਸ ਨੇ ਇੰਗਲੈਂਡ ਦੇ ਤੇਜ਼ ਤੇ ਸਪਿੰਨ ਕਿਸੇ ਵੀ ਤਰ੍ਹਾਂ ਦੇ ਗੇਂਦਬਾਜ਼ਾਂ ਨੂੰ ਖ਼ੁਦ ’ਤੇ ਹਾਵੀ ਨਹੀਂ ਹੋਣ ਦਿੱਤਾ। ਕੱਲ੍ਹ ਦੇ ਮੁਕਾਬਲੇ ਉਹ ਅੱਜ ਜ਼ਿਆਦਾ ਵਧੀਆ ਖੇਡਿਆ। ਉਸ ਨੇ ਅੱਜ ਬਣਾਈਆਂ 232 ਦੌੜਾਂ ਲਈ ਕੇਵਲ 245 ਗੇਂਦਾਂ ਖੇਡੀਆਂ।
ਭਾਰਤ ਨੇ ਸਵੇਰੇ ਚਾਰ ਵਿਕਟਾਂ ’ਤੇ 391 ਦੌੜਾਂ ਤੋਂ ਅੱਗੇ ਖੇਡਦੇ ਹੋਏ ਪਹਿਲੇ ਸੈਸ਼ਨ ਵਿੱਚ 72 ਦੌੜਾਂ ਬਣਾਈਆਂ ਅਤੇ ਮੁਰਲੀ ਵਿਜੈ(29) ਦਾ ਵਿਕਟ ਗੁਆਇਆ ਪਰ ਦੂਜੇ ਸੈਸ਼ਨ ਵਿੱਚ ਨਾਇਰ ਤੇ ਅਸ਼ਵਿਨ ਨੇ ਇੰਗਲੈਂਡ ਨੂੰ ਕੋਈ ਸਫ਼ਲਤਾ ਹੱਥ ਨਹੀਂ ਲੱਗਣ ਦਿੱਤੀ। ਇਸ ਦੌਰਾਨ ਇਨ੍ਹਾਂ ਦੋਵਾਂ ਨੇ 119 ਦੌੜਾਂ ਜੋੜੀਆਂ। ਤੀਜੇ ਸੈਸ਼ਨ ਵਿੱਚ 177 ਦੌੜਾਂ ਬਣੀਆਂ ਅਤੇ ਇਸ ਵਿਚਕਾਰ ਦੋ ਵਿਕਟਾਂ ਗਈਆਂ। ਇਸ ਤੋਂ ਇਲਾਵਾ ਅਸ਼ਵਿਨ ਨੇ 149 ਗੇਂਦਾਂ ’ਤੇ ਛੇ ਚੌਕੇ ਤੇ ਇਕ ਲਾਇਆ। ਉਸ ਨੇ ਜੈਨਿੰਗਜ਼ ਦੀ ਗੇਂਦ ’ਤੇ ਚੌਕਾ ਲਾ ਕੇ ਆਪਣੇ ਕਰੀਅਰ ਦਾ ਦਸਵਾਂ ਅਰਧਸੈਂਕੜਾ ਪੂਰਾ ਕੀਤਾ। ਇੰਗਲੈਂਡ ਵੱਲੋਂ ਬਰਾਡ ਨੇ 80 ਦੌੜਾਂ ਦੇ ਕੇ ਦੋ ਜਦੋਂਕਿ ਡਾਸਨ ਨੇ 129 ਦੌੜਾਂ ਦੇ ਕੇ ਦੋ ਵਿਕਟਾਂ ਲਈਆਂ। -ਪੀਟੀਆਈ

About Author

Punjab Mail USA

Punjab Mail USA

Related Articles

0 Comments

No Comments Yet!

There are no comments at the moment, do you want to add one?

Write a comment

Only registered users can comment.

ads

Latest Category Posts

    ਅਮਰੀਕਾ ਚ ਭਾਰਤਵੰਸ਼ੀ ਡਾਕਟਰ ‘ਤੇ ਹੈਲਥ ਕੇਅਰ ਫਰਾਡ ਦੇ ਮਾਮਲੇ ‘ਚ ਦੋਸ਼ ਤੈਅ

ਅਮਰੀਕਾ ਚ ਭਾਰਤਵੰਸ਼ੀ ਡਾਕਟਰ ‘ਤੇ ਹੈਲਥ ਕੇਅਰ ਫਰਾਡ ਦੇ ਮਾਮਲੇ ‘ਚ ਦੋਸ਼ ਤੈਅ

Read Full Article
    ਗ਼ੈਰਕਾਨੂੰਨੀ ਪ੍ਰਵਾਸੀਆਂ ਨੂੰ ਕੈਲੇਫੋਰਨੀਆ ‘ਚ ਮਿਲੀ ਵੱਡੀ ਰਾਹਤ

ਗ਼ੈਰਕਾਨੂੰਨੀ ਪ੍ਰਵਾਸੀਆਂ ਨੂੰ ਕੈਲੇਫੋਰਨੀਆ ‘ਚ ਮਿਲੀ ਵੱਡੀ ਰਾਹਤ

Read Full Article
    ਮੁਕੇਸ਼ ਅੰਬਾਨੀ ਸਣੇ 100 ਪ੍ਰਭਾਵਸ਼ਾਲੀ ਲੋਕਾਂ ਦੀ ਲਿਸਟ ਵਿਚ 3 ਭਾਰਤੀ

