ਆਈਪੀਐੱਲ – ਧੋਨੀ ਸੈਨਾ ਨੇ ਹਰਾਏ ਦਿੱਲੀ ਦੇ ਦਲੇਰ
ਨਵੀਂ ਦਿੱਲੀ, 5 ਮਈ (ਪੰਜਾਬ ਮੇਲ)- ਆਈਪੀਐੱਲ ਦੇ ਮੈਚ ਵਿੱਚ ਅੱਜ ਮਹਿੰਦਰ ਸਿੰਘ ਧੋਨੀ ਦੀ ਅਗਵਾਈ ਹੇਠਲੀ ਪੁਣੇ ਸੁਪਰ ਜਾਇੰਟਸ ਦੀ ਟੀਮ ਨੇ ਦਿੱਲੀ ਡੇਅਰਡੈਵਿਲਜ਼ ਨੂੰ 7 ਵਿਕਟਾਂ ਨਾਲ ਹਰਾ ਦਿੱਤਾ। ਧੋਨੀ ਦੀ ਟੀਮ ਨੂੰ 9 ਮੈਚਾਂ ’ਚ ਤੀਜੀ ਜਿੱਤ ਨਸੀਬ ਹੋਈ ਹੈ ਅਤੇ ਉਸ ਦੇ 6 ਅੰਕ ਹੋ ਗਏ ਹਨ। ਅਜਿੰਕਿਆ ਰਹਾਣੇ (ਨਾਬਾਦ 63) ਨੇ ਟੀਮ ਦੀ ਜਿੱਤ ’ਚ ਅਹਿਮ ਭੂਮਿਕਾ ਨਿਭਾਈ। ਦਿੱਲੀ ਡੇਅਰਡੈਵਿਲਜ਼ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ 7 ਵਿਕਟਾਂ ਗੁਆ ਕੇ 162 ਦੌੜਾਂ ਬਣਾਈਆਂ ਸਨ। ਧੋਨੀ ਦੀ ਟੀਮ ਨੇ 6 ਗੇਂਦਾਂ ਰਹਿੰਦਿਆਂ ਜਿੱਤ ਹਾਸਲ ਕਰ ਲਈ। ਇਸ ਤੋਂ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਸੱਦਾ ਮਿਲਣ ਉੱਤੇ ਸੱਤ ਵਿਕਟਾਂ ਪਿੱਛੇ 162 ਦੌੜਾਂ ਬਣਾਈਆਂ। ਦਿੱਲੀ ਦੀ ਤਰਫੋਂ ਜੇਪੀ ਡੂਮਿਨੀ ਨੇ ਸਭ ਤੋਂ ਵੱਧ 43 ਦੌੜਾਂ ਦਾ ਯੋਗਦਾਨ ਪਾਇਆ। ਇਸ ਤੋਂ ਇਲਾਵਾ ਕਰੁਣ ਨਾਇਰ (32), ਸੈਮ ਬਿਲਿੰਗ (24 ), ਕਾਰਲੋਸ ਬ੍ਰੈਥਵੈੱਟ (20) ਪਵਨ ਨੇਗੀ ਨੇ 19 ਦੌੜਾਂ ਦਾ ਯੋਗਦਾਨ ਪਾਇਆ। ਪੁਣੇ ਸੁਪਰ ਜਾਇੰਟਸ ਦੇ ਰਜਤ ਭਾਟੀਆ 22 ਦੌੜਾਂ ਬਦਲੇ ਦੋ ਵਿਕਟਾਂ ਲੈਣ ਵਿੱਚ ਕਾਮਯਾਬ ਰਹੇ। ਦਿੱਲੀ ਦੇ ਕਪਤਾਨ ਜ਼ਹੀਰ ਖਾਨ ਦੇ ਸੱਟ ਲੱਗਣ ਕਾਰਨ ਅੱਜ ਦਿੱਲੀ ਡੇਅਰਡੈਵਿਲਜ਼ ਦੀ ਕਪਤਾਨੀ ਦੱਖਣੀ ਅਫਰੀਕਾ ਦੇ ਆਲ ਰਾਊਂਡਰ ਜੇਪੀ ਡੁਮਿਨੀ ਨੇ ਕੀਤੀ।
There are no comments at the moment, do you want to add one?
Write a comment