ਅਮਰੀਕਾ ਵਿੱਚ ਹੁਣ ਤੱਕ 19 ਲੱਖ ਲੋਕ ਕੋਰੋਨਾ ਪੌਜ਼ੇਟਿਵ

383
Share

ਇੱਕ ਲੱਖ 11 ਹਜ਼ਾਰ ਤੋਂ ਵੱਧ ਲੋਕਾਂ ਦੀ ਮੌਤ

ਨਵੀਂ ਦਿੱਲੀ, 6 ਜੂਨ (ਪੰਜਾਬ ਮੇਲ)- ਕੋਰੋਨਾਵਾਇਰਸ ਦੁਨੀਆ ਦੇ 213 ਦੇਸ਼ਾਂ ਵਿੱਚ ਫੈਲਿਆ ਹੈ। ਪਿਛਲੇ 24 ਘੰਟਿਆਂ ਵਿੱਚ 1 ਲੱਖ 30 ਹਜ਼ਾਰ ਨਵੇਂ ਕੋਰੋਨਾ ਦੇ ਕੇਸ ਸਾਹਮਣੇ ਆਏ ਤੇ ਮਰਨ ਵਾਲਿਆਂ ਦੀ ਗਿਣਤੀ ਵਿੱਚ  4,902 ਦਾ ਇਜ਼ਾਫਾ ਹੋਇਆ ਹੈ।
ਵਰਲਡਮੀਟਰ ਮੁਤਾਬਕ, ਦੁਨੀਆ ਭਰ ਵਿੱਚ ਹੁਣ ਤੱਕ ਲਗਪਗ 68.39 ਲੱਖ ਲੋਕ ਕੋਰੋਨਾਵਾਇਰਸ ਨਾਲ ਸੰਕਰਮਿਤ ਹੋਏ ਹਨ। ਇਨ੍ਹਾਂ ਵਿੱਚੋਂ 3 ਲੱਖ 97 ਹਜ਼ਾਰ 422 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਇਸ ਦੇ ਨਾਲ ਹੀ 33 ਲੱਖ ਲੋਕ ਕੋਰੋਨਾ ਤੋਂ ਠੀਕ ਵੀ ਹੋ ਗਏ ਹਨ। ਦੁਨੀਆ ਦੇ ਲਗਪਗ 76 ਪ੍ਰਤੀਸ਼ਤ ਕੋਰੋਨਾ ਕੇਸ ਸਿਰਫ 14 ਦੇਸ਼ਾਂ ਵਿੱਚੋਂ ਆਏ ਹਨ। ਇਨ੍ਹਾਂ ਦੇਸ਼ਾਂ ਵਿੱਚ ਕੋਰੋਨਾ ਪੀੜਤਾਂ ਦੀ ਗਿਣਤੀ 52 ਲੱਖ ਹੈ।
ਕੋਰੋਨਾ ਨੇ ਅਮਰੀਕਾ ‘ਚ ਸਭ ਤੋਂ ਵੱਧ ਤਬਾਹੀ ਮਚਾਈ ਹੈ। ਅਮਰੀਕਾ ਵਿੱਚ ਹੁਣ ਤੱਕ 19 ਲੱਖ ਲੋਕ ਕੋਰੋਨਾ ਪੌਜ਼ੇਟਿਵ ਪਾਏ ਗਏ ਹਨ। ਇੱਕ ਲੱਖ 11 ਹਜ਼ਾਰ ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਪਰ ਹੁਣ ਹਰ ਦਿਨ ਬ੍ਰਾਜ਼ੀਲ ‘ਚ ਵਧੇਰੇ ਕੋਰੋਨਾ ਦੇ ਕੇਸ ਤੇ ਮੌਤ ਦਰਜ ਹੋ ਰਹੇ ਹਨ। ਪਿਛਲੇ 24 ਘੰਟਿਆਂ ਵਿੱਚ ਬ੍ਰਾਜ਼ੀਲ ਵਿੱਚ 25,273 ਨਵੇਂ ਕੇਸ ਆਏ ਅਤੇ 971 ਮੌਤਾਂ ਹੋਈਆਂ। ਬ੍ਰਾਜ਼ੀਲ ਤੋਂ ਬਾਅਦ ਰੂਸ ਅਤੇ ਭਾਰਤ ‘ਚ ਸੰਕਰਮਣ ਦੀ ਗਿਣਤੀ ਦੁਨੀਆ ‘ਚ ਸਭ ਤੋਂ ਜ਼ਿਆਦਾ ਹੈ।
ਦੁਨੀਆਂ ‘ਚ ਕਿੱਥੇ ਕਿੰਨੇ ਕੇਸ, ਕਿੰਨੀਆਂ ਮੌਤਾਂ:
ਅਮਰੀਕਾ: ਕੇਸ – 1,965,588, ਮੌਤ – 111,386
ਬ੍ਰਾਜ਼ੀਲ: ਕੇਸ – 646,006, ਮੌਤ – 35,047
ਰੂਸ: ਕੇਸ – 449,834, ਮੌਤ – 5,528
ਸਪੇਨ: ਕੇਸ – 288,058, ਮੌਤ – 27,134
ਯੂਕੇ: ਕੇਸ – 283,311, ਮੌਤ – 40,261
ਇਟਲੀ: ਕੇਸ – 234,531, ਮੌਤ – 33,774
ਭਾਰਤ: ਕੇਸ – 236,184, ਮੌਤ – 6,649
ਜਰਮਨੀ: ਕੇਸ – 185,414, ਮੌਤ – 8,763
ਪੇਰੂ: ਕੇਸ – 187,400, ਮੌਤ – 5,162
ਤੁਰਕੀ: ਕੇਸ – 168,340, ਮੌਤ – 4,648


Share