ਮੁਕੇਸ਼ ਅੰਬਾਨੀ ਸਣੇ 100 ਪ੍ਰਭਾਵਸ਼ਾਲੀ ਲੋਕਾਂ ਦੀ ਲਿਸਟ ਵਿਚ 3 ਭਾਰਤੀ

Read Full Article
    ਬਾਬੇ ਨਾਨਕ ਦੇ 550 ਸਾਲਾ ਪ੍ਰਕਾਸ਼ ਦਿਵਸ ਦੀਆਂ ਪਾਕਿਸਤਾਨ ‘ਚ ਜ਼ੋਰਦਾਰ ਤਿਆਰੀਆਂ

ਬਾਬੇ ਨਾਨਕ ਦੇ 550 ਸਾਲਾ ਪ੍ਰਕਾਸ਼ ਦਿਵਸ ਦੀਆਂ ਪਾਕਿਸਤਾਨ ‘ਚ ਜ਼ੋਰਦਾਰ ਤਿਆਰੀਆਂ

Read Full Article
    ਪ੍ਰਵਾਸੀ ਸਿੱਖਾਂ ਦਾ ਨਨਕਾਣਾ ਸਾਹਿਬ ਵਿਖੇ ਗੁਰਪੁਰਬ ‘ਤੇ ਹੋਵੇਗਾ ਭਰਵਾਂ ਸੁਆਗਤ ਗਵਰਨਰ ਪੰਜਾਬ

ਪ੍ਰਵਾਸੀ ਸਿੱਖਾਂ ਦਾ ਨਨਕਾਣਾ ਸਾਹਿਬ ਵਿਖੇ ਗੁਰਪੁਰਬ ‘ਤੇ ਹੋਵੇਗਾ ਭਰਵਾਂ ਸੁਆਗਤ ਗਵਰਨਰ ਪੰਜਾਬ

Read Full Article
    ਗੁਰਜਤਿੰਦਰ ਰੰਧਾਵਾ ਨੂੰ ਕੈਲੀਫੋਰਨੀਆ ਸੈਕਟਰੀ ਆਫ ਸਟੇਟ ਦਾ ਐਡਵਾਈਜ਼ਰੀ ਬੋਰਡ ਮੈਂਬਰ ਕੀਤਾ ਗਿਆ ਨਿਯੁਕਤ

ਗੁਰਜਤਿੰਦਰ ਰੰਧਾਵਾ ਨੂੰ ਕੈਲੀਫੋਰਨੀਆ ਸੈਕਟਰੀ ਆਫ ਸਟੇਟ ਦਾ ਐਡਵਾਈਜ਼ਰੀ ਬੋਰਡ ਮੈਂਬਰ ਕੀਤਾ ਗਿਆ ਨਿਯੁਕਤ

Read Full Article
    ਰਿਚਮੰਡ ਵਿਖੇ ਉਤਸ਼ਾਹ ਨਾਲ ਮਨਾਇਆ ਗਿਆ ਵਿਸਾਖੀ ਮੇਲਾ

ਰਿਚਮੰਡ ਵਿਖੇ ਉਤਸ਼ਾਹ ਨਾਲ ਮਨਾਇਆ ਗਿਆ ਵਿਸਾਖੀ ਮੇਲਾ

Read Full Article
    ਪੰਜਾਬੀ ਮੀਡੀਆ ਨੂੰ ਨਿਰਪੱਖ ਤੇ ਪਾਰਦਰਸ਼ੀ ਹੋ ਕੇ ਤਕੜਾ ਹੋਣ ਲਈ ਜ਼ੋਰ

ਪੰਜਾਬੀ ਮੀਡੀਆ ਨੂੰ ਨਿਰਪੱਖ ਤੇ ਪਾਰਦਰਸ਼ੀ ਹੋ ਕੇ ਤਕੜਾ ਹੋਣ ਲਈ ਜ਼ੋਰ

Read Full Article
    ਭਾਰਤੀ ਦੂਤਾਵਾਸ ਵੱਲੋਂ ਭਾਰਤੀ ਵਿਦਿਆਰਥੀਆਂ ਨੂੰ ਅਮਰੀਕੀ ਯੂਨੀਵਰਸਿਟੀਆਂ ਬਾਰੇ ਪੜਤਾਲ ਕਰਨ ਦੀ ਸਲਾਹ

