ਅਮਰੀਕਾ ‘ਚ ਪਾਕਿਸਤਾਨ ਪ੍ਰਤੀ ਹਮਾਇਤ ਤੇਜ਼ੀ ਨਾਲ ਘਟੀ

September 21

11:00 2016

Print This Article Share it With Friends

* ਦੌਰੇ ‘ਤੇ ਗਏ ਭਾਰਤੀ ਸੰਸਦ ਮੈਂਬਰਾਂ ਦੀ ਟੀਮ ਦੀ ਰਾਇ
ਵਾਸ਼ਿੰਗਟਨ, 21 ਸਤੰਬਰ (ਪੰਜਾਬ ਮੇਲ)- ਅਮਰੀਕਾ ‘ਚ ਪਾਕਿਸਤਾਨ ਦੀ ਹਮਾਇਤ ਤੇਜ਼ੀ ਨਾਲ ਘੱਟ ਰਹੀ ਹੈ। ਅਮਰੀਕੀ ਐੱਮ.ਪੀ. ਇਸ ਗੱਲ ਨੂੰ ਲੈ ਕੇ ਨਾਖੁਸ਼ ਹਨ ਕਿ ਉਹ ਅੱਤਵਾਦੀ ਸੰਗਠਨਾਂ ‘ਤੇ ਕਾਰਵਾਈ ਕਰਨ ਦੀ ਥਾਂ ਉਨ੍ਹਾਂ ਨੂੰ ਸੁਰੱਖਿਅਤ ਪਨਾਹ ਦੇ ਰਿਹਾ ਹੈ। ਇਹ ਗੱਲ ਅਮਰੀਕਾ ਦੇ ਦੌਰੇ ‘ਤੇ ਪਹੁੰਚੇ ਭਾਰਤੀ ਸੰਸਦ ਮੈਂਬਰਾਂ ਦੇ ਵਫਦ ਨੇ ਕਹੀ।
ਵਫਦ ਦੀ ਅਗਵਾਈ ਕਰ ਰਹੇ ਬੀਜੂ ਜਨਤਾ ਦਲ (ਬੀ.ਜੇ.ਡੀ.) ਦੇ ਸੰਸਦ ਮੈਂਬਰ ਬੀ.ਜੇ. ਪਾਂਡਾ ਨੇ ਕਿਹਾ ਕਿ ਇਕ ਗੱਲ ਬਹੁਤ ਸਾਫ਼ ਹੈ ਕਿ ਅਮਰੀਕੀ ਪਾਕਿਸਤਾਨ ਤੋਂ ਨਾਖੁਸ਼ ਹਨ। ਉਹ ਅਫਗਾਨਿਸਤਾਨ ‘ਚ ਰਹਿ ਰਹੇ ਅਮਰੀਕੀਆਂ ਨੂੰ ਲੈ ਕੇ ਚਿੰਤਤ ਹਨ। ਵਾਅਦੇ ਜੋ ਕੀਤੇ ਗਏ ਸਨ ਉਹ ਟੁੱਟ ਗਏ ਹਨ। ਮੈਂ ਅਤੇ ਮੇਰੇ ਸਾਥੀਆਂ ਨੇ ਇਥੇ ਮੁਲਾਕਾਤਾਂ ‘ਚ ਮਹਿਸੂਸ ਕੀਤਾ ਕਿ ਅਮਰੀਕਾ ‘ਚ ਹਾਲੀਆ ਸਾਲਾਂ ‘ਚ ਪਾਕਿਸਤਾਨ ਲਈ ਹਮਾਇਤ ‘ਚ ਤੇਜ਼ੀ ਨਾਲ ਗਿਰਾਵਟ ਆਈ ਹੈ। ਇੰਡੋ-ਅਮਰੀਕਾ ਫੋਰਮ ਤਹਿਤ 7 ਭਾਰਤੀ ਸੰਸਦ ਮੈਂਬਰਾਂ ਦੀ ਟੀਮ ਇਥੇ ਪਹੁੰਚੀ ਹੈ। ਇਨ੍ਹਾਂ ‘ਚ ਭਾਜਪਾ ਦੇ ਅਨੁਰਾਗ ਠਾਕੁਰ, ਹਰੀਸ਼ ਚੰਦਰ ਮੀਨਾ, ਸਮਾਜਵਾਦੀ ਪਾਰਟੀ ਦੇ ਨੀਰਜ ਸ਼ੇਖਰ, ਟੀ.ਡੀ.ਪੀ. ਦੇ ਜੈਦੇਵ ਗੱਲਾ ਦੇ ਇਲਾਵਾ ਕਾਂਗਰਸ ਦੇ ਰਾਜੀਵ ਸਾਤਵ ਅਤੇ ਸੁਮਿਤਰਾ ਦੇਵ ਸ਼ਾਮਲ ਹਨ। ਪਾਂਡਾ ਨੇ ਕਿਹਾ ਕਿ ਅਫਗਾਨਿਸਤਾਨ ‘ਚ ਭਾਰਤ ਦੀ ਰਚਨਾਤਮਕ ਅਤੇ ਵਿਕਾਸਾਤਮਕ ਭੂਮਿਕਾ ਪ੍ਰਤੀ ਸੰਵੇਦਨਸ਼ੀਲਤਾ ਅਤੇ ਸਨਮਾਨ ਵਧਿਆ ਹੈ। ਇਹ ਪਹਿਲਾਂ ਦਾ ਮਾਮਲਾ ਨਹੀਂ ਹੈ। ਅਸੀਂ ਇਹ ਦੇਖ ਸਕਦੇ ਹਾਂ ਕਿ ਕੁਝ ਲੋਕਾਂ (ਅਮਰੀਕੀਆਂ) ਦਾ (ਅਫਗਾਨਿਸਤਾਨ ‘ਚ ਭਾਰਤ ਦੀ ਭੂਮਿਕਾ ਨੂੰ ਲੈ ਕੇ) ਵਿਹਾਰ ਬਦਲ ਰਿਹਾ ਹੈ। ਅਫਗਾਨਿਸਤਾਨ ‘ਚ ਭਾਰਤ ਦਾ ਲਗਾਤਾਰ ਨਿਵੇਸ਼ ਵਧਣ ਤੋਂ ਉਹ ਕਾਫੀ ਖੁਸ਼ ਹਨ। ਅਮਰੀਕੀ ਇਕ-ਦੋ ਸਾਲ ਪਹਿਲਾਂ ਤੱਕ ਪਾਕਿਸਤਾਨ ਪ੍ਰਤੀ ਸੰਵੇਦਨਸ਼ੀਲ ਹੋਣ ਦੇ ਆਦੀ ਸਨ।