ਭਾਰਤੀ ਦੂਤਾਵਾਸ ਵੱਲੋਂ ਭਾਰਤੀ ਵਿਦਿਆਰਥੀਆਂ ਨੂੰ ਅਮਰੀਕੀ ਯੂਨੀਵਰਸਿਟੀਆਂ ਬਾਰੇ ਪੜਤਾਲ ਕਰਨ ਦੀ ਸਲਾਹ

Read Full Article
    ਪੰਜਾਬੀ ਨੇ ਧੋਖਾਧੜੀ ਨਾਲ ਅਮਰੀਕੀ ਨਾਗਰਿਕਤਾ ਹਾਸਲ ਕਰਨ ਦੇ ਯਤਨਾਂ ਦੇ ਦੋਸ਼ ਸਵੀਕਾਰੇ

ਪੰਜਾਬੀ ਨੇ ਧੋਖਾਧੜੀ ਨਾਲ ਅਮਰੀਕੀ ਨਾਗਰਿਕਤਾ ਹਾਸਲ ਕਰਨ ਦੇ ਯਤਨਾਂ ਦੇ ਦੋਸ਼ ਸਵੀਕਾਰੇ

Read Full Article
    ਟਰੰਪ ਵੱਲੋਂ ਗੈਰਕਾਨੂੰਨੀ ਪ੍ਰਵਾਸੀਆਂ ਨੂੰ ‘ਸੈਂਚੁਰੀ ਸਿਟੀਜ਼’ ਭੇਜਣ ਬਾਰੇ ਗੰਭੀਰਤਾ ਨਾਲ ਵਿਚਾਰਾਂ

ਟਰੰਪ ਵੱਲੋਂ ਗੈਰਕਾਨੂੰਨੀ ਪ੍ਰਵਾਸੀਆਂ ਨੂੰ ‘ਸੈਂਚੁਰੀ ਸਿਟੀਜ਼’ ਭੇਜਣ ਬਾਰੇ ਗੰਭੀਰਤਾ ਨਾਲ ਵਿਚਾਰਾਂ

Read Full Article
    ਆਈਐਸ ਯੂਰਪ ਵਿਚ  ਖਤਰਨਾਕ ਹਮਲੇ ਕਰਨ ਦੀ ਤਿਆਰੀ ਵਿਚ

ਆਈਐਸ ਯੂਰਪ ਵਿਚ ਖਤਰਨਾਕ ਹਮਲੇ ਕਰਨ ਦੀ ਤਿਆਰੀ ਵਿਚ

Read Full Article
    ਗੈਰਕਾਨੂੰਨੀ ਸ਼ਰਨਾਰਥੀਆਂ ਨੂੰ ‘ਸੈਂਚੁਰੀ ਸਿਟੀਜ਼’ ਵਿੱਚ ਭੇਜਣ ਬਾਰੇ ਗੰਭੀਰਤਾ ਨਾਲ ਵਿਚਾਰ ਕਰ ਰਹੀ ਟਰੰਪ ਸਰਕਾਰ

ਗੈਰਕਾਨੂੰਨੀ ਸ਼ਰਨਾਰਥੀਆਂ ਨੂੰ ‘ਸੈਂਚੁਰੀ ਸਿਟੀਜ਼’ ਵਿੱਚ ਭੇਜਣ ਬਾਰੇ ਗੰਭੀਰਤਾ ਨਾਲ ਵਿਚਾਰ ਕਰ ਰਹੀ ਟਰੰਪ ਸਰਕਾਰ

Read Full Article
    ਟਰੰਪ ਸ਼ਰਨਾਰਥੀਆਂ ਨੂੰ ‘ਸੈਂਚੁਰੀ ਸਿਟੀਜ਼’ ਵਿਚ ਭੇਜਣ ‘ਤੇ ਕਰ ਰਹੇ ਹਨ ਗੰਭੀਰਤਾ ਨਾਲ ਵਿਚਾਰ

ਟਰੰਪ ਸ਼ਰਨਾਰਥੀਆਂ ਨੂੰ ‘ਸੈਂਚੁਰੀ ਸਿਟੀਜ਼’ ਵਿਚ ਭੇਜਣ ‘ਤੇ ਕਰ ਰਹੇ ਹਨ ਗੰਭੀਰਤਾ ਨਾਲ ਵਿਚਾਰ

Read Full Article
    ਬ੍ਰਿਟਿਸ਼ ਕਾਮੇਡੀਅਨ ਇਆਨ ਕੋਗਨਿਟੋ ਦਾ ਸਟੇਜ ਪਰਫਾਰਮੈਂਸ ਦੌਰਾਨ ਦਿਹਾਂਤ

ਬ੍ਰਿਟਿਸ਼ ਕਾਮੇਡੀਅਨ ਇਆਨ ਕੋਗਨਿਟੋ ਦਾ ਸਟੇਜ ਪਰਫਾਰਮੈਂਸ ਦੌਰਾਨ ਦਿਹਾਂਤ

Read Full